អន្តរជាតិ
ប្រមុខការពារជាតិអាមេរិកអួតថា យន្តហោះស៊ីរី២០ភាគរយ ត្រូវកម្ទេចដោយមីស៊ីល Tomahawk
រូបភាពខូចខាតនៅមូលដ្ឋានអាកាស Shayrat ដែលរងការវាយប្រហារដោយមីស៊ីល Tomahawk របស់អាមេរិក (រូបភាព The Drive)
×![]()
ដោយ: តន ចាន់រិទ្ធារ៉ា
ជិតមួយសប្ដាហ៍ក្រោយបាញ់ស្រោចមីស៊ីល Tomahawk ចំនួន៥៩គ្រាប់ដាក់ស៊ីរី រដ្ឋមន្ត្រីការពារជាតិអាមេរិក James Mattis បាននិយាយថា យន្តហោះចម្បាំងរបស់កងទ័ពស៊ីរីចំនួន២០ភាគរយ ត្រូវបានកម្ទេចក្នុងប្រតិបត្តិការយោធាដោយផ្ទាល់នេះ។ ក្រៅពីយន្តហោះទាំង២០ភាគរយ មីស៊ីលរបស់អាមេរិក ក៏បានបាញ់ចំគោលដៅកងទ័ពស៊ីរីជាច្រើនទៀតដូចជាឃ្លាំងស្តុកប្រេង និងសម្ភារដទៃទៀត។ លោក Mattis ក៏ព្រមានថា បើរដ្ឋាភិបាលស៊ីរីហ៊ានបំពានទៀត អាមេរិកនឹងមិនលើកលែងឲ្យឡើយ។
មន្ទីរបញ្ចកោណ បានបញ្ចេញរបាយការណ៍វាយតម្លៃនៃការវាយប្រហារមីស៊ីលរបស់ខ្លួនលើមូលដ្ឋានទ័ពអាកាស Shayrat របស់ស៊ីរី ដើម្បីឆ្លើយតបនឹងការវាយប្រហារអាវុធគីមីលើប្រជាជនស្លូតត្រង់។ អាមេរិក បានបាញ់មីស៊ីល Tomahawk ចំនួន៥៩គ្រាប់ដាក់មូលដ្ឋាននេះ ដែលគេសង្ស័យថា ត្រូវបានប្រើប្រាស់ដោយកងទ័ពរដ្ឋាភិបាលប្រធានាធិបតី Bashar al-Assad ដើម្បីវាយប្រហារដោយអាវុធគីមី ដែលសម្លាប់មនុស្សជាង៨០នាក់។
រដ្ឋមន្ត្រីការពារជាតិអាមេរិក James Mattis បាននិយាយក្នុងសេចក្ដីថ្លែងការណ៍នៅថ្ងៃទៅ១០ ខែមេសា ថា អាមេរិកនឹងមិននៅស្ងៀមឡើយ ពេលរដ្ឋាភិបាលលោក Assad សម្លាប់ប្រជាជនស្លូតត្រង់ ដោយប្រើអាវុធគីមី។ លោកបន្តថា ក្នុងប្រតិបត្តិការយោធាដោយផ្ទាល់លើកទី១ ក្នុងជម្លោះស៊ីរី មីស៊ីលអាមេរិក បានបំផ្លាញយន្តហោះចម្បាំងរបស់កងទ័ពស៊ីរីចំនួន២០ភាគរយនៃយន្តហោះទាំងអស់ដែលនៅសេសសល់របស់ស៊ីរី។
ក្នុងការវាយតម្លៃការខូចខាតនេះ លោក Mattis អះអាងថា ទីតាំងស្តុកអាវុធ និងប្រេង ត្រូវបានកម្ទេច ព្រមគ្នានឹងសមត្ថភាពផ្នែកអាកាសផ្សេងទៀត។ ទាំងនេះមានន័យថា កងទ័ពស៊ីរី ក៏គ្មានសមត្ថភាពចាក់ប្រេង ឬក៏បំពាក់សម្ភារឲ្យយន្តហោះឡើងវិញដែរ ហើយនៅពេលនេះ ព្រលានយន្តហោះ Shayrat លែងមានប្រយោជន៍ទៀតហើយ។ នេះបើយោងតាមការផ្សាយរបស់សារព័ត៌មាន Al Jazeera ដែលផ្សាយថា ការបាញ់មីស៊ីល គឺជាវិធានការណ៍ប្រឆាំងការប្រើប្រាស់អាវុធគីមីតែម្ដង។
យ៉ាងណាក្ដី ការវាយតម្លៃរបស់អាមេរិកស្ដីពីការខូចខាតមូលដ្ឋានទ័ពអាកាស Shayrat ខុសគ្នាពីរបាយការណ៍របស់រដ្ឋាភិបាលស៊ីរី និងរុស្ស៊ី។ រដ្ឋាភិបាលលោក Assad អះអាងថា ការខូចខាតមិនមានច្រើនឡើយ ហើយក៏មិនប៉ះពាល់កម្លាំងទ័ពស៊ីរីដែរ។ ចំណែករុស្ស៊ីវិញក៏និយាយថា ក្នុងចំណោមមីស៊ីលទាំង៥៩ មានមីស៊ីលចំនួន២៣ ដែលបាញ់ដល់ Shayrat ហើយមានតែយន្តហោះ MIG-23s ចំនួន៦គ្រឿងប៉ុណ្ណោះ ត្រូវកម្ទេច។
បន្ថែមពីលើការបាញ់មីស៊ីលលើកនេះ មន្ត្រីរដ្ឋបាលលោក ដូណាល់ ត្រាំ ក៏ព្រមានដែរថា ប្រតិបត្តិការរបៀបនេះ អាចនឹងធ្វើឡើងទៀត បើរបបស៊ីរី បន្តប្រព្រឹត្តកំហុសធ្ងន់ធ្ងរទៀតនោះ។ យ៉ាងណាក្ដី អាមេរិកនឹងព្យាយាមធ្វើយ៉ាងណា ដើម្បីបន្ថយការអន្តរាគមន៍ដោយផ្ទាល់ទៅក្នុងជម្លោះនេះ។ ជំនួសមកវិញ ការចូលរួមជាមួយសម្ព័ន្ធមិត្តផ្សេងទៀតដូចអ្វីដែលធ្លាប់ធ្វើកន្លងមក នឹងនៅតែបន្តរហូតគោលដៅអាទិភាពត្រូវបានបញ្ចប់ គឺការផ្លាស់ប្ដូររបបដឹកនាំស៊ីរីតែម្ដង៕
មន្ទីរបញ្ចកោណ បានបញ្ចេញរបាយការណ៍វាយតម្លៃនៃការវាយប្រហារមីស៊ីលរបស់ខ្លួនលើមូលដ្ឋានទ័ពអាកាស Shayrat របស់ស៊ីរី ដើម្បីឆ្លើយតបនឹងការវាយប្រហារអាវុធគីមីលើប្រជាជនស្លូតត្រង់។ អាមេរិក បានបាញ់មីស៊ីល Tomahawk ចំនួន៥៩គ្រាប់ដាក់មូលដ្ឋាននេះ ដែលគេសង្ស័យថា ត្រូវបានប្រើប្រាស់ដោយកងទ័ពរដ្ឋាភិបាលប្រធានាធិបតី Bashar al-Assad ដើម្បីវាយប្រហារដោយអាវុធគីមី ដែលសម្លាប់មនុស្សជាង៨០នាក់។
រដ្ឋមន្ត្រីការពារជាតិអាមេរិក James Mattis បាននិយាយក្នុងសេចក្ដីថ្លែងការណ៍នៅថ្ងៃទៅ១០ ខែមេសា ថា អាមេរិកនឹងមិននៅស្ងៀមឡើយ ពេលរដ្ឋាភិបាលលោក Assad សម្លាប់ប្រជាជនស្លូតត្រង់ ដោយប្រើអាវុធគីមី។ លោកបន្តថា ក្នុងប្រតិបត្តិការយោធាដោយផ្ទាល់លើកទី១ ក្នុងជម្លោះស៊ីរី មីស៊ីលអាមេរិក បានបំផ្លាញយន្តហោះចម្បាំងរបស់កងទ័ពស៊ីរីចំនួន២០ភាគរយនៃយន្តហោះទាំងអស់ដែលនៅសេសសល់របស់ស៊ីរី។
ក្នុងការវាយតម្លៃការខូចខាតនេះ លោក Mattis អះអាងថា ទីតាំងស្តុកអាវុធ និងប្រេង ត្រូវបានកម្ទេច ព្រមគ្នានឹងសមត្ថភាពផ្នែកអាកាសផ្សេងទៀត។ ទាំងនេះមានន័យថា កងទ័ពស៊ីរី ក៏គ្មានសមត្ថភាពចាក់ប្រេង ឬក៏បំពាក់សម្ភារឲ្យយន្តហោះឡើងវិញដែរ ហើយនៅពេលនេះ ព្រលានយន្តហោះ Shayrat លែងមានប្រយោជន៍ទៀតហើយ។ នេះបើយោងតាមការផ្សាយរបស់សារព័ត៌មាន Al Jazeera ដែលផ្សាយថា ការបាញ់មីស៊ីល គឺជាវិធានការណ៍ប្រឆាំងការប្រើប្រាស់អាវុធគីមីតែម្ដង។
យ៉ាងណាក្ដី ការវាយតម្លៃរបស់អាមេរិកស្ដីពីការខូចខាតមូលដ្ឋានទ័ពអាកាស Shayrat ខុសគ្នាពីរបាយការណ៍របស់រដ្ឋាភិបាលស៊ីរី និងរុស្ស៊ី។ រដ្ឋាភិបាលលោក Assad អះអាងថា ការខូចខាតមិនមានច្រើនឡើយ ហើយក៏មិនប៉ះពាល់កម្លាំងទ័ពស៊ីរីដែរ។ ចំណែករុស្ស៊ីវិញក៏និយាយថា ក្នុងចំណោមមីស៊ីលទាំង៥៩ មានមីស៊ីលចំនួន២៣ ដែលបាញ់ដល់ Shayrat ហើយមានតែយន្តហោះ MIG-23s ចំនួន៦គ្រឿងប៉ុណ្ណោះ ត្រូវកម្ទេច។
បន្ថែមពីលើការបាញ់មីស៊ីលលើកនេះ មន្ត្រីរដ្ឋបាលលោក ដូណាល់ ត្រាំ ក៏ព្រមានដែរថា ប្រតិបត្តិការរបៀបនេះ អាចនឹងធ្វើឡើងទៀត បើរបបស៊ីរី បន្តប្រព្រឹត្តកំហុសធ្ងន់ធ្ងរទៀតនោះ។ យ៉ាងណាក្ដី អាមេរិកនឹងព្យាយាមធ្វើយ៉ាងណា ដើម្បីបន្ថយការអន្តរាគមន៍ដោយផ្ទាល់ទៅក្នុងជម្លោះនេះ។ ជំនួសមកវិញ ការចូលរួមជាមួយសម្ព័ន្ធមិត្តផ្សេងទៀតដូចអ្វីដែលធ្លាប់ធ្វើកន្លងមក នឹងនៅតែបន្តរហូតគោលដៅអាទិភាពត្រូវបានបញ្ចប់ គឺការផ្លាស់ប្ដូររបបដឹកនាំស៊ីរីតែម្ដង៕
Tag:
អាមេរិក
James Mattis
ស៊ីរី
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
