ជាតិ
សេដ្ឋកិច្ច
អគ្គនាយកដ្ឋានពន្ធដារ អះអាងថា ពុំធ្លាប់មានគោលការណ៍ ប្រមូលពន្ធអាជវីកម្មតូចតាចនោះទេ
×![]()
ភ្នំពេញ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីជូនដំណឹងដល់ប្រជាពលរដ្ឋជាអ្នកជាប់ពន្ធ ពីករណីជនខិលខូចមួយចំនួនតូច ដែលអាចជាមន្ត្រីពន្ធដារ ឬអ្នករត់ការ បានប្រើឧបាយកលបោកបញ្ឆោតគ្រប់រូបភាព។ អគ្គនាយកដ្ឋានពន្ធដារ អះអាងថា ពុំធ្លាប់មានគោលការណ៍ចុះធ្វើសវនកម្ម ឬចុះត្រួតពិនិត្យលើប្រជាពលរដ្ឋប្រកបអាជីវកម្មតូចតាចនោះទេ។
ក្រោយពីមានជនខិលខូច បានប្រើឧបាយកលគ្រប់ប្រភេទបោកបញ្ជោតប្រជាពលរដ្ឋ ជាអ្នកជាប់ពន្ធ ដើម្បីជំរិតទារប្រាក់ ក្រោមរូបភាពចុះធ្វើសវនកម្ម ឬចុះត្រួតពិនិត្យផ្សេងៗ អគ្គនាយកដ្ឋានពន្ធ បានចេញសេចក្ដីជូនដំណឹងបញ្ជាក់ដល់អ្នកជាប់ពន្ធទាំងអស់ផងដែរ។ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានបញ្ជាក់ដល់អ្នកជាប់ពន្ធទាំងអស់ថា៖ «អគ្គនាយកដ្ឋានពន្ធដារ ពុំធ្លាប់មានគោលការណ៍ចុះធ្វើសវនកម្ម ឬចុះត្រួតពិនិត្យលើប្រជាពលរដ្ឋប្រកបអាជីវកម្មតូចតាចនោះទេ»។
បើតាមសេចក្ដីជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី២៥ មីនា បញ្ជាក់ថា ចាប់តាំងពីឆ្នាំ២០១៦ មក រាជរដ្ឋាភិបាលបានដាក់ចេញនូវវិធានការលើកទឹកចិត្តដល់ពលរដ្ឋដែលប្រកបអាជីវកម្មតូចតាយ ដោយមិនយកពន្ធប្រកបអាជីវកម្ម ដែលមានផលរបរស្ថិតក្រោមកម្រិតត្រូវជាប់ពន្ធ គឺផលរបរប្រចាំឆ្នាំក្រោម ២៥០ លានរៀល។
ក្នុងករណីមានបុគ្គលខិលខូចចុះជំរិតទារប្រាក់ពីអ្នកជាប់ពន្ធប្រកបអាជីវកម្មតូចតាច ក្រោមរូបភាពផ្សេងៗ ក្រៅពីការជូនដំណឹងជាលាយលក្ខណ៍អក្សរ ត្រូវជូនដំណឹងទៅកាន់អគ្គនាយកដ្ឋានពន្ធដារជាបន្ទាន់។ ជាមួយគ្នានេះ ប្រជាពលរដ្ឋអ្នកជាប់ពន្ធប្រកបអាជីវកម្មមតូចតាច ដែលមានជនខិលខូចជំរិតទារប្រាក់ អាចរាយការណ៍ទៅកាន់អគ្គនាយកដ្ឋានពន្ធដារ តាមរយៈលេខទូរសព្ទ ០១២ ៩៣២ ០៣២/ ០២៣ ៨៨៦ ៧០៨ និង០១០ ៨៥៨ ៨០២ ឬតាមរយៈសារអេឡិចត្រូនិក [email protected]។
អគ្គនាយកដ្ឋានពន្ធដារ សង្ឃឹមថាអ្នកជាប់ពន្ធទាំងដែលធ្លាប់ស្ថិតក្នុងរបបម៉ោការ ចូលរួមសហការទាំងអស់គ្នា។ ដោយឡែក ប្រជាពលរដ្ឋប្រកបអាជីវកម្មដែលមានផលរបរប្រចាំឆ្នាំដល់កម្រិតត្រូវជាប់ពន្ធ ត្រូវចូលរួមបង់ពន្ធដោយស្ម័គ្រចិត្ត និងបំពេញកាតព្វកិច្ចសារពើពន្ធផ្សេងៗ៕
ក្រោយពីមានជនខិលខូច បានប្រើឧបាយកលគ្រប់ប្រភេទបោកបញ្ជោតប្រជាពលរដ្ឋ ជាអ្នកជាប់ពន្ធ ដើម្បីជំរិតទារប្រាក់ ក្រោមរូបភាពចុះធ្វើសវនកម្ម ឬចុះត្រួតពិនិត្យផ្សេងៗ អគ្គនាយកដ្ឋានពន្ធ បានចេញសេចក្ដីជូនដំណឹងបញ្ជាក់ដល់អ្នកជាប់ពន្ធទាំងអស់ផងដែរ។ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានបញ្ជាក់ដល់អ្នកជាប់ពន្ធទាំងអស់ថា៖ «អគ្គនាយកដ្ឋានពន្ធដារ ពុំធ្លាប់មានគោលការណ៍ចុះធ្វើសវនកម្ម ឬចុះត្រួតពិនិត្យលើប្រជាពលរដ្ឋប្រកបអាជីវកម្មតូចតាចនោះទេ»។
បើតាមសេចក្ដីជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី២៥ មីនា បញ្ជាក់ថា ចាប់តាំងពីឆ្នាំ២០១៦ មក រាជរដ្ឋាភិបាលបានដាក់ចេញនូវវិធានការលើកទឹកចិត្តដល់ពលរដ្ឋដែលប្រកបអាជីវកម្មតូចតាយ ដោយមិនយកពន្ធប្រកបអាជីវកម្ម ដែលមានផលរបរស្ថិតក្រោមកម្រិតត្រូវជាប់ពន្ធ គឺផលរបរប្រចាំឆ្នាំក្រោម ២៥០ លានរៀល។
ក្នុងករណីមានបុគ្គលខិលខូចចុះជំរិតទារប្រាក់ពីអ្នកជាប់ពន្ធប្រកបអាជីវកម្មតូចតាច ក្រោមរូបភាពផ្សេងៗ ក្រៅពីការជូនដំណឹងជាលាយលក្ខណ៍អក្សរ ត្រូវជូនដំណឹងទៅកាន់អគ្គនាយកដ្ឋានពន្ធដារជាបន្ទាន់។ ជាមួយគ្នានេះ ប្រជាពលរដ្ឋអ្នកជាប់ពន្ធប្រកបអាជីវកម្មមតូចតាច ដែលមានជនខិលខូចជំរិតទារប្រាក់ អាចរាយការណ៍ទៅកាន់អគ្គនាយកដ្ឋានពន្ធដារ តាមរយៈលេខទូរសព្ទ ០១២ ៩៣២ ០៣២/ ០២៣ ៨៨៦ ៧០៨ និង០១០ ៨៥៨ ៨០២ ឬតាមរយៈសារអេឡិចត្រូនិក [email protected]។
អគ្គនាយកដ្ឋានពន្ធដារ សង្ឃឹមថាអ្នកជាប់ពន្ធទាំងដែលធ្លាប់ស្ថិតក្នុងរបបម៉ោការ ចូលរួមសហការទាំងអស់គ្នា។ ដោយឡែក ប្រជាពលរដ្ឋប្រកបអាជីវកម្មដែលមានផលរបរប្រចាំឆ្នាំដល់កម្រិតត្រូវជាប់ពន្ធ ត្រូវចូលរួមបង់ពន្ធដោយស្ម័គ្រចិត្ត និងបំពេញកាតព្វកិច្ចសារពើពន្ធផ្សេងៗ៕
Tag:
អគ្គនាយកដ្ឋានពន្ធដារ
ប្រមូលពន្ធ
© រក្សាសិទ្ធិដោយ thmeythmey.com
