ជាតិ
កម្ពុជា ស្នើឲ្យចិនជួយបង្កើនការទិញអង្ករពីកម្ពុជាឲ្យបាន៣០ម៉ឺនតោន នៅឆ្នាំ២០១៨
× ភ្នំពេញ៖ លោកឧបនាយករដ្ឋមន្ត្រី ហោ ណាំហុង បានស្នើឲ្យភាគីចិនជួយបង្កើនការទិញអង្ករពីកម្ពុជាឲ្យបាន៣០ម៉ឺនតោន នៅក្នុងឆ្នាំ២០១៨ខាងមុខនេះ។ ការស្នើរបស់លោក ហោ ណាំហុង នេះក្នុងជំនួបពិភាក្សាជាមួយលោក យ៉ាង ជាឈី(YANG Jiechi) ទីប្រឹក្សារដ្ឋ នៃសាធារណរដ្ឋប្រជាមានិតចិន នៅថ្ងៃទី២៧ មេសា។
រដ្ឋាភិបាលចិន បានព្រមព្រៀងបង្កើនកូតាទិញអង្ករពីកម្ពុជាចំនួន ២០ម៉ឺនតោនក្នុងមួយឆ្នាំ។ ក្នុងរយៈពេលបីខែដើមឆ្នាំនេះ ចិនទិញអង្ករចំនួន ៦,៧ម៉ឺនតោនស្មើនឹង ៤០ភាគរយនៃចំនួនសរុប ខណៈដែលសហភាពអឺរ៉ុបទិញអង្ករពីកម្ពុជាចំនួន ៨,៤ម៉ឺនតោន ស្មើពាក់កណ្ដាលនៃបរិមាណនាំចេញសរុប ។ សហភាពអឺរ៉ុប និងប្រទេសចិនជាទីផ្សារធំបំផុតរបស់កម្ពុជា ។ នេះបើតាមរបាយការណ៍របស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករ៕
© រក្សាសិទ្ធិដោយ thmeythmey.com