កីឡាអន្តរជាតិ
អន្តរជាតិ
FIFA ដាក់ឲ្យដេញថ្លៃដើម្បីបានសិទ្ធិផ្សាយ World Cup លើយន្តហោះ និងនាវា
× សហព័ន្ធកីឡាបាល់ទាត់អន្តរជាតិ FIFA បានបើកឲ្យដេញថ្លៃដើម្បីទទួលបានសិទ្ធិផ្សាយបន្តផ្ទាល់នៅលើយន្តហោះ និងកប៉ាល់ ពីការប្រកួតពានរង្វាន់ពិភពលោក FIFA World Cup នៅរុស្ស៊ីឆ្នាំក្រោយនេះ។
បើយោងតាម Channel News Asia ចុះផ្សាយកាលពីថ្ងៃទី២៦ ខែមេសាកន្លងទៅ FIFA បានបញ្ជាក់ថាអ្នកដំណើរតាមផ្លូវអាកាស និងតាមនាវានៅជុំវិញពិភពលោក អាចរីករាយជាមួយនឹងការទស្សនាការផ្សាយបន្តផ្ទាល់ពីការប្រកួតព្រឹត្តិការណ៍ World Cup នៅនឹងកន្លែងតែម្តង ហើយវាក៏ជាការផ្លាស់ប្តូរអារម្មណ៍មួយផ្លែកមិនធ្លាប់មានពីមុនមកផងដែរ។
លើសពីនេះទៅទៀតនោះ ការដាក់ឲ្យដេញថ្លៃដើម្បីទទួលបានសិទ្ធិផ្សាយតាមយន្តហោះ និងនាវានេះ FIFA ក៏បញ្ចូលទាំងការប្រកួតពាន Confederations Cup ឆ្នាំ ២០១៧ នៅរុស្ស៊ី និងការប្រកួតបាល់ទាត់ World Cup នារី ឆ្នាំ២០១៩នៅប្រទេសបារាំងផងដែរ៕
Tag:
បាល់ទាត់
FIFA
World Cup
© រក្សាសិទ្ធិដោយ thmeythmey.com