អន្តរជាតិ
នាយករដ្ឋមន្ត្រីថៃ ប្រាយុទ្ធ ចន្ទអូចា ជូននំខួបកំណើតដល់ប្រធានាធិបតី Rodrigo Duterte (រូបថត The Nation)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីថៃ ប្រាយុទ្ធ ចន្ទអូ បានបង្កើតការភ្ញាក់ផ្អើលមួយសម្រាប់ប្រធានាធិបតីហ្វីលីពីន Rodrigo Duterte ដែលកំពុងទស្សនកិច្ចផ្លូវការនៅថៃ។ ក្នុងពិធីលាងសាយភោជន៍នៅល្ងាចថ្ងៃទី២១ ខែមីនា នាយករដ្ឋមន្ត្រីថៃ បានរៀបចំពិធីខួបកំណើតដល់ប្រធានាធិបតីហ្វីលីពីន ដែលនឹងឈានវ័យ៧២ឆ្នាំ នៅថ្ងៃទី២៨ ខែមីនាខាងមុខ។
លោក Rodrigo Duterte បានទៅដល់ប្រទេសថៃ នៅយប់ថ្ងៃទី២០ ខែមីនា ដើម្បីចាប់ផ្ដើមទស្សនកិច្ចបីថ្ងៃនៅទីនោះ។ លោកបានជួបជាមួយប្រមុខរដ្ឋាភិបាលយោធាថៃ ប្រាយុទ្ធ ចន្ទអូចា លើប្រធានបទជាច្រើនដែលទាក់ទងនឹងការធ្វើប្រធានអាស៊ានរបស់ហ្វីលីពីនក្នុងឆ្នាំ២០១៧។ ប្រធានាធិបតីហ្វីលីពីន Duterte ទៅដល់ថៃ បន្ទាប់ពីបញ្ចប់ទស្សនកិច្ច២ថ្ងៃនៅមីយ៉ាន់ម៉ា។
ក្រោយជំនួបទ្វេភាគីរយៈពេល២ម៉ោងនៅវិមានរដ្ឋាភិបាលនាក្រុងបាងកក នាយករដ្ឋមន្ត្រីថៃ ប្រាយុទ្ធ ចន្ទអូចា ក៏បានរៀបចំពិធីជប់លាងមួយថ្ងៃទី២១ ខែមីនា។ អ្វីដែលគួរឲ្យចាប់អារម្មណ៍នោះ នាយករដ្ឋមន្ត្រី ប្រាយុទ្ធ ក៏បានរៀបចំពិធីខួបកំណើតមួយសម្រាប់ប្រធានាធិបតីហ្វីលីពីនតែម្ដង ហើយលោកក៏បានជូននំខួបកំណើតគម្រប់អាយុ៧២ឆ្នាំដល់លោក Duterte ។ នេះបើយោងតាមការផ្សាយរបស់សារព័ត៌មានថៃ The Nation ។
អំឡុងទស្សនកិច្ចនេះ ប្រធានបទសំខាន់ដែលស្ថិតនៅក្នុងរបៀបវារៈនៃជំនួបប្រមុខរដ្ឋាភិបាលទាំង២ គឺពាក់ព័ន្ធការកម្ចាត់គ្រឿងញៀន និងការបង្កើនសហប្រតិបតិ្តការរវាងភ្នាក់ងារចារកម្មក៏ដូចជាប្រឆាំងឧក្រិដ្ឋកម្មឆ្លងដែន។ មេដឹកនាំហ្វីលីពីក៏នឹងពិភាក្សាជាមួយមេដឹកនាំថៃពីបញ្ហាអាស៊ាន ក៏ដូចជាស្វែងរកការគាំទ្រពីរដ្ឋាភិបាលថៃចំពោះការធ្វើជាប្រធានអាស៊ាននាឆ្នាំ ២០១៧នេះដែរ។
បន្ថែមពីនេះ ភាគីទាំងពីរក៏នឹងជជែកពីការឈានទៅបង្កើនទំនាក់ទំនងពាណិជ្ជកម្មនិងការវិនិយោគទ្វេភាគី ជាពិសេសភាគីក៏បន្តបង្រឹងការសហការដើម្បីរក្សាសុវត្ថិភាព និងធានាជីវភាពរស់នៅរបស់ប្រជាជនហ្វីលីពីនធ្វើការងារនិងរស់នៅថៃ និងប្រជាជនថៃនៅហ្វីលីពីនដូចគ្នា។ ចំណែកលោក Duterte ក៏នឹងជួបជាមួយបណ្តាអ្នកជំនួញ និងអ្នកតំណាងមកពីសហព័ន្ធឧស្សាហកម្ម, សភាពាណិជ្ជកម្ម និង សមាគមធនាគារថៃជាច្រើនផ្សេងទៀតដែរដើម្បីពិភាក្សាពីគម្រោងវិនិយោគជាដើម។
ក្នុងចំណោមរដ្ឋអាស៊ានទាំង១០ ថៃក្លាយជាប្រទេសចុងក្រោយនៃដំណើរទស្សនកិច្ចណែនាំខ្លួនរបស់ប្រមុខរដ្ឋហ្វីលីពីននេះ។ លោកទើបបញ្ចប់ទស្សនកិច្ចនៅមីយ៉ាន់ម៉ា ដែលនៅទីនោះ លោកក៏បានជូនកុលាបមួយបាច់ និងប្រាក់៣០ម៉ឺនដុល្លារដល់ទីប្រឹក្សារដ្ឋ អ៊ុងសាន ស៊ូជី ដើម្បីដោះស្រាយអំពើហិង្សានៅរដ្ឋ Rakhine ៕
លោក Rodrigo Duterte បានទៅដល់ប្រទេសថៃ នៅយប់ថ្ងៃទី២០ ខែមីនា ដើម្បីចាប់ផ្ដើមទស្សនកិច្ចបីថ្ងៃនៅទីនោះ។ លោកបានជួបជាមួយប្រមុខរដ្ឋាភិបាលយោធាថៃ ប្រាយុទ្ធ ចន្ទអូចា លើប្រធានបទជាច្រើនដែលទាក់ទងនឹងការធ្វើប្រធានអាស៊ានរបស់ហ្វីលីពីនក្នុងឆ្នាំ២០១៧។ ប្រធានាធិបតីហ្វីលីពីន Duterte ទៅដល់ថៃ បន្ទាប់ពីបញ្ចប់ទស្សនកិច្ច២ថ្ងៃនៅមីយ៉ាន់ម៉ា។
ក្រោយជំនួបទ្វេភាគីរយៈពេល២ម៉ោងនៅវិមានរដ្ឋាភិបាលនាក្រុងបាងកក នាយករដ្ឋមន្ត្រីថៃ ប្រាយុទ្ធ ចន្ទអូចា ក៏បានរៀបចំពិធីជប់លាងមួយថ្ងៃទី២១ ខែមីនា។ អ្វីដែលគួរឲ្យចាប់អារម្មណ៍នោះ នាយករដ្ឋមន្ត្រី ប្រាយុទ្ធ ក៏បានរៀបចំពិធីខួបកំណើតមួយសម្រាប់ប្រធានាធិបតីហ្វីលីពីនតែម្ដង ហើយលោកក៏បានជូននំខួបកំណើតគម្រប់អាយុ៧២ឆ្នាំដល់លោក Duterte ។ នេះបើយោងតាមការផ្សាយរបស់សារព័ត៌មានថៃ The Nation ។
អំឡុងទស្សនកិច្ចនេះ ប្រធានបទសំខាន់ដែលស្ថិតនៅក្នុងរបៀបវារៈនៃជំនួបប្រមុខរដ្ឋាភិបាលទាំង២ គឺពាក់ព័ន្ធការកម្ចាត់គ្រឿងញៀន និងការបង្កើនសហប្រតិបតិ្តការរវាងភ្នាក់ងារចារកម្មក៏ដូចជាប្រឆាំងឧក្រិដ្ឋកម្មឆ្លងដែន។ មេដឹកនាំហ្វីលីពីក៏នឹងពិភាក្សាជាមួយមេដឹកនាំថៃពីបញ្ហាអាស៊ាន ក៏ដូចជាស្វែងរកការគាំទ្រពីរដ្ឋាភិបាលថៃចំពោះការធ្វើជាប្រធានអាស៊ាននាឆ្នាំ ២០១៧នេះដែរ។
បន្ថែមពីនេះ ភាគីទាំងពីរក៏នឹងជជែកពីការឈានទៅបង្កើនទំនាក់ទំនងពាណិជ្ជកម្មនិងការវិនិយោគទ្វេភាគី ជាពិសេសភាគីក៏បន្តបង្រឹងការសហការដើម្បីរក្សាសុវត្ថិភាព និងធានាជីវភាពរស់នៅរបស់ប្រជាជនហ្វីលីពីនធ្វើការងារនិងរស់នៅថៃ និងប្រជាជនថៃនៅហ្វីលីពីនដូចគ្នា។ ចំណែកលោក Duterte ក៏នឹងជួបជាមួយបណ្តាអ្នកជំនួញ និងអ្នកតំណាងមកពីសហព័ន្ធឧស្សាហកម្ម, សភាពាណិជ្ជកម្ម និង សមាគមធនាគារថៃជាច្រើនផ្សេងទៀតដែរដើម្បីពិភាក្សាពីគម្រោងវិនិយោគជាដើម។
ក្នុងចំណោមរដ្ឋអាស៊ានទាំង១០ ថៃក្លាយជាប្រទេសចុងក្រោយនៃដំណើរទស្សនកិច្ចណែនាំខ្លួនរបស់ប្រមុខរដ្ឋហ្វីលីពីននេះ។ លោកទើបបញ្ចប់ទស្សនកិច្ចនៅមីយ៉ាន់ម៉ា ដែលនៅទីនោះ លោកក៏បានជូនកុលាបមួយបាច់ និងប្រាក់៣០ម៉ឺនដុល្លារដល់ទីប្រឹក្សារដ្ឋ អ៊ុងសាន ស៊ូជី ដើម្បីដោះស្រាយអំពើហិង្សានៅរដ្ឋ Rakhine ៕
Tag:
ថៃ
ហ្វីលីពីន
ប្រាយុទ្ធ ចន្ទអូចា
Rodrigo Duterte
© រក្សាសិទ្ធិដោយ thmeythmey.com
