ជាតិ
សាលារាជធានីប្រកាសបញ្ចប់ការតវ៉ាវិវាទដីធ្លីក្នុងតំបន់បឹងកក់ តែពលរដ្ឋនៅតែបន្តតវ៉ា
×![]()
ភ្នំពេញ៖ អភិបាលរងរាជធានីភ្នំពេញ លោក ឃួង ស្រេង បានប្រកាសថា អាជ្ញាធរលែងទទួលយកការតវ៉ា របស់ពលរដ្ឋបឹងកក់ ចាប់ពីថ្ងៃ២៧ ខែមេសានេះតទៅ ក្រោយពីអាជ្ញាធរបានសម្រេចផ្តល់ដីចំនួន ៦ប្លង់ៗដែលមានទំហំទទឹងចំនួន ៤ ម៉ែត្រនិងបណ្តាយចំនួន ១៨ ម៉ែត្រដល់ពលរដ្ឋវិវាទសេសសល់។ តែពលរដ្ឋមួយចំនួន នៅតែបន្តតវ៉ានឹងការរកដំណោះស្រាយរបស់អាជ្ញាធរ។
លោក ឃួង ស្រេង បានថ្លែងឲ្យដឹងថា មានពលរដ្ឋតែចំនួន៧ គ្រួសាររស់នៅក្នុងភូមិ ១ សង្កាត់ស្រះចក ខណ្ឌដូនពេញប៉ុណ្ណោះដែលពុំទាន់យល់ព្រមទទួលយកសំណងរបស់អាជ្ញាធរ។ ថ្លែងក្នុងសនិ្នសីទកាសែត ស្តីពី ការដោះស្រាយវិវាទដីធ្លីក្នុងតំបន់បឹងកក់ នាសាលារាជធានីភ្នំពេញ លោកបានប្រកាសបិទបញ្ចប់ដំណើរការដោះស្រាយផលប៉ះពាល់ពីគម្រោងអភិវឌ្ឍន៍តំបន់បឹងកក់ជាផ្លូវការ ដោយលោកចាត់ទុកការ ដោះស្រាយបញ្ហានេះសមរម្យដែលពលរដ្ឋអាចរស់នៅបានតាមគោលនយោបាយរដ្ឋាភិបាល។
«ពួកគាត់ (ពលរដ្ឋ) ទាមទារដីច្រើនពេក អ្នកខ្លះទាមទារដីចង់ធ្វើសេដ្ឋីតែម្តង។ អាជ្ញាធរមិនអាចផ្តល់តាមចិត្តគាត់នោះទេ។ យើងនឹងរៀបចំជូនពួកគាត់រួមនឹងប្លង់កម្មសិទ្ធិដីធ្លី ប្រសិនពួកគាត់សម្រេចទទួលយក»។ លោក ស្រេង បញ្ជាក់ពីដំណោះស្រាយជូនពលរដ្ឋបឹងកក់ដែលបានតវ៉ាជាមួយអាជ្ញាធរ និងក្រុមហ៊ុនជិតមួយទសវត្សរ៍ បើទោះជាពលរដ្ឋខ្លះមិនទទួលយកសំណងក្ដី។
នៅពេលអ្នកសារព័ត៌មានសួរថា តើពលរដ្ឋត្រូវធ្វើដូចម្តេច ប្រសិនពួកគេមិនព្រមទទួលយកសំណង? អភិបាលរងរាជធានីភ្នំពេញរូបនេះ បានបញ្ជាក់ថា ពួកគេអាចដាក់លិខិតតវ៉ាទៅអាជ្ញាធរថ្នាក់ជាតិថែមទៀត។ បើតាម លោក ស្រេង អាជ្ញាធរផ្តល់សំណងដល់គ្រួសារចុងក្រោយចំនួន ៧ គ្រួសារ ក្នុងនោះ រួមមាន គ្រួសារមួយទទួលបានដីចំនួន ៤ប្លង់ និងចំនួន៦ គ្រួសារទៀតទទួលបានដីចំនួន ២ប្លង់ក្នុងមួយគ្រួសារៗ ។ ដីមួយប្លង់ៗមានទំហំទទឹង ៤ម៉ែត្រ និងបណ្តោយចំនួន ១៨ម៉ែត្រ។
យ៉ាងណា ពលរដ្ឋពុំទាន់ទទួលយកសំណងអាជ្ញាធរនោះទេ។ តំណាងពលរដ្ឋទាំង ៧គ្រួសារ លោកស្រី សែន ទូច អាយុប្រមាណ ៥០ឆ្នាំ កំពុងឈរតវ៉ាក្រៅរបងសាលាក្រុងភ្នំពេញ បាននិយាយថា ពលរដ្ឋទាំងអស់នឹងបន្តដើរបាតុកម្មតវ៉ាអាជ្ញាធរពាក់ព័ន្ធថែមទៀត រហូតពួកគេអាចទទួលយកសំណងតាមការចង់បាន។ លោកស្រីដែលទទួលបានចំនួន ២ប្លង់រូបនេះ អះអាងថា សាលារាជធានីភ្នំពេញ បានផ្ដល់ដីឲ្យពលរដ្ឋទាំង ៧ គ្រួសារចំនួនសរុប ១១៥២ ម៉ែត្រការ៉េប៉ុណ្ណោះ។ «ទំហំដីនេះមិនស្មើនឹងទំហំដីគ្រួសារខ្ញុំជាក់ស្តែងនោះទេ។ ដីខ្ញុំមានទំហំចំនួន ៣២០០ម៉ែត្រការ៉េ»។ ស្ត្រីដែលកំពុងអាជ្ញាធរារាំងក្រៅរបងសាលា ក្រុងប្រាប់អ្នកសារព័ត៌មានថា អាជ្ញាធរផ្តល់ដំណោះស្រាយដោយគ្មានតម្លាភាព។
លោក សៀ ភារម្យ នាយកប្រចាំប្រទេសនៃក្រុមការងារពិសេសសិទ្ធិលំនៅឋាន ហាក់មិនគាំទ្រនឹងដំណោះ ស្រាយរបស់អាជ្ញាធរនោះទេ ដោយលោកបាននិយាយថា ដំណោះស្រាយសមរម្យលុះត្រាតែភាគីទាំងពីរព្រមព្រៀង និងទទួលយកដោយភាពរីករាយ។
«សាលាក្រុងបានបិទឈប់ដោះស្រាយលើករណីរបស់ពួកគេ ប៉ុន្តែពួកគេអាចបន្តដាក់ញត្តិស្វែងរកដំណោះស្រាយសមស្របទៅថ្នាក់ជាតិបាន»។ លោក ភារម្យ បញ្ជាក់បន្ថែម ក្រោយពេលលោក ឃួង ស្រេង បានព្រមានថា អាជ្ញាធរនឹងចាត់វិធានការផ្លូវច្បាប់ ប្រសិនបើពលរដ្ឋដើរតវ៉ាប៉ះពាល់ដល់សណ្ដាប់ធ្នាប់សាធារណៈ ឬសិទ្ធិអ្នកដទៃ។
កាលពីឆ្នាំ២០០៨ សាលារាជធានីភ្នំពេញក្រោមការដឹកនាំរបស់អតីតអភិបាលលោក កែប ជុតិមា បានចុះ សេចក្តីព្រមព្រៀងផ្តល់ដីសម្បទានទំហំ ១៣៣ហិកតារយៈពេល ៩៩ឆ្នាំដែលមានតម្លៃជាទឹកប្រាក់ ៧៩លានដុល្លា ដល់ក្រុមហ៊ុនឯកជនស៊ូកាគូអ៊ីន ដើម្បីអភិវឌ្ឍន៍ជាទីក្រុងរណប។
តាមគម្រោងក្រុមហ៊ុននឹងប្រែក្លាយតំបន់បឹងកក់ទៅជាមជ្ឈមណ្ឌលពាណិជ្ជកម្ម តំបន់រមណីយដ្ឋាន និងសេវាកម្មសម្រាប់ភ្ញៀវជាតិ និងអន្តរជាតិ៕
លោក ឃួង ស្រេង បានថ្លែងឲ្យដឹងថា មានពលរដ្ឋតែចំនួន៧ គ្រួសាររស់នៅក្នុងភូមិ ១ សង្កាត់ស្រះចក ខណ្ឌដូនពេញប៉ុណ្ណោះដែលពុំទាន់យល់ព្រមទទួលយកសំណងរបស់អាជ្ញាធរ។ ថ្លែងក្នុងសនិ្នសីទកាសែត ស្តីពី ការដោះស្រាយវិវាទដីធ្លីក្នុងតំបន់បឹងកក់ នាសាលារាជធានីភ្នំពេញ លោកបានប្រកាសបិទបញ្ចប់ដំណើរការដោះស្រាយផលប៉ះពាល់ពីគម្រោងអភិវឌ្ឍន៍តំបន់បឹងកក់ជាផ្លូវការ ដោយលោកចាត់ទុកការ ដោះស្រាយបញ្ហានេះសមរម្យដែលពលរដ្ឋអាចរស់នៅបានតាមគោលនយោបាយរដ្ឋាភិបាល។
«ពួកគាត់ (ពលរដ្ឋ) ទាមទារដីច្រើនពេក អ្នកខ្លះទាមទារដីចង់ធ្វើសេដ្ឋីតែម្តង។ អាជ្ញាធរមិនអាចផ្តល់តាមចិត្តគាត់នោះទេ។ យើងនឹងរៀបចំជូនពួកគាត់រួមនឹងប្លង់កម្មសិទ្ធិដីធ្លី ប្រសិនពួកគាត់សម្រេចទទួលយក»។ លោក ស្រេង បញ្ជាក់ពីដំណោះស្រាយជូនពលរដ្ឋបឹងកក់ដែលបានតវ៉ាជាមួយអាជ្ញាធរ និងក្រុមហ៊ុនជិតមួយទសវត្សរ៍ បើទោះជាពលរដ្ឋខ្លះមិនទទួលយកសំណងក្ដី។
នៅពេលអ្នកសារព័ត៌មានសួរថា តើពលរដ្ឋត្រូវធ្វើដូចម្តេច ប្រសិនពួកគេមិនព្រមទទួលយកសំណង? អភិបាលរងរាជធានីភ្នំពេញរូបនេះ បានបញ្ជាក់ថា ពួកគេអាចដាក់លិខិតតវ៉ាទៅអាជ្ញាធរថ្នាក់ជាតិថែមទៀត។ បើតាម លោក ស្រេង អាជ្ញាធរផ្តល់សំណងដល់គ្រួសារចុងក្រោយចំនួន ៧ គ្រួសារ ក្នុងនោះ រួមមាន គ្រួសារមួយទទួលបានដីចំនួន ៤ប្លង់ និងចំនួន៦ គ្រួសារទៀតទទួលបានដីចំនួន ២ប្លង់ក្នុងមួយគ្រួសារៗ ។ ដីមួយប្លង់ៗមានទំហំទទឹង ៤ម៉ែត្រ និងបណ្តោយចំនួន ១៨ម៉ែត្រ។
យ៉ាងណា ពលរដ្ឋពុំទាន់ទទួលយកសំណងអាជ្ញាធរនោះទេ។ តំណាងពលរដ្ឋទាំង ៧គ្រួសារ លោកស្រី សែន ទូច អាយុប្រមាណ ៥០ឆ្នាំ កំពុងឈរតវ៉ាក្រៅរបងសាលាក្រុងភ្នំពេញ បាននិយាយថា ពលរដ្ឋទាំងអស់នឹងបន្តដើរបាតុកម្មតវ៉ាអាជ្ញាធរពាក់ព័ន្ធថែមទៀត រហូតពួកគេអាចទទួលយកសំណងតាមការចង់បាន។ លោកស្រីដែលទទួលបានចំនួន ២ប្លង់រូបនេះ អះអាងថា សាលារាជធានីភ្នំពេញ បានផ្ដល់ដីឲ្យពលរដ្ឋទាំង ៧ គ្រួសារចំនួនសរុប ១១៥២ ម៉ែត្រការ៉េប៉ុណ្ណោះ។ «ទំហំដីនេះមិនស្មើនឹងទំហំដីគ្រួសារខ្ញុំជាក់ស្តែងនោះទេ។ ដីខ្ញុំមានទំហំចំនួន ៣២០០ម៉ែត្រការ៉េ»។ ស្ត្រីដែលកំពុងអាជ្ញាធរារាំងក្រៅរបងសាលា ក្រុងប្រាប់អ្នកសារព័ត៌មានថា អាជ្ញាធរផ្តល់ដំណោះស្រាយដោយគ្មានតម្លាភាព។
លោក សៀ ភារម្យ នាយកប្រចាំប្រទេសនៃក្រុមការងារពិសេសសិទ្ធិលំនៅឋាន ហាក់មិនគាំទ្រនឹងដំណោះ ស្រាយរបស់អាជ្ញាធរនោះទេ ដោយលោកបាននិយាយថា ដំណោះស្រាយសមរម្យលុះត្រាតែភាគីទាំងពីរព្រមព្រៀង និងទទួលយកដោយភាពរីករាយ។
«សាលាក្រុងបានបិទឈប់ដោះស្រាយលើករណីរបស់ពួកគេ ប៉ុន្តែពួកគេអាចបន្តដាក់ញត្តិស្វែងរកដំណោះស្រាយសមស្របទៅថ្នាក់ជាតិបាន»។ លោក ភារម្យ បញ្ជាក់បន្ថែម ក្រោយពេលលោក ឃួង ស្រេង បានព្រមានថា អាជ្ញាធរនឹងចាត់វិធានការផ្លូវច្បាប់ ប្រសិនបើពលរដ្ឋដើរតវ៉ាប៉ះពាល់ដល់សណ្ដាប់ធ្នាប់សាធារណៈ ឬសិទ្ធិអ្នកដទៃ។
កាលពីឆ្នាំ២០០៨ សាលារាជធានីភ្នំពេញក្រោមការដឹកនាំរបស់អតីតអភិបាលលោក កែប ជុតិមា បានចុះ សេចក្តីព្រមព្រៀងផ្តល់ដីសម្បទានទំហំ ១៣៣ហិកតារយៈពេល ៩៩ឆ្នាំដែលមានតម្លៃជាទឹកប្រាក់ ៧៩លានដុល្លា ដល់ក្រុមហ៊ុនឯកជនស៊ូកាគូអ៊ីន ដើម្បីអភិវឌ្ឍន៍ជាទីក្រុងរណប។
តាមគម្រោងក្រុមហ៊ុននឹងប្រែក្លាយតំបន់បឹងកក់ទៅជាមជ្ឈមណ្ឌលពាណិជ្ជកម្ម តំបន់រមណីយដ្ឋាន និងសេវាកម្មសម្រាប់ភ្ញៀវជាតិ និងអន្តរជាតិ៕
Tag:
ឃួង ស្រង
បឹងកក់
ដីធ្លី
© រក្សាសិទ្ធិដោយ thmeythmey.com
