ពីនេះ ពីនោះ
កុំចេះតែបន្ទោសអ្នកកាសែត!
×
កំណាព្យបទ ពាក្យ៦
និពន្ធដោយ ប៉ាកកាខ្មៅ!
-ពេលសង្គ្រាមចេញរាយការណ៍
ស្រុកសុខាបន្តផ្សាយ
រកដៃគូពីជិតឆ្ងាយ
បោះទុនចាយចូលរកស៊ី។
-រឿងសេដ្ឋកិច្ចនិងសង្គម
គ្រប់ខេត្តឃុំទាំងធានី
នយោបាយផ្សាយគ្រប់ទី
ឲ្យភាគីលោកបានដឹង។
-នាំពាក្យរាស្ត្រដាស់មន្ត្រី
អស់កុងសីលោកកុំខឹង
ដឹងបញ្ហាគួរតែប្រឹង
កុំសម្លឹងគុំសម្លាប់។
-គ្រប់រឿងដែលយើងផ្សាយចេញ
ពិតចំណេញពួកយើងប្រាប់
បើដោះស្រាយដោយគោលច្បាប់
ដែលមានស្រាប់ក្នុងរដ្ឋា។
-កុំបន្ទោសអ្នកកាសែត
ព្រោះតែហេតុគ្នារាយការណ៍
រឿងពិតធ្វើព្រោះខេមរា
កេរ្តិ៍រដ្ឋាយើងវិញទេ។
© រក្សាសិទ្ធិដោយ thmeythmey.com