ជាតិ
សេដ្ឋកិច្ច
កម្ពុជា នឹងរៀបចំពិព័រណ៍ផលិតផលកសិកម្មអន្តរជាតិលើកដំបូង នៅខែមិថុនា រូបភាពពីក្រសួងកសិកម្ម
×
ក្រុមហ៊ុន Santhai Import Export CO.,LTD គ្រោងរៀបចំការតាំងពិព័រណ៍ផលិតផលកសិកម្មអន្តរជាតិលើកដំបូង នៅកម្ពុជា នៅថ្ងៃទី២៥ ដល់ថ្ងៃទី២៨ខែមិថុនាឆ្នាំ២០១៧ ។ នេះបើតាមព័ត៌មានដែលផ្សព្វផ្សាយលើទំព័រហ្វេសប៊ុករបស់ក្រសួងកសិកម្ម។
លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្វាគមន៍ការរៀបចំ ពិព័រណ៍នេះ។ លោកមានប្រសាសន៍ថា ក្រសួងកសិកម្មនឹងជួយសហការយ៉ាងសកម្មក្នុងការតាំងពិព័រណ៍នេះ។ ការលើកឡើងរបស់ លោក វេង សាខុន បែបនេះនាជំនួបពិភាក្សាការងារជាមួយតំណាង Santhai Import Export នៅថ្ងៃទី២៩ខែមីនា។
សេចក្ដីជូនដំណឹងដដែលនេះ បញ្ជាក់ថា ពិព័រណ៍ផលិតផលកសិកម្មអន្តរជាតិនេះ នឹងមានការចូលរួមពីក្រុមហ៊ុនចិនចំនួន ៥០០ក្រុមហ៊ុន។ តំណាងក្រុមហ៊ុនពីបណ្ដាប្រទេសសមាជិកអាស៊ានជាង៣០០ ក្រុមហ៊ុន អ្នកវិនិយោគទុនក្នុងស្រុក និងមន្ត្រីរដ្ឋាភិបាលមួយចំនួន នឹងមានវត្តមានក្នុងពិព័រណ៍នេះ។ ជាមួយគ្នានេះ លោក វេង សាខុន ក៏នឹងធ្វើបទបង្ហាញអំពីការវិនិយោគក្នុងវិស័យកសិកម្មនៅកម្ពុជាផងដែរ៕
Tag:
វេង សាខុន
ពិព័រណ៍ផលិតផលកសិកម្ម
© រក្សាសិទ្ធិដោយ thmeythmey.com