ពីនេះ ពីនោះ
ពាក្យសម្រាប់ហៅ«យាយ» មិនមែនជាពាក្យខ្មែរទេ, តើវាមានឫសគល់មកពីណា?
× សម្តេចព្រះសង្ឃរាជ ជួន ណាត ជោតញាណោ បានពន្យល់ថា ពាក្យថា យាយ ឬលោកយាយ មិនមែនជាភាសាខ្មែរទេ គឺជាភាសា ដែលកម្លាយមកពីភាសាសៀម ឬលាវ។
ព្រះអង្គពន្យល់ថា ភាសាខ្មែរយើងពីដើម មានតែពាក្យថា ដូន និងតា តែប្រសិនបើ ដូននោះធ្លាប់ទៅបួសជាដូនជីនៅវត្ត គេអាចហៅថា ជីដូន ឬដូនជី។ ពាក្យថា ជី គឺគេនិយាយសំដៅលើមនុស្ស ធ្លាប់បួសរៀននៅវត្ត ជាសមណេរ ប៉ុន្តែបច្ចុប្បន្ន ដើម្បីលើកទឹកចិត្ត ឬទំយើ អ្នកណាម្នាក់ គេនិយាយថា ជីដែរ។
ឧទាហរណ៍ គេហៅថា ជីអុន ជីអាត ជីសាត ជាដើម។ ចំណែកពាក្យថា យាយ មកពីភាសាថៃ ដែលនិយាយថាយ៉ាយ និងភាសាលាវ ហៅថា ពញ៉ាយ។ តែការហៅក្លាយយូរៗទៅ ក៏ក្លាយទៅជាយាយ។
© រក្សាសិទ្ធិដោយ thmeythmey.com