ពីនេះ ពីនោះ
ព័ត៍មានសុខភាព
ចង់បង្គ្រប់ជាតិទឹកក្នុងខ្លួនគួរជ្រើសរើសអាហារទាំងនេះ
× នៅពេលយើងនិយាយដល់ការបង្គ្រប់ជាតិទឹក គឺគ្មានអ្វីក្រៅពីទឹកឡើយដែលអាចធ្វើបាន។ យ៉ាងណាមិញ ការញ៉ាំទឹកតែមួយមុខអាចពេលខ្លះជារឿងគួរឲ្យធុញទ្រាន់ដែរ។ ហេតុដូច្នេះហើយទើបយើងងាក់មករដូវការញ៉ាំទឹកផ្លែឈើ តែ និងភេសជ្ជៈផ្សេងៗដើម្បីបំបាត់ភាពស្រេកទឹក។ យ៉ាងណាមិញ ភេសជ្ជៈមួយចំនួនដូចជា ភេសជ្ជៈមានជាតិហ្គាស និងទឹកផ្លែឈើកំប៉ុងគឺមានជាតិស្ករខ្ពស់ដែលវាមិនល្អចំពោះសុខភាពឡើយ។
យកល្អគួរតែជ្រើសរើសអាហារដូចខាងក្រោមនេះវិញព្រោះវាសម្បូរជាតិទឹកដែលរាងកាយត្រូវការ៖
ត្រសក់៖ មានជាតិតឹក ៩៩ភាគរយដែលអាចបំបាត់ការស្រេកទឹកបាន។ ក្រៅពីនេះវាមានជាតិសរសៃ និងវីតាមីន C ដែលល្អបំផុតសម្រាប់សុខភាព។
ផ្លែឪឡឹក៖ ផ្លែឈើនេះមានជាតិទឹករហូតដល់ ៩២ភាគរយ ហើយក៏ជាផ្លែឈើដ៏ពេញនិយមសម្រាប់រដូវក្តៅដែរ។ ផ្លែឪឡឹកក៏មានជាតិកាលស្យូម អំបិល ព្រមទាំងម៉ាញ៉េស្យូមដែលមានសារៈសំខាន់ជួយការពារកុំឲ្យខ្សោះជាតិទឹកបាន។
ស្ត្របឺរី៖ ផ្លែឈើដ៏ផ្អែមឆ្ងាញ់នេះមិនត្រឹមតែជាទីពេញនិយមទេ តែក៏អាចបង្គ្រប់ជាតិទឹកក្នុងខ្លួនបានដែរ។ ស្ត្របឺរីមានជាតិទឹករហូតដល់ ៩២ភាគរយ ជាមួយគ្នានឹងវីតាមីន C និងជាតិសរសៃដ៏ច្រើនទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com