ពីនេះ ពីនោះ
តើពាក្យ«សម្លាញ់,សំឡាញ់,សំលាញ់» មួយណាជាពាក្យត្រឹមត្រូវ?
× ភ្នំពេញ៖ ដ្បិតពាក្យ«សម្លាញ់,សំឡាញ់,សំលាញ់» មានសូរសំឡេងដូចគ្នា ប៉ុន្តែ ពាក្យដែលត្រឹមត្រូវនោះ គឺគេសរសេរថា សម្លាញ់។
វចនានុក្រមសម្តេចសង្ឃរាជ ជួន ណាត បានពន្យល់ថា៖
សម្លាញ់ (ន) មានន័យថា អ្នកដែលជាទីស្រឡាញ់ស្និទ្ធស្នាល,មិត្តជិតដិត។ ឧទាហរណ៍៖ ខ្ញុំសុំឯងធ្វើជាមិត្តសម្លាញ់។
ពាក្យថា «សម្លាញ់» ពេលខ្លះ គេប្រើភ្ជាប់ជាមួយពាក្យ«មិត្ត»។ ឧទាហរណ៍៖ មិត្តសម្លាញ់។ ប៉ុន្តែ យើងក៏អាចប្រើពាក្យ «សម្លាញ់» ទទេក៏បានដែរ ព្រោះ ពាក្យនេះ មានថ្នាក់ជានាម ដែលគេអាចប្រើជំនួសពាក្យមិត្តស្និទ្ធស្នាលបាន។
សូមបញ្ជាក់ថា ពាក្យ«សម្លាញ់» មិនមែនមានន័យស្មើពាក្យ«មិត្ត»នោះទ ពីព្រោះ មិត្ត មានពីរប្រភេទ គឺកល្យាណមិត្ត និងបាបមិត្ត។ ក្នុងករណីដែលមិត្តនោះ គឺជាកល្យាណមិត្ត ទើបគេអាចហៅថា«សម្លាញ់»។ តែបើមិត្តនោះ គឺជាបាបមិត្ត គេមិនអាចប្រើពាក្យថា «សម្លាញ់» បានទេ ពីព្រោះ បាបមិត្ត គឺមានន័យថា មិត្តអាក្រក់ ឬមិត្តមិនល្អ៕
© រក្សាសិទ្ធិដោយ thmeythmey.com