ជាតិ
សេដ្ឋកិច្ច
ចំណូលពីការលក់សំបុត្រចូលទស្សនាតំបន់អង្គរបាន ៣០លានដុល្លារ ក្នុងត្រីមាសទី១ឆ្នាំនេះ
×
ភ្នំពេញ៖ ក្នុងអំឡុងពេលបីខែដើមឆ្នាំនេះ ភ្ញៀវទេសចរអន្តរជាតិចូលទស្សនាតំបន់អង្គរមានចំនួនជាង ៧៦ម៉ឺននាក់ កើនឡើង ៩ភាគរយ បើធៀបនឹងរយៈពេលដូចគ្នាកាលពីឆ្នាំ២០១៦ ។ រីឯចំណូលពីការលក់សំបុត្រជូនភ្ញៀវទេសចរទាំងនេះមានចំនួន ៣០,៨៥លានដុល្លារ កើនឡើង ៥១,៦ភាគរយ។ នេះបើតាមរបាយការណ៍របស់គ្រឹះស្ថានអង្គរ នៅថ្ងៃទី១ខែមេសា។
របាយការណ៍នេះបញ្ជាក់ថា ក្នុងទំហំទឹកប្រាក់ជាង៣០លានដុល្លារនេះ ថវិកា ២៩,៩លានដុល្លារត្រូវបង់ចូលថវិកាជាតិ និង ៩៥,៤ម៉ឺនដុល្លារត្រូវផ្ដល់ជូនមូលនិធិពេទ្យគន្ធបុប្ផាសម្រាប់ខែកុម្ភៈ និងមីនា។
គួរបញ្ជាក់ថា រដ្ឋាភិបាលបានអនុវត្តតម្លៃសំបុតថ្មីសម្រាប់ការចូលទស្សនារមណីយដ្ឋានអង្គរ ចាប់ពីខែកុម្ភៈឆ្នាំនេះមក ដោយតម្លៃថ្មីគឺ ៣៧ដុល្លារសម្រាប់សំបុត្រចូលទស្សនាមួយថ្ងៃ។ ក្នុងនោះទឹកប្រាក់ ២ដុល្លារត្រូវផ្ដល់ជូនមន្ទីពេទ្យគន្ធបុប្ផា។
នៅឆ្នាំ២០១៦ កន្លងទៅ ថវិកាពីការលក់សំបុត្រចូលទស្សនាប្រាសាទអង្គរបានជាង ៦២លានដុល្លារ កើនឡើងជាង ៤ភាគរយ បើធៀបនឹងឆ្នាំ២០១៥ ។ រដ្ឋាភិបាលគ្រប់គ្រងការលក់សំបុត្រទស្សនាអង្គរដោយខ្លួនឯងចាប់ពីខែមករាឆ្នាំ២០១៦ បន្ទាប់ពីដកហូតសិទ្ធិនេះពីក្រុមហ៊ុនសុខា៕
Tag:
អង្គរវត្ត
គ្រឹះស្ថានអង្គរ
© រក្សាសិទ្ធិដោយ thmeythmey.com