ពីនេះ ពីនោះ
ព័ត៍មានសុខភាព
ប្រូខូលី មានលក្ខណៈសម្បត្តិពិសេសអាចប្រឆាំងការកើតជំងឺមហារីកបាន
× អ្នកប្រហែលជាធ្លាប់លឺច្រើនហើយអំពីគុណប្រយោជន៍នៃបន្លែពណ៌បៃតង។ ប៉ុន្តែឱកាសនោះគឺថា អ្នកនៅតែមិនបានបញ្ចូលវាទៅក្នុងរបបអាហារឲ្យបានច្រើននៅឡើយទេ។ មែនហើយ ដោយសារតែ បន្លែគឺជាអាហារដែលសម្បូរជីវជាតិ ហើយអាចជួយបង្ការជំងឺជាច្រើន និងថែរក្សាសុខភាពលល្អថែមទៀត។ យ៉ាងណាមិញ ប្រូខូលីគឺជាបន្លែពណ៌បៃតងមួយដែលត្រូវបានគេចាប់អារម្មណ៍យ៉ាងខ្លាំងក្នុងប្រទេសកម្ពុជាយើង។
ការសិក្សាភាគច្រើនបានផ្តោតសំខាន់ទៅលើអត្ថប្រយោជន៍ចំពោះសុខភាពនៃប្រូខូលី។ យ៉ាងណាមិញ មានការស្រាវជ្រាមួយចំនួនតូចនិយាយថា ស្នូលរបស់ប្រូខូលីក៏មានសារធាតុ Phenolic ខ្ពស់ ហើយក៏មានអង់ទីអុកស៊ីដង់ច្រើនសម្រាប់ប្រឆាំងនឹងសកម្មភាពរបស់មហារីកដែរ។
ប្រូខូលីគួរតែជាគ្រឿងផ្សំដ៏សំខាន់សម្រាប់របបអាហារប្រឆាំងនឹងមហារីក។ ពពួកបន្លែបែបនេះមានសារធាតុមួយឈ្មោះថា Sulforaphane ដែលមាននាទីប្រឆាំងនឹងមហារីកតែម្តង។ ទំនាក់ទំនងរវាងការញ៉ាំប្រូខូលី និងការប្រឈមជំងឺមហារីកត្រូវបានសិក្សាយ៉ាងទូលំទូលាយ។ ការស្រាវជ្រាមួយចំនួនក៏មិនអាចបង្ហាញលទ្ធផលវិជ្ជមានអំពីរឿងនេះដែរ។ ប៉ុន្តែមានការសិក្សាខ្លះនិយាយថា អ្នកដែលញ៉ាំប្រូខូលីច្រើនអាចកាត់បន្ថយការកើតជំងឺមហារីកក្រពេញប្រូស្តាតបាន។ វាក៏ត្រូវបានគេរកឃើញថា ស្ត្រីដែលញ៉ាំប្រូខូលីអាចបន្ថយការប្រឈមនឹងជំងឺមហារីកពោះវៀនធំ និងសួត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com