ពីនេះ ពីនោះ
ព័ត៍មានសុខភាព
ធ្មេញមិនសូវសស្អាត និងរឹងមាំ មកពីមិនញ៉ាំអាហារទាំងនេះ
× ស្នាមញញឹមដ៏មានសុខភាពល្អ និងស្រស់ស្អាតមិនអាចនឹងបាត់បង់ឡើយដរ៉ាបណាអ្នកប្រើអំបោះរូសនៅចន្លោះធ្មេញ ដុសសម្អាតធ្មេញ និងពិនិត្យសុខភាពធ្មេញជាទៀងទាត់។ យ៉ាងណាមិញ យកល្អគួរតែបញ្ចូលអាហារមួយចំនួនខាងក្រោមនេះទៅក្នុងរបបអាហាររបស់អ្នកផងដើម្បីជំរុញដល់ស្នាមញញឹមសរស្អាតតាមបែបធម្មជាតិកាន់តែមានប្រសិទ្ធភាព។
ផ្លែប៉ោម
ផ្លែប៉ោមសម្បូរទៅដោយសារធាតុ Malic Acid ដែលត្រូវបានគេប្រើប្រាស់នៅក្នុងថ្នាំដុសធ្មេញមួយចំនួន។ សារធាតុមួយនេះនឹងបង្កើនចំនួនទឹកមាត់សម្រាប់សម្អាតធ្មេញ និងជួយកំចាត់កំណកធ្មេញថែមទៀតផង។
ប្រូខូលី
បន្លែប្រភេទនេះមានជាតិសរសៃខ្ពស់ ហើយកាលណាញ៉ាំជាតិសរសៃច្រើននឹងជួយកាត់បន្ថយការរលាកក្នុងមាត់។ ការញ៉ាំប្រូខូលីឆៅប្រៀបបានដូចជាការប្រើរបស់មកខាត់ធ្មេញអញ្ចឹង។
ដំឡូងជ្វា
តើអ្នកមានដឹងទេថា ដំឡូងជ្វាមិនត្រឹមតែមានរសជាតិអស្ចារ្យទេ ប៉ុន្តែវាក៏ជួយការពារស្នាមញញឹមរបស់អ្នកកុំឲ្យបាត់បង់ដែឬ។ មែនហើយវាមិនខុសគ្នានឹងផ្លែប៉ោមទេ គឺដំឡូងជ្វាអាចផលិតជាសារធាតុអាលកាឡាំងក្នុងមាត់ ដែលជាអំណោយផលយ៉ាងល្អក្នុងការជួយឲ្យធ្មេញកាន់តែរឹងមាំ និងសស្អាត។
តៅហ៊ូ
អាហារប្រភេទនេះគឺជាប្រភេទប្រូតេអ៊ីនបែបអាលកាឡាំង ដែលអាចជំរុញដល់ការផ្គត់ផ្គង់ជាតិកាលស្យូមដល់ធ្មេញទៀត។ និយាយឲ្យខ្លី វាប្រៀបបានទៅនឹងបង្អែមសម្រាប់សុខភាពធ្មេញអញ្ចឹង។
ទឹក
ការញ៉ាំទឹករាល់ថ្ងៃនឹងជួយជំរុញដល់ការផលិតទឹកមាត់។ វាអាចជួយឲ្យធ្មេញកាន់តែសស្អាតផង និងកំចាត់កំណក កំទិចកំទីជាប់ធ្មេញក្រោយញ៉ាំអាហាររួចទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com