កីឡាអន្តរជាតិ
អន្តរជាតិ
Hamilton រំពឹងឈ្នះ Vettel ដើម្បីលើកពានពិភពលោក F1
× Lewis Hamilton អ្នកប្រណាំងរថយន្តលំដាប់ពិភពលោក Formula 1 ឬ F1 ជឿជាក់ថាខ្លួនអាចផ្តួលកីឡាករ Sebastian Vettel ដើម្បីគ្រងតំណែងជើងឯកនៃការប្រណាំងរថយន្តលំដាប់ពិភពលោក F1 នៅឆ្នាំនេះ បើទោះបីជាបរាជ័យវគ្គប្រកួតបើកឆាកនៅទីលាន Australian Grand Prix នៅប្រទេសអូស្ត្រាលីក៏ដោយ។
ការប្រណាំងរថយន្តលំដាប់ពិភពលោក Formula 1 បានចាប់ផ្តើមការប្រកួតបើកឆាកជើងទី១របស់ខ្លួន នៅក្នុងទីក្រុងមែលប៊នប្រទេសអូស្ត្រាលី។ កីឡាកររបស់ចក្រភពអង់គ្លេស Lewis Hamilton ដែលបើកបរឲ្យក្រុម MERCEDES ទទួលបានចំណាត់ថ្នាក់លេខ២ ខណៈ Sebastian Vettel អ្នកប្រណាំងរថយន្តសញ្ជាតិអាល្លឺម៉ង់ ដែលបើកបរឲ្យក្រុម FERRARI បានទទួលចំណាត់ថ្នាក់លេខ១ នៅថ្ងៃបើកឆាកនៃពាន Australian Grand Prix និងជាវគ្គសន្សំពិន្ទុ នាថ្ងៃទី ២៧ មីនា ឆ្នាំ២០១៧។
បើទោះជាបរាជ័យក្នុងការប្រកួតជើងទី១នេះក៏ដោយ Hamilton នៅតែជឿជាក់ថារូបគេអាចប្រជែងឈ្នះពានF1 នៅឆ្នាំនេះដដែល។«វានឹងក្លាយជាការប្រកួតដ៏ប្រកៀកកិតគ្នាមួយ។ ខ្ញុំពិតជាជឿជាក់ថាយើងនឹងអាចឈ្នះពួកគេ ហើយវាពិតជាអស្ចារ្យណាស់ដែលបានប្រកួតប្រជែងជាមួយក្រុម Ferrari នេះ។ នេះជាការបញ្ចាក់របស់ម្ចាស់ជើងឯកF1 ៣សម័យកាល Lewis Hamilton។
សម្រាប់ការប្រកួតជើងទីមួយ Australian Grand Prix នេះ ម្ចាស់ជើងឯក F1 ៤ដង Vettel ទទួលបានចំណាត់ថ្នាក់១ មាន២៥ពិន្ទុ ខណៈ Hamilton លេខ២ទទួលបាន១៨ពិន្ទុ និងលេខ៣ កីឡាករ Valtteri Bottas បាន១៥ពិន្ទុ។
ការប្រណាំងរថយន្ត F1 ឬកាំជ្រួចលើផ្ទៃដី រដូវកាល២០១៧នេះ មានកីឡាករ២០រូបចូលរូម ដោយបើកបរឲ្យក្រុមហ៊ុនរថយន្ត១០ប្រភេពផ្សេងគ្នា។ ក្រុមហ៊ុនដែលមានរថយន្តប្រណាំងទាំង១០រួមមាន៖
ក្រុមហ៊ុន Ferrari របស់អ៊ីតាលី បើកបរដោយកីឡាករ Sebastian Vettel និង Kimi Raikkonen
ក្រុមហ៊ុន Mercedes របស់អាលឺម៉ង់ បើកបរដោយកីឡាករ Lewis Hamilton និង Valtteri Bottas
Red Bull Racing របស់អូទ្រីស បើកបរដោយកីឡាករ Max Verstappen និងDaniel Ricciardo
Williams របស់ចក្រភពអង់គ្លេស បើកបរដោយកីឡាករ Felipe Massa នឹង Lance Stroll
Force India របស់ឥណ្ឌា បើកបរដោយកីឡាករ Sergio Perez និង Esteban Ocon
Toro Roso របស់អ៊ីតាលី បើកបរដោយកីឡាករ Carlos Sainz និង Daniil Kvyat
Renault របស់បារាំង បើកបរដោយកីឡាករ Nico Hulkenberg និង Jolyon Palmer
Sauber របស់ស្វីស បើកបរដោយកីឡាករ Antonio Giovinazzi និង Marcus Ericsson
McLaren Honda របស់ចក្រភពអង់គ្លេស បើកបរដោយកីឡាករ Ferando Alonso និង Stoffel Vandoone
HAAS របស់អាមេរិក បើកបរដោយកីឡាករ Romain Grosjean និង Kevin Magnussen
សម្រាប់ទីលានប្រណាំង ធ្វើឡើងក្នុង២០ប្រទេស រួមមាន៖
ប្រទេសអូស្ត្រាលី Australian Grand Prix, ប្រទេសចិន Chinese Grand Prix, ប្រទេសបារ៉ែន Bahrain Grand Prix, ប្រទេសរុស្ស៊ី Russian Grand Prix, ប្រទេសអេស្ប៉ាញ Grand Premio de Espana Pirilli 2017, ប្រទេសម៉ូណាកូ Grand Prix De Monaco 2017, ប្រទេសកាណាដា Grand Prix Du Canada 2017, ប្រទេសអាស៊ែបៃហ្សង់ Azerbaijan Grand Prix, ប្រទេសអូទ្រីស Grosser Preis Von Osterreich 2017, ចក្រភពអង់គ្លេស British Grand Prix, ប្រទេសហុងគ្រី Pirelli Magyer Nagydij 2017, ប្រទេសប៊ែលស្ស៊ិក Belgian Grand Prix, ប្រទេសអ៊ីតាលី Grand Premio Heineken d’Italia 2017, ប្រទេសសិង្ហបុរី Singapore Grand Prix, ប្រទេសម៉ាឡស៊ី Malaysia Grand Prix, ប្រទេសជប៉ុន Japanese Grand Prix, សហរដ្ឋអាមេរិក United States Grand Prix, ប្រទេសមិកស៊ីក Grand Premio De Mexico 2017, ប្រទេសប្រេស៊ីល Grande Premio Do Brasil 2017 និងចុងក្រោយ ប្រទេសអារ៉ាប់រួម អេមីរ៉ាត Abu Dhabi Grand Prix៕
Tag:
ប្រណាំងរថយន្តF1
Hamilton
Vettel
© រក្សាសិទ្ធិដោយ thmeythmey.com