កីឡាអន្តរជាតិ
អន្តរជាតិ
Guangzhou រងពិន័យក្រោយអ្នកគាំទ្រលើកបដាឌឺដងក្លិបនៅហុងកុងថា ជាឆ្កែអង់គ្លេស
បដាដែលសរសេរដោយអ្នកគាំទ្រក្រុមGuangzhouថា បំផ្លាញសត្វឆ្កែអង់គ្លេស លុបបំបាត់ឯករាជ្យភាពរបស់ហុងកុង
×![]()
ដោយ: ទេព ពិទូរ្យ
ក្រុមមកពីលីកកំពូលរបស់ចិន Guangzhou Evergrande នឹងត្រូវរងពិន័យពីសហព័ន្ធកីឡាបាល់ទាត់ទ្វីបអាស៊ី(AFC) បន្ទាប់ពីក្រុមអ្នកគាំទ្រខ្លួនបានលើកបដាថា « កម្ទេចឆ្កែអង់គ្លេស» (Annihilate British Dogs) ក្នុងគោលបំណងឌឺដងទៅកាន់អ្នកគាំទ្រក្រុម Eastern របស់ហុងកុង នាអំឡុងពេលប្រកួតវគ្គជម្រុះពាន AFC Champions League កាលពីថ្ងៃអង្គារកន្លងទៅ។
ម្ចាស់ជើងឯកពានប្រចាំទ្វីបអាស៊ី AFC Champions League ពីរសម័យកាលត្រូវបានចោទប្រកាន់២ករណី ដោយករណីទី១ទាក់ទិននឹងវិន័យ និងទី២ទាក់ទិននឹងវិជ្ជាជីវៈដែលចេញដោយសហព័ន្ធកីឡាបាល់ទាត់ទ្វីបអាស៊ីតែម្តង។ ករណីទី១ស្ថិតនៅក្រោមមាត្រា៥៨ ដែលទាក់ទិននឹងការរើសអើង និងករណីទី២ក្រោមមាត្រា៦៥ ជុំវិញបញ្ហាវិជ្ជាជីវៈរបស់អ្នកទស្សនា ឬក្រុមអ្នកគាំទ្រ។
បើតាមការចុះផ្សាយរបស់ Channel News Asia បដាដែលសរសេរដោយក្រុមអ្នកគាំទ្ររបស់ Guangzhou Evergrande ថា «កម្ទេចឆ្កែអង់គ្លេស លុបបំបាត់ឯករាជ្យភាពរបស់ហុងកុង» ជាពាក្យឌឺដងផ្លែផ្កាទៅកាន់អ្នកគាំទ្ររបស់ក្លិបនៅហុងកុង នាការប្រកួតជម្រុះ AFC Champions League រវាងក្រុមយក្សចិនដែលដឹកនាំដោយអតីតអ្នកចាត់ការក្រុម Chelsea លោក Luiz Felipe Scolari យកឈ្នះក្រុម Eastern ៦-០ ក្នុងកីឡដ្ឋាន Mongkok នាទីក្រុងហុងកុង។
ហុងកុងគឺជាអតីតអាណានិគមរបស់ចក្រភពអង់គ្លេស ហើយត្រឡប់មកគ្រប់គ្រងដោយចិនវិញនៅឆ្នាំ ១៩៩៧។ ប៉ុន្តែទឹកដីនេះនៅតែបានប្រើប្រព័ន្ធសេដ្ឋកិច្ចនយោបាយដាច់ដោយឡែក ពីប្រទេសចិនដរដែល។
ទំនាក់ទំនងរវាងចិន និងហុងកុងមិនល្អសោះក្នុងរយៈពេលប៉ុន្មានឆ្នាំចុងក្រោយនេះ ដោយសារមានប្រជាជនហុងកុងរាប់ពាន់នាក់ធ្វើការតវានៅតាមដងផ្លូវកាលពីឆ្នាំ២០១៤។ ការតវានេះបានធ្វើឲ្យក្រុមហ៊ុនពាណិជ្ជកម្មធំៗមួយចំនួនក្នុងសង្កាត់នៅទីក្រុងហុងកុងត្រូវបានជាប់គាំង ដោយសារមានការជ្រៀតជ្រែកខាងនយោបាយពីសំណាក់ក្រុងប៉េកាំង៕
ម្ចាស់ជើងឯកពានប្រចាំទ្វីបអាស៊ី AFC Champions League ពីរសម័យកាលត្រូវបានចោទប្រកាន់២ករណី ដោយករណីទី១ទាក់ទិននឹងវិន័យ និងទី២ទាក់ទិននឹងវិជ្ជាជីវៈដែលចេញដោយសហព័ន្ធកីឡាបាល់ទាត់ទ្វីបអាស៊ីតែម្តង។ ករណីទី១ស្ថិតនៅក្រោមមាត្រា៥៨ ដែលទាក់ទិននឹងការរើសអើង និងករណីទី២ក្រោមមាត្រា៦៥ ជុំវិញបញ្ហាវិជ្ជាជីវៈរបស់អ្នកទស្សនា ឬក្រុមអ្នកគាំទ្រ។
បើតាមការចុះផ្សាយរបស់ Channel News Asia បដាដែលសរសេរដោយក្រុមអ្នកគាំទ្ររបស់ Guangzhou Evergrande ថា «កម្ទេចឆ្កែអង់គ្លេស លុបបំបាត់ឯករាជ្យភាពរបស់ហុងកុង» ជាពាក្យឌឺដងផ្លែផ្កាទៅកាន់អ្នកគាំទ្ររបស់ក្លិបនៅហុងកុង នាការប្រកួតជម្រុះ AFC Champions League រវាងក្រុមយក្សចិនដែលដឹកនាំដោយអតីតអ្នកចាត់ការក្រុម Chelsea លោក Luiz Felipe Scolari យកឈ្នះក្រុម Eastern ៦-០ ក្នុងកីឡដ្ឋាន Mongkok នាទីក្រុងហុងកុង។
ហុងកុងគឺជាអតីតអាណានិគមរបស់ចក្រភពអង់គ្លេស ហើយត្រឡប់មកគ្រប់គ្រងដោយចិនវិញនៅឆ្នាំ ១៩៩៧។ ប៉ុន្តែទឹកដីនេះនៅតែបានប្រើប្រព័ន្ធសេដ្ឋកិច្ចនយោបាយដាច់ដោយឡែក ពីប្រទេសចិនដរដែល។
ទំនាក់ទំនងរវាងចិន និងហុងកុងមិនល្អសោះក្នុងរយៈពេលប៉ុន្មានឆ្នាំចុងក្រោយនេះ ដោយសារមានប្រជាជនហុងកុងរាប់ពាន់នាក់ធ្វើការតវានៅតាមដងផ្លូវកាលពីឆ្នាំ២០១៤។ ការតវានេះបានធ្វើឲ្យក្រុមហ៊ុនពាណិជ្ជកម្មធំៗមួយចំនួនក្នុងសង្កាត់នៅទីក្រុងហុងកុងត្រូវបានជាប់គាំង ដោយសារមានការជ្រៀតជ្រែកខាងនយោបាយពីសំណាក់ក្រុងប៉េកាំង៕
Tag:
បាល់ទាត់
Guangzhou Evergrande
ហុងកុង
AFC
© រក្សាសិទ្ធិដោយ thmeythmey.com
