ពីនេះ ពីនោះ
ព្រះពុទ្ធ៖ លក្ខណៈសម្បត្តិរបស់មេដឹកនាំមាន១០យ៉ាង
×
ភ្នំពេញ៖ ព្រះពុទ្ធ គឺជាមេដឹកនាំគំរូមួយអង្គ ដែលបានណែនាំមនុស្សរាប់លាននាក់ ឲ្យទទួលបានសេចក្តីសុខ និងសុភមង្គលតាមរយៈទ្រឹស្តី និងការប្រតិបត្តិជាគំរូរបស់ខ្លួន។ ក្នុងចំណោមទស្សនៈរបស់ព្រះអង្គជាច្រើននោះ មានទស្សនៈទានមួយ ដែលព្រះអង្គបានណែនាំឲ្យអ្នកដឹកនាំត្រូវមានលក្ខណៈសម្បត្តិ១០យ៉ាង។
១) មានវ័យចាស់ល្មម ប្រកបដោយសុខភាព និងវិជ្ជាច្រើន
២) ជាអ្នកដែលតាំងចិត្តនៅកណ្តាល
៣) ជាអ្នកចេះចាំច្រើន ស្គាល់បញ្ហាសង្គមដែលខ្លួនគ្រប់គ្រង
៤) ជាអ្នកវៃឆ្លាតខាងរកដំណោះស្រាយបញ្ហា
៥) ស្ទាត់ជំនាញពីគោលច្បាប់គ្រប់គ្រង ទាំងច្បាប់ជាតិ និងអន្តរជាតិ
៦) ជាអ្នកស្រឡាញ់ច្បាប់ យកច្បាប់ជាធំ
៧) ជាអ្នកដែលមានចិត្តរឹងប៉ឹង
៨) ជាអ្នកសណ្តោស មានចិត្តទូលាយ និងជ្រះថ្លា
៩) ជាមនុស្សដែលមានសុចរិត និងទៀងត្រង់
១០) ជាអ្នកមិនជ្រុលនិយមក្នុងលោកធម៌ទាំង៨ រួមមាន៖ មានលាភ និងអត់លាភ មានយស និងអពយស មានសរសើរ និងការស្តីបន្ទោស មានសុខ និងទុក្ខ។
ប្រភព៖ «វិទ្យាសាស្ត្រនយោបាយ» រៀបរៀងដោយ សាស្ត្រាចារ្យ នួន សុធិមន្ត
Tag:
ព្រះពុទ្ធ
មេដឹកនាំ
© រក្សាសិទ្ធិដោយ thmeythmey.com