Kim Wilde ដែលមានឈ្មោះកំណើតថា Kimberley Smith កើតនៅថ្ងៃទី១៨ ខែវិច្ឆិកា ឆ្នាំ១៩៦០ នៅតំបន់ Chiswick ភាគខាងលិចប្រទេសអង់គ្លេស។ គាត់ជាអ្នកចម្រៀង អ្នកនិពន្ធ ឌីជេ និងជាពិធីការិនីទូរទស្សន៍ ដែលចូលចិត្តបង្ហាញវប្បធម៌អង់គ្លេសនាអំឡុងឆ្នាំ១៩៨០។
Kim ជាកូនស្រីច្បងរបស់លោក Marty Wilde និងអ្នកស្រី Joyce Baker ដែលសុទ្ធតែជាអ្នកចម្រៀងជើងចាស់ Rock and Roll។ ក្រៅពី Marty Jr. ដែលជាប្អូនប្រុសពៅនោះ Ricky និង Roxanne ក៏បានប្រឡូកខ្លួនក្នុងឧស្សហកម្មចម្រៀងផងដែរ។ Kim បានរៀបការជាមួយលោក Hal Fowler នៅឆ្នាំ១៩៩៦ និងមានកូន២នាក់ គឺ Harry Tristan និង Rose Elisabeth។
Kim ជោគជ័យក្នុងអាជីពខ្លាំងបំផុត គឺចន្លោះពីឆ្នាំ១៩៨១ ដល់ឆ្នាំ១៩៩៦ ។ បច្ចុប្បន្ន ក្នុងវ័យ៥៦ឆ្នាំ Kim នៅតែបង្ហាញវត្តមាននៅឆាកតន្ត្រី ផងដែរ។ ក្រោយឆ្នាំ១៩៨១ បទចម្រៀង និងអាល់ប៊ុមដ៏ពេញនិយមរបស់ Kim ផ្សេងទៀតរួមមាន Catch as Catch Can (១៩៨៣) Another Step (១៩៨៦) Love Moves (១៩៩០) Love Is (១៩៩២) Now & Forever (១៩៩៥) Never Say Never (២០០៦) Come Out and Play (២០១០) Snapshots (២០១១) Wilde Winter Songbook (២០១៣) ជាដើម៕