ពីនេះ ពីនោះ
ប្រាប់ត្រង់៖ បដាតម្លៃចំណតតាមផ្សារ គ្មានប្រយោជន៍
× បញ្ហាតម្លៃចំណតជុំវិញផ្សារ គឺជាជំងឺរ៉ាំរ៉ៃ ព្យាបាលមិនសះ។ មិនមែនរឿងចំនួនលុយដែលត្រូវបង់ទេ ប៉ុន្តែវាជាបញ្ហាមិនគោរពច្បាប់ទៅវិញ។ តាំងពីដើមមក នៅតាមផ្សារ គេតែងដាក់បដាដែលសរសេរតម្លៃចំណតកង់ ម៉ូតូ និងរថយន្ត។ ជាក់ស្តែង ឆ្មាំយាមតែងតែទារលើស ហើយបើមានអ្នកតវ៉ា ឆ្មាំទាំងនោះ ក៏ឆ្លើយថា «បដានោះ គេចេះតែដាក់ទេ»។ ពេលខ្លះ ពួកគេចេះតែឆ្លើយថា «ត្រូវបង់ឲ្យអ្នកនេះ បង់ឲ្យអ្នកនោះ!»
រូបភាពនៃការមិនអនុវត្តច្បាប់ បានបង្ហាញយ៉ាងច្បាស់ក្រឡែត ហើយមនុស្សទូទៅបានដឹងឮ និងទទួលស្គាល់គ្រប់ៗគ្នា គ្មានអ្នកណាម្នាក់អាចដោះស្រាយបញ្ហានេះបានឡើយ។ ចុះបើបដានេះ សរសេរដាក់ថា តម្លៃចំណតរថយន្ត ២០០០ តែម្តងមិនបាន? ឬក៏បើសរសេរដាក់តម្លៃ២០០០ហើយ ឆ្មាំនឹងទារឡើងដល់៥០០០?
© រក្សាសិទ្ធិដោយ thmeythmey.com