ជាតិ
ការសង្គ្រោះដំរី១១ក្បាលជាគំរូមនុស្សធម៌ដែលត្រូវតែធ្វើចំពោះសត្វទាំងអស់!
សកម្មភាពជួយសត្វដំរីឲ្យឡើងគោកវិញ។ រូបថត ក្រសួងបរិស្ថាន
×![]()
ដំរីព្រៃមួយហ្វូងទាំងមេ និងកូន១១ក្បាល បានរួចផុតជីវិតពីរណ្តៅភក់ជម្រៅ៣ម៉ែត្រ ក្រោយការជួយសង្គ្រោះយ៉ាងយកចិត្តទុកដាក់ពីសំណាក់អាជ្ញាធរ អ្នកជំនាញ និងពលរដ្ឋនៅខេត្តមណ្ឌលគិរី។ អ្នកជួយសង្គ្រោះបានប្រើពេលប្រមាណ៥ម៉ោង កាលពីថ្ងៃទី២៥ ខែមីនា ដើម្បីឲ្យដំរីទាំងនោះ អាចឡើងគោក និងរត់ចូលព្រៃវិញ។ សេចក្តីរាយការណ៍មួយចំនួន បានអះអាងថា ពួកវា បានធ្លាក់ក្នុងរណ្តៅដែលបន្សល់ដោយការទម្លាក់គ្រាប់បែកអាមេរិកនាអំឡុងសង្គ្រាមវៀតណាម អស់រយៈពេលប្រមាណ៤ថ្ងៃមកហើយ។
ក្រសួងបរិស្ថាន តាមរយៈហ្វេសប៊ុករបស់ខ្លួន បានបង្ហោះរូបភាពវីដេអូ ពីសកម្មភាពជួយសង្គ្រោះសត្វដំរីទាំង១១ក្បាល។ តាមសំឡេងក្នុងវីដេអូនោះ សត្វដំរីដែលនៅប្រមូលផ្តុំគ្នាក្នុងស្ថានភាពដ៏កម្សត់ ហាក់ដូចជាស្រែកសុំជំនួយពីមនុស្ស។
ការស្រែកដង្ហោយរបស់សត្វដំរី មិនបានធ្វើឲ្យមនុស្សដែលមានបេះដូងនៅស្ងៀមឡើយ។ អាជ្ញាធរ ប្រជាពលរដ្ឋ រួមទាំងអ្នកជំនាញ បានដុតដៃដុតជើងនាំគ្នារកវិធីសាស្ត្រសង្គ្រោះសត្វព្រៃមួយហ្វូងនេះ ទៅតាមលទ្ធភាពរបស់ខ្លួន ពីព្រោះថា ទីតាំងគ្រោះថ្នាក់ស្ថិតនៅឆ្ងាយពីទីប្រជុំ ដោយពួកគេមិនសម្ភារគ្រប់គ្រាន់ដើម្បីជាជំនួយនោះឡើយ។ ទីបំផុត ដំរី អាចមានលទ្ធភាពឡើងគោកពីមួយក្បាលទៅមួយក្បាល ហើយរត់សំដៅទៅកាន់ព្រៃដែលជាលំនៅដ្ឋានដ៏សុខស្ងប់របស់ខ្លួនវិញ។
រដ្ឋមន្ត្រីក្រសួងបរិស្ថាន លោក សាយ សំអាល់ បានអរគុណដល់ភាគីពាក់ព័ន្ធទាំងអស់ ដែលជួយជ្រោមជ្រែង ជួយសង្គ្រោះសត្វដំរីព្រៃ ឲ្យមានសុវត្ថិភាពឡើងវិញ។ លោក សាយ សំអាល់ មានប្រសាសន៍ថា៖ «ខ្ញុំសូមយកឱកាសនេះសម្តែងនូវអំណរគុណយ៉ាងជ្រាលជ្រៅជូនចំពោះគណៈអភិបាលខេត្ត ថ្នាក់ដឹកនាំនិងមន្ត្រីនៃមន្ទីរបរិស្ថានខេត្ត និងដែនជម្រកសត្វព្រៃកែវសីមា កងកម្លាំងនៃកងរាជអាវុធហត្ថ មន្ត្រីអង្គការពាក់ព័ន្ធ និងប្រជាសហគមន៍មូលដ្ឋាន ដែលបានសហការគ្នាក្នុងការខិតខំជួយសង្គ្រោះសត្វដំរីព្រៃចំនួន ១១ក្បាល ដែលធ្លាក់ក្នុងរណ្តៅ រហូតទទួលបានជោគជ័យ»។
លោក សាយ សំអាល់ បន្ថែមថា កិច្ចប្រតិបត្តិការជួយសង្គ្រោះសត្វដំរីនេះគឺជាកាយវិការដ៏ប្រពៃ ដែលឆ្លុះបញ្ចាំងយ៉ាងច្បាស់នូវទឹកចិត្តស្រលាញ់សត្វព្រៃរបស់មន្ត្រីមានសមត្ថកិច្ច អ្នកបចេ្ចកទេសជាតិនិងអន្តរជាតិ និងប្រជាសហគមន៍មូលដ្ឋាន។ ម្យ៉ាងទៀត ដោយសារទីតាំងកើតហេតុស្ថិតនៅឆ្ងាយពីទីរួមខេត្ត និងដាច់ស្រយោល ធ្វើឲ្យក្រុមការងារពិបាកក្នុងការជួយសង្គ្រោះ និងចំណាយពេល ប្រមាណ ៥ម៉ោង ដើម្បីជួយសង្គ្រោះសត្វដំរីទាំងនោះ។
រដ្ឋមន្ត្រីក្រសួងបរិស្ថាន បន្តទៀតថា៖ «ខ្ញុំសូមធ្វើការអំពាវនាវដល់អ្នកពាក់ព័ន្ធទាំងអស់ឱ្យបន្តចូលរួមកាន់តែសកម្មបន្ថែមទៀតក្នុងយុទ្ធនាការការពារ និងអភិរក្សធនធានធម្មជាតិ ជាពិសេសព្រៃឈើ និងសត្វព្រៃ ដែលជាបេតិកភ័ណ្ឌធម្មជាតិដ៏មានតម្លៃបន្សល់ទុកដោយដូនតារបស់យើង ដើម្បីជាប្រយោជន៍ដល់សង្គមជាតិយើងនាពេលបច្ចុប្បន្ន ក៏ដូចជាអនាគត»។
ជាមួយគ្នានេះ រណ្ដៅជម្រៅ ៣ម៉ែត្រ ដែលសល់ពីសង្គ្រាមនេះ មិនបានធ្វើការលុបចោលនោះទេ។ បើតាម លោក ហៀក សុផាន នាយករដ្ឋបាលសាលាខេត្តមណ្ឌលគិរី ប្រាប់ឲ្យដឹងថា រណ្ដៅជម្រៅ ៣ម៉ែត្រសល់ពីសង្គ្រាមនោះ គឺជារណ្ដៅរបស់ប្រជាពលរដ្ឋនាតំបន់នោះជីកបន្ថែម សម្រាប់យកទឹកប្រើប្រាស់។ ប៉ុន្តែដោយសារតែរដូវប្រាំង រណ្ដៅនោះរីងទឹក ធ្វើឲ្យមានភក់។ មន្ត្រីជំនាញខេត្តមណ្ឌលគិរី បញ្ជាក់ថា ខាងអាជ្ញាធរមិនមានគម្រោងលុបរណ្ដៅនោះចោលទេ ព្រោះរណ្ដៅដែលសល់ពីសង្គ្រាម មិនមែនមានតែរណ្ដៅនេះមួយទេ នៅមានរណ្ដៅច្រើន ដែលបានបន្សល់ទុក នៅក្នុងព្រៃនាខេត្តមណ្ឌលគិរីនេះ។
គួរបញ្ជាក់ថា ដំរីព្រៃមួយហ្វូងទាំងកូននិងមេ ប្រមាណ ១១ក្បាល បានធ្លាក់ក្នុងរណ្ដៅជម្រៅ ៣ម៉ែត្រ នៅក្នុងភូមិអូរអាម ឃុំស្រែខ្ទម ស្រុកកែវសីមា ខេត្តមណ្ឌលគិរី។ ដំរីព្រៃទាំងនោះ បានដើររកស៊ី ហើយក៏ធ្លាក់ទៅក្នុងរណ្តៅ នៅម៉ោងប្រហែល១១ព្រឹក នាថ្ងៃទី២៥ ខែមីនា ឆ្នាំ២០១៧នេះ។ រហូតមកដល់ម៉ោងប្រហែល ៣ រសៀល ទើបមន្ត្រីឧទ្យានុរក្ស រួមទាំងភាគីពាក់ព័ន្ធជួយសង្គ្រោះ និងដោះលែងដំរីព្រៃទាំងនោះចូលទៅក្នុងព្រៃវិញ៕
ក្រសួងបរិស្ថាន តាមរយៈហ្វេសប៊ុករបស់ខ្លួន បានបង្ហោះរូបភាពវីដេអូ ពីសកម្មភាពជួយសង្គ្រោះសត្វដំរីទាំង១១ក្បាល។ តាមសំឡេងក្នុងវីដេអូនោះ សត្វដំរីដែលនៅប្រមូលផ្តុំគ្នាក្នុងស្ថានភាពដ៏កម្សត់ ហាក់ដូចជាស្រែកសុំជំនួយពីមនុស្ស។
ការស្រែកដង្ហោយរបស់សត្វដំរី មិនបានធ្វើឲ្យមនុស្សដែលមានបេះដូងនៅស្ងៀមឡើយ។ អាជ្ញាធរ ប្រជាពលរដ្ឋ រួមទាំងអ្នកជំនាញ បានដុតដៃដុតជើងនាំគ្នារកវិធីសាស្ត្រសង្គ្រោះសត្វព្រៃមួយហ្វូងនេះ ទៅតាមលទ្ធភាពរបស់ខ្លួន ពីព្រោះថា ទីតាំងគ្រោះថ្នាក់ស្ថិតនៅឆ្ងាយពីទីប្រជុំ ដោយពួកគេមិនសម្ភារគ្រប់គ្រាន់ដើម្បីជាជំនួយនោះឡើយ។ ទីបំផុត ដំរី អាចមានលទ្ធភាពឡើងគោកពីមួយក្បាលទៅមួយក្បាល ហើយរត់សំដៅទៅកាន់ព្រៃដែលជាលំនៅដ្ឋានដ៏សុខស្ងប់របស់ខ្លួនវិញ។
រដ្ឋមន្ត្រីក្រសួងបរិស្ថាន លោក សាយ សំអាល់ បានអរគុណដល់ភាគីពាក់ព័ន្ធទាំងអស់ ដែលជួយជ្រោមជ្រែង ជួយសង្គ្រោះសត្វដំរីព្រៃ ឲ្យមានសុវត្ថិភាពឡើងវិញ។ លោក សាយ សំអាល់ មានប្រសាសន៍ថា៖ «ខ្ញុំសូមយកឱកាសនេះសម្តែងនូវអំណរគុណយ៉ាងជ្រាលជ្រៅជូនចំពោះគណៈអភិបាលខេត្ត ថ្នាក់ដឹកនាំនិងមន្ត្រីនៃមន្ទីរបរិស្ថានខេត្ត និងដែនជម្រកសត្វព្រៃកែវសីមា កងកម្លាំងនៃកងរាជអាវុធហត្ថ មន្ត្រីអង្គការពាក់ព័ន្ធ និងប្រជាសហគមន៍មូលដ្ឋាន ដែលបានសហការគ្នាក្នុងការខិតខំជួយសង្គ្រោះសត្វដំរីព្រៃចំនួន ១១ក្បាល ដែលធ្លាក់ក្នុងរណ្តៅ រហូតទទួលបានជោគជ័យ»។
លោក សាយ សំអាល់ បន្ថែមថា កិច្ចប្រតិបត្តិការជួយសង្គ្រោះសត្វដំរីនេះគឺជាកាយវិការដ៏ប្រពៃ ដែលឆ្លុះបញ្ចាំងយ៉ាងច្បាស់នូវទឹកចិត្តស្រលាញ់សត្វព្រៃរបស់មន្ត្រីមានសមត្ថកិច្ច អ្នកបចេ្ចកទេសជាតិនិងអន្តរជាតិ និងប្រជាសហគមន៍មូលដ្ឋាន។ ម្យ៉ាងទៀត ដោយសារទីតាំងកើតហេតុស្ថិតនៅឆ្ងាយពីទីរួមខេត្ត និងដាច់ស្រយោល ធ្វើឲ្យក្រុមការងារពិបាកក្នុងការជួយសង្គ្រោះ និងចំណាយពេល ប្រមាណ ៥ម៉ោង ដើម្បីជួយសង្គ្រោះសត្វដំរីទាំងនោះ។
រដ្ឋមន្ត្រីក្រសួងបរិស្ថាន បន្តទៀតថា៖ «ខ្ញុំសូមធ្វើការអំពាវនាវដល់អ្នកពាក់ព័ន្ធទាំងអស់ឱ្យបន្តចូលរួមកាន់តែសកម្មបន្ថែមទៀតក្នុងយុទ្ធនាការការពារ និងអភិរក្សធនធានធម្មជាតិ ជាពិសេសព្រៃឈើ និងសត្វព្រៃ ដែលជាបេតិកភ័ណ្ឌធម្មជាតិដ៏មានតម្លៃបន្សល់ទុកដោយដូនតារបស់យើង ដើម្បីជាប្រយោជន៍ដល់សង្គមជាតិយើងនាពេលបច្ចុប្បន្ន ក៏ដូចជាអនាគត»។
ជាមួយគ្នានេះ រណ្ដៅជម្រៅ ៣ម៉ែត្រ ដែលសល់ពីសង្គ្រាមនេះ មិនបានធ្វើការលុបចោលនោះទេ។ បើតាម លោក ហៀក សុផាន នាយករដ្ឋបាលសាលាខេត្តមណ្ឌលគិរី ប្រាប់ឲ្យដឹងថា រណ្ដៅជម្រៅ ៣ម៉ែត្រសល់ពីសង្គ្រាមនោះ គឺជារណ្ដៅរបស់ប្រជាពលរដ្ឋនាតំបន់នោះជីកបន្ថែម សម្រាប់យកទឹកប្រើប្រាស់។ ប៉ុន្តែដោយសារតែរដូវប្រាំង រណ្ដៅនោះរីងទឹក ធ្វើឲ្យមានភក់។ មន្ត្រីជំនាញខេត្តមណ្ឌលគិរី បញ្ជាក់ថា ខាងអាជ្ញាធរមិនមានគម្រោងលុបរណ្ដៅនោះចោលទេ ព្រោះរណ្ដៅដែលសល់ពីសង្គ្រាម មិនមែនមានតែរណ្ដៅនេះមួយទេ នៅមានរណ្ដៅច្រើន ដែលបានបន្សល់ទុក នៅក្នុងព្រៃនាខេត្តមណ្ឌលគិរីនេះ។
គួរបញ្ជាក់ថា ដំរីព្រៃមួយហ្វូងទាំងកូននិងមេ ប្រមាណ ១១ក្បាល បានធ្លាក់ក្នុងរណ្ដៅជម្រៅ ៣ម៉ែត្រ នៅក្នុងភូមិអូរអាម ឃុំស្រែខ្ទម ស្រុកកែវសីមា ខេត្តមណ្ឌលគិរី។ ដំរីព្រៃទាំងនោះ បានដើររកស៊ី ហើយក៏ធ្លាក់ទៅក្នុងរណ្តៅ នៅម៉ោងប្រហែល១១ព្រឹក នាថ្ងៃទី២៥ ខែមីនា ឆ្នាំ២០១៧នេះ។ រហូតមកដល់ម៉ោងប្រហែល ៣ រសៀល ទើបមន្ត្រីឧទ្យានុរក្ស រួមទាំងភាគីពាក់ព័ន្ធជួយសង្គ្រោះ និងដោះលែងដំរីព្រៃទាំងនោះចូលទៅក្នុងព្រៃវិញ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
