ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
WCS៖ការសង្គ្រោះដំរីព្រៃ១១ក្បាល បានបញ្ចៀសសោកនាដកម្មនៃការស្លាប់របស់សត្វដំរី
28, Mar 2017 ,
8:19 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
មណ្ឌលគិរី៖ ការសង្គ្រោះដំរីព្រែមួយហ្វូងសរុបចំនួន ១១ ក្បាល ដែលធ្លាក់ក្នុងរណ្ដៅ បានធ្វើឲ្យរដ្ឋាភិបាល អង្គការសង្គមស៊ីវិលពាក់ព័ន្ធ និងប្រជាពលរដ្ឋ អបអរសាទរ។ ជាមួយគ្នានេះ អង្គការ WCS កម្ពុជា ក៏មាន ក្តីសោមនស្ស ចំពោះការរួមគ្នា សង្គ្រោះសត្វដំរីព្រៃទាំង១១ ក្បាលនោះ និងបានចាត់ទុកថា បានបញ្ចៀសសោកនាដកម្ម សម្រាប់ការងារអភិរក្សសត្វព្រៃនៅកម្ពុជា។
ដំរីព្រៃ១មួយហ្វូង ចំនួន១១ ក្បាល ត្រូបានប្រទះឃើញធ្លាក់ចូលក្នុងរណ្ដៅភក់ ដែលសល់ពីសង្គ្រាម ស្ថិតនៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ក្នុងដែនជម្រកសត្វព្រៃកែវសីមា កាលពីថ្ងៃទី២៥ ខែមីនា។ ដំរីព្រៃទាំងអស់ ក៏ត្រូវបានសង្គ្រោះឲ្យមានសុវត្ថិភាពដែរ ដោយប្រើរយៈពេលជាច្រើនម៉ោង ដោយមានការចូលរួមពីភាគីពាក់ព័ន្ធ រួមនឹងប្រជាពលរដ្ឋមូលដ្ឋានផង។ ការសង្គ្រោះដំរីព្រែទាំង១១ក្បាលនោះ បានទទួលការសាទរយ៉ាងច្រើន ពីគ្រប់ភាគី។
សម្រាប់អង្គការសមាគមអភិរក្សសត្វព្រៃ (WCS) សត្វដំរីព្រៃទាំងអស់ គឺផ្នែកមួយដ៏សំខាន់នៃការបង្កាត់ពូជនៅក្នុងដែនជម្រកសត្វព្រៃកែវសីមានេះ។ អង្គការនេះ បានចាត់ទុកការការចំណាយពេលជាច្រើនម៉ោង ដើម្បីសង្គ្រោះសត្វដំរី កាលពីចុងសប្តាហ៍កន្លទៅនោះថា បានបញ្ចៀសសោកនាដកម្មសត្វព្រៃនៅកម្ពុជា។
លោក តាន់ សេដ្ឋា ទីប្រឹក្សាបច្ចេកទេសរបស់អង្គការWCS បញ្ជាក់ដូច្នេះថា៖«ប្រសិនបើប្រជាជនសហគមន៍ មិនបានធ្វើការរួមគ្នា ជាមួយអង្គការ WCS និង ELIE រួមទាំងមន្ទីរបរិស្ថាន ដើម្បីសង្គ្រោះដំរីទាំង ១១ក្បាលនោះទេ ប្រហែលជាសោកនាដកម្ម នៃការស្លាប់របស់សត្វដំរី អាចកើតមានជាមិនខាន»។
សង្គ្រោះសត្វដំរីព្រៃមួយហ្វូងនេះ ជាឧទាហរណ៍ដ៏អស្ចារ្យមួយ ឆ្លុះបញ្ចាំងពីការធ្វើការងាររួមគ្នា ដើម្បីអភិរក្សសត្វព្រៃនៅកម្ពុជា។ នេះជាការថ្លែងរបស់ នាយកអង្គការ WCS លោក Ross Sinclair។ លោក Ross Sinclair បន្តដូច្នេះថា៖«ជាទូទៅ ព័ត៌មានអំពីការងារអភិរក្ស គឺជម្លោះ និងភាពបរាជ័យ ប៉ុន្តែលើកនេះគឺជាកិច្ចសហការ និងភាពជោគជ័យ»។
អង្គការ WCS បានសហការជាង១៥ឆ្នាំកន្លងមកហើយ ជាមួយក្រសួងបរិស្ថាន និងមន្ទីរបរិស្ថាន ព្រមទាំងប្រជាសហគមន៍ ក្នុងការអភិរក្ស ដែនជម្រកសត្វព្រៃកែវសីមា។ ដែនជម្រកសត្វព្រៃនេះ ជាទីជម្រកដ៏សំខាន់បំផុតមួយ សម្រាប់ការអភិរក្សសត្វព្រៃនៅកម្ពុជា និងគាំទ្រការរស់នៅរបស់ប្រភេទសត្វព្រៃ សំខាន់ៗជាច្រើន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ដំរីព្រៃ
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
អត្ថបទពេញនិយមបន្ថែម