ពីនេះ ពីនោះ
មើលឲ្យទូលាយ និយាយរឿងពិត រូបថត៖ ហ្វេសប៊ុកលោក Sovichea Ch
× កំណាព្យបទ ពាក្យ៨
និពន្ធដោយប៉ាកកាខ្មៅ!
-មើលឲ្យទូលាយនិយាយរឿងពិត មិនមែនប្រឌិតគិតបានប្រយោជន៍
នឹកកាលពីមុនយើងធ្លាប់ផ្សាខ្លោច វិនាសហិនហោចព្រោះតែសង្គ្រាម។
-ពិភពគេល្បីតែរឿងសម្លាប់ ប្រជាក្រយ៉ាប់កាប់បង្ហូរឈាម
ប្រទេសតូចធំមិនចង់ទាក់ទាម ខ្លាចឆ្លងសង្គ្រាមហោចដូចយើងដែរ។
-ដំណើរជិតឆ្ងាយគេណាយមិនចង់ ម៉ូតូឡានកង់ដើរក៏ត្អូញត្អែរ
ពេលនេះមានផ្លូវទឹកភ្លើងហូរហែ ពីក្រុងដល់ស្រែខ្មែរប្រែមុខមាត់។
-បរទេសចាប់ចូលចំណូលយើងកើន រកស៊ីចម្រើនកើនមិនសូវភ្លាត់
ព្រោះសន្តិភាពនិងអភិវឌ្ឍន៍ ទាំងរាស្ត្រនិងរដ្ឋរស់នៅសាន្តត្រាណ។
-ដើរទាន់សកលឈានដល់យុគថ្មី Digital ល្បីខ្មែរចេះចាប់បាន
មានអ្នកជំនាញជាញចេះចំណាន ចែកផលគ្រប់ប្រាណទៅតាមលំដាប់។
-ជំនួញOnline បណ្តាញទីផ្សារ ទោះនៅទីណាទូទាត់លែងយ៉ាប់
ប្រព័ន្ធBanking វិញក៏ចំណាប់ រកស៊ីតាមច្បាប់ទីផ្សារសេរី។
-រឿងអភិវឌ្ឍន៍នៅមានច្រើនទៀត តែស្មេរខ្ញុំឆ្លៀតសង្ខេបដោយខ្លី
មិនមែនរំលឹកដើម្បីយកល្បី លើសលស់សេចក្តីខន្តីដល់ស្មេរ៕
© រក្សាសិទ្ធិដោយ thmeythmey.com