អន្តរជាតិ
ពីឆ្វេងទៅស្តាំ Nicolas Hulot, Jean-Yves Le Drian, Sylvie Goulard, François Bayrou និង Gerard Collomb។ រូបថត Getty និង The Guardian
×![]()
សមាជិកគណៈរដ្ឋមន្ត្រីលោក អេម៉ានុយអែល ម៉ាក្រុង មានចំនួន ២២ រូប ហាក់រួមតូចជាងក្បាលម៉ាស៊ីនដឹកនាំរបស់លោក ហ្វ្រង់ស្វ័រ ហូឡង់ បន្តិច។ តាមការសន្យាបង្កើតឲ្យមានសមភាពភេទក្នុងក្បាលម៉ាស៊ីនដឹកនាំ លោក ម៉ាក្រុង បានសម្រេចតែងតាំងស្ត្រី ១១រូប និងបុរស ១១ រូបឲ្យកាន់កាប់តំណែងសមាជិកគណៈរដ្ឋមន្ត្រីទាំង ២២នោះដែរ។ តាមបញ្ជីឈ្មោះសមាជិកគណៈរដ្ឋមន្ត្រីថ្មី ក្រៅពីមានសមភាពភេទរវាងបុរសនិងនារី វាក៏មានភាពចម្រុះផ្នែកនយោបាយដែរ។ វាជាយុទ្ធសាស្ត្រសំខាន់សម្រាប់ដណ្តើមយកអាសនៈឲ្យបានច្រើនក្នុងការបោះឆ្នោតខែមិថុនាខាងមុខ។
ដូចដឹងស្រាប់ហើយ តំណែងនាយករដ្ឋមន្ត្រីបារាំងថ្មី គឺត្រូវផ្តល់ឲ្យលោក អេឌូអាត ហ្វីលីព (Édouard Philippe) មានវ័យ ៤៦ ឆ្នាំដែលជាអ្នកនយោបាយកណ្តាលលម្អៀងស្តាំសមាជិកបក្សសាធារណរដ្ឋ និងជាអភិបាលក្រុង Havre ជានាយករដ្ឋមន្ត្រីថ្មីរបស់បារាំង។វាជាលើកដំបូងក្នុងប្រវត្តិសាស្ត្រនយោបាយទំនើបរបស់បារាំង ដែលប្រធានាធិបតីតែងតាំងនាយករដ្ឋមន្ត្រីមកពីបក្សផ្សេង។ ប៉ុន្តែលោក ម៉ាក្រុង មានយុទ្ធសាស្ត្រទាក់ទាញរកសំឡេងគាំទ្រឲ្យបានច្រើនជាពិសេសក្រុមគាំទ្រគណបក្សសាធារណរដ្ឋផង។
តំណែងរដ្ឋមន្ត្រីមហាផ្ទៃ ដែលជាតំណែងជាន់ខ្ពស់បំផុតមួយនោះនឹងត្រូវផ្តល់លោក Gerard Collomb ដែលមានវ័យ ៦៩ ឆ្នាំ និងជាអភិបាលក្រុងលីយ៉ុង ហើយមកពីបក្សសង្គមនិយមផង។រដ្ឋមន្ត្រីមហាផ្ទៃនេះមានតួនាទីសំខាន់ណាស់ក្នុងការរក្សាសន្តិសុខផ្ទៃក្នុងជារួម និងទទួលខុសត្រូវមើលថែទាំសុវត្ថិភាពប្រជាពលរដ្ឋ ក្នុងបរិបទដែលមានការកើនឡើងការគំរាមហែងបង្កឡើងដោយក្រោយជ្រុលនិយមនោះ។
គេគួរកត់សម្គាល់ថា សមាជិកគណៈរដ្ឋមន្ត្រីរដ្ឋបាលចាស់របស់លោក ហ្វ្រង់ស្វ័រ ហូឡង់ ពីរនាក់នឹងចូលបំពេញការងារក្នុងរដ្ឋបាលបារាំងថ្មីទៀត។ ក្នុងនោះមានលោក Jean-Yves Le Drian អតីតរដ្ឋមន្ត្រីការពារជាតិត្រូវបានតែងតាំងជារដ្ឋមន្ត្រីទទួលបន្ទុកកិច្ចការអឺរ៉ុបនិងកិច្ចការបរទេស។ ស្ថិតក្នុងវ័យចំណាស់ ៦៩ ឆ្នាំ និងជាសមាជិកបក្សសង្គមនិយមដូចលោក Collomb នោះ លោក Le Drian មានបទពិសោធន៍ខ្ពស់ និងមានប្រជាប្រិយភាពខ្លាំងដែរ ក្នុងពេលបំពេញការងារជារដ្ឋមន្ត្រីការពារជាតិក្នុងរដ្ឋបាលមុននោះ។
ម្នាក់ទៀតគឺលោកស្រី Annick Girardin ដែលជាអតីតតំណាងប្រធានាធិបតី ហូឡង់ នៅអង្គការអន្តរជាតិនៃប្រទេសនិយាយភាសាបារាំង ត្រូវបានលោក ម៉ាក្រុង តែងតាំងជារដ្ឋមន្ត្រីទទួលបន្ទុកទឹកដីបារាំងនៅនាយសមុទ្រ។
អ្វីដែលគួរឲ្យកត់សម្គាល់ លោក ម៉ាក្រុង សម្រេចតែងតាំងលោកស្រី Sylvie Goulard មានវ័យ ៥៩ ឆ្នាំ ជារដ្ឋមន្ត្រីក្រសួងការពារជាតិថ្មី។ មុនចូលជាមួយចលនានយោបាយលោក ម៉ាក្រុង « En Marche» ឆ្នាំ ២០១៧ លោកស្រីជាសមាជិកគណបក្សចលនាប្រជាធិបតេយ្យ។
លោកស្រី Goulard បច្ចុប្បន្នជាសមាជិកសភាអឺរ៉ុប ហើយលោកស្រីមាននិន្នាការគាំទ្រអ្នកនយោបាយកណ្តាលនិយមគាំទ្រអឺរ៉ុបដូចជាលោក ម៉ាក្រុង ខ្លាំងដែរ។ ក្នុងតំណែងជាប្រមុខការពារជាតិ លោកស្រី Goulard នឹងបន្តជំរុញឲ្យមានការបង្កើតប្រតិបត្តិការយោធារួមរបស់អឺរ៉ុបនៅពេលអនាគតផងដែរ។
រីឯ អ្នកយោបាយអភិរក្សសមាជិកគណបក្សសាធារណរដ្ឋលោក Bruno Le Maire ត្រូវបានតែងតាំងជារដ្ឋមន្ត្រីក្រសួងសេដ្ឋកិច្ចរបស់បារាំង។ ស្ថិតក្នុងវ័យ ៤៨ ឆ្នាំ លោក Le Maire ធ្លាប់បំពេញការងារជារដ្ឋមន្ត្រីក្រសួងកសិកម្មពីឆ្នាំ ២០០៩ ដល់ឆ្នាំ ២០១២។ ការតែងតាំងអ្នកនយោបាយជើងចាស់មកពីបក្សសាធារណរដ្ឋនេះនឹងរួមចំណែកសំខាន់ក្នុងការប្រជែងរកសំឡេងគាំទ្រក្នុងការបោះឆ្នោតសភាខែក្រោយរបស់លោក ម៉ាក្រុង ដែរ។
តំណែងមួយចំនួនត្រូវបានផ្តល់ទៅឲ្យបណ្តារដ្ឋមន្ត្រីដែលមានប្រភពចេញពីអ្នកបំពេញការងារក្នុងវិស័យសង្គមស៊ីវិល។ ដូចឃើញស្រាប់លោក Nicolas Hulot ដែលជាសកម្មជនបរិស្ថានបារាំង ត្រូវបានលោក ម៉ាក្រុង តែងតាំងជារដ្ឋមន្ត្រីក្រសួងបរិស្ថាន។
តំណែងរដ្ឋមន្ត្រីក្រសួងយុត្តិធម៌ ត្រូវផ្តល់ទៅឲ្យលោក François Bayrou។ លោកមានវ័យ ៦៦ឆ្នាំ ហើយលោកជាប្រធានបក្សចលនាប្រជាធិបតេយ្យ។ លោកក៏បានឈរឈ្មោះក្នុងការប្រជែងយកតំណែងប្រធានាធិបតីបារាំងដែរក្នុងឆ្នាំ ២០១៧ តែលោកសម្រេចដកខ្លួនហើយមកគាំទ្រលោក ម៉ាក្រុង វិញម្តង។
ចំណែកសមាជិកគណៈរដ្ឋមន្ត្រីផ្សេងទៀតមានឈ្មោះដូចខាងក្រោមនេះ៖
-អគ្គលេខាធិការបក្ស La République En March លោក Richard Ferrand ទទួលបានតំណែងជារដ្ឋមន្ត្រីទទួលបន្ទុកលំនៅដ្ឋាននិងសមភាពដែនដី។
- លោកស្រី Agnès Buzyn ជាសាស្ត្រាចារ្យផ្នែកឱសថសាស្ត្រ នឹងកាន់កាប់តំណែងរដ្ឋមន្ត្រីក្រសួងសុខភិបាល។
- លោកស្រី Françoise Nyssen ជាបណ្ណាធិការ នឹងត្រូវកាន់កាប់តំណែងរដ្ឋមន្ត្រីក្រសួងវប្បធម៌។
- លោក Jean-Michel Blanquer ត្រូវបានតែងតាំងជារដ្ឋមន្ត្រីក្រសួងអប់រំថ្មីរបស់បារាំង។
-លោកស្រី Murielle Penicaud នឹងត្រូវកាន់កាប់តំណែងរដ្ឋមន្ត្រីក្រសួងការងារ។
-លោក Jacques Mézard ជាអ្នកច្បាប់និងជាអ្នកនយោបាយបារាំងផងនោះត្រូវបានតែងតាំងជារដ្ឋមន្ត្រីក្រសួងកសិកម្មថ្មី។
-លោក Gérald Darmanin ត្រូវបានតែងតាំងជារដ្ឋមន្ត្រីទទួលបន្ទុកថវិកាសាធារណៈ។
-លោកស្រី Frédérique Vidal នឹងក្លាយជារដ្ឋមន្ត្រីអប់រំជាន់ខ្ពស់របស់បារាំង។
- លោកស្រី Laura Flessel ម្ចាស់មេដាយអូឡាំពិកចំនួនប្រាំ និងមេដាយកម្រិតពិភពលោកជាច្រើនផ្សេងទៀតនោះត្រូវបានតែងតាំងជារដ្ឋមន្ត្រីកីឡា។
- លោកស្រី Elisabeth Borne បានទទួលតំណែងជា រដ្ឋលេខាធិការដឹកជញ្ជូនដែលស្ថិតនៅក្រោមក្រសួងបរិស្ថាន។
- លោកស្រី Marielle de Sarnez ដែលជាសមាជិកសភាអឺរ៉ុបនឹងក្លាយជារដ្ឋមន្ត្រីទទួលបន្ទុកកិច្ចការអឺរ៉ុប។
- លោក Christophe Castaner ជាសមាជិកសភាគណបក្សសង្គមនិយម នឹងក្លាយជាអ្នកនាំពាក្យនិងរដ្ឋលេខាធិការទទួលបន្ទុកកិច្ចការងារសភា។
-លោកស្រី Marlene Schiappa នឹងក្លាយជារដ្ឋលេខាធិការទទួលបន្ទុកកិច្ចការសមភាពភេទ។
-លោកស្រី Sophie Cluzel នឹងក្លាយជារដ្ឋលេខាធិការទទួលបន្ទុកកិច្ចការងារជនពិការ។
-លោក Mounir Mahjoubi ជាសមាជិកបក្ស La République en march និងជាសហគ្រិនផងនោះនឹងក្លាយជារដ្ឋលេខាធិការទទួលបន្ទុកកិច្ចការ ឌីជីថល ( Digital Affairs) ៕
ដូចដឹងស្រាប់ហើយ តំណែងនាយករដ្ឋមន្ត្រីបារាំងថ្មី គឺត្រូវផ្តល់ឲ្យលោក អេឌូអាត ហ្វីលីព (Édouard Philippe) មានវ័យ ៤៦ ឆ្នាំដែលជាអ្នកនយោបាយកណ្តាលលម្អៀងស្តាំសមាជិកបក្សសាធារណរដ្ឋ និងជាអភិបាលក្រុង Havre ជានាយករដ្ឋមន្ត្រីថ្មីរបស់បារាំង។វាជាលើកដំបូងក្នុងប្រវត្តិសាស្ត្រនយោបាយទំនើបរបស់បារាំង ដែលប្រធានាធិបតីតែងតាំងនាយករដ្ឋមន្ត្រីមកពីបក្សផ្សេង។ ប៉ុន្តែលោក ម៉ាក្រុង មានយុទ្ធសាស្ត្រទាក់ទាញរកសំឡេងគាំទ្រឲ្យបានច្រើនជាពិសេសក្រុមគាំទ្រគណបក្សសាធារណរដ្ឋផង។
តំណែងរដ្ឋមន្ត្រីមហាផ្ទៃ ដែលជាតំណែងជាន់ខ្ពស់បំផុតមួយនោះនឹងត្រូវផ្តល់លោក Gerard Collomb ដែលមានវ័យ ៦៩ ឆ្នាំ និងជាអភិបាលក្រុងលីយ៉ុង ហើយមកពីបក្សសង្គមនិយមផង។រដ្ឋមន្ត្រីមហាផ្ទៃនេះមានតួនាទីសំខាន់ណាស់ក្នុងការរក្សាសន្តិសុខផ្ទៃក្នុងជារួម និងទទួលខុសត្រូវមើលថែទាំសុវត្ថិភាពប្រជាពលរដ្ឋ ក្នុងបរិបទដែលមានការកើនឡើងការគំរាមហែងបង្កឡើងដោយក្រោយជ្រុលនិយមនោះ។
គេគួរកត់សម្គាល់ថា សមាជិកគណៈរដ្ឋមន្ត្រីរដ្ឋបាលចាស់របស់លោក ហ្វ្រង់ស្វ័រ ហូឡង់ ពីរនាក់នឹងចូលបំពេញការងារក្នុងរដ្ឋបាលបារាំងថ្មីទៀត។ ក្នុងនោះមានលោក Jean-Yves Le Drian អតីតរដ្ឋមន្ត្រីការពារជាតិត្រូវបានតែងតាំងជារដ្ឋមន្ត្រីទទួលបន្ទុកកិច្ចការអឺរ៉ុបនិងកិច្ចការបរទេស។ ស្ថិតក្នុងវ័យចំណាស់ ៦៩ ឆ្នាំ និងជាសមាជិកបក្សសង្គមនិយមដូចលោក Collomb នោះ លោក Le Drian មានបទពិសោធន៍ខ្ពស់ និងមានប្រជាប្រិយភាពខ្លាំងដែរ ក្នុងពេលបំពេញការងារជារដ្ឋមន្ត្រីការពារជាតិក្នុងរដ្ឋបាលមុននោះ។
ម្នាក់ទៀតគឺលោកស្រី Annick Girardin ដែលជាអតីតតំណាងប្រធានាធិបតី ហូឡង់ នៅអង្គការអន្តរជាតិនៃប្រទេសនិយាយភាសាបារាំង ត្រូវបានលោក ម៉ាក្រុង តែងតាំងជារដ្ឋមន្ត្រីទទួលបន្ទុកទឹកដីបារាំងនៅនាយសមុទ្រ។
អ្វីដែលគួរឲ្យកត់សម្គាល់ លោក ម៉ាក្រុង សម្រេចតែងតាំងលោកស្រី Sylvie Goulard មានវ័យ ៥៩ ឆ្នាំ ជារដ្ឋមន្ត្រីក្រសួងការពារជាតិថ្មី។ មុនចូលជាមួយចលនានយោបាយលោក ម៉ាក្រុង « En Marche» ឆ្នាំ ២០១៧ លោកស្រីជាសមាជិកគណបក្សចលនាប្រជាធិបតេយ្យ។
លោកស្រី Goulard បច្ចុប្បន្នជាសមាជិកសភាអឺរ៉ុប ហើយលោកស្រីមាននិន្នាការគាំទ្រអ្នកនយោបាយកណ្តាលនិយមគាំទ្រអឺរ៉ុបដូចជាលោក ម៉ាក្រុង ខ្លាំងដែរ។ ក្នុងតំណែងជាប្រមុខការពារជាតិ លោកស្រី Goulard នឹងបន្តជំរុញឲ្យមានការបង្កើតប្រតិបត្តិការយោធារួមរបស់អឺរ៉ុបនៅពេលអនាគតផងដែរ។
រីឯ អ្នកយោបាយអភិរក្សសមាជិកគណបក្សសាធារណរដ្ឋលោក Bruno Le Maire ត្រូវបានតែងតាំងជារដ្ឋមន្ត្រីក្រសួងសេដ្ឋកិច្ចរបស់បារាំង។ ស្ថិតក្នុងវ័យ ៤៨ ឆ្នាំ លោក Le Maire ធ្លាប់បំពេញការងារជារដ្ឋមន្ត្រីក្រសួងកសិកម្មពីឆ្នាំ ២០០៩ ដល់ឆ្នាំ ២០១២។ ការតែងតាំងអ្នកនយោបាយជើងចាស់មកពីបក្សសាធារណរដ្ឋនេះនឹងរួមចំណែកសំខាន់ក្នុងការប្រជែងរកសំឡេងគាំទ្រក្នុងការបោះឆ្នោតសភាខែក្រោយរបស់លោក ម៉ាក្រុង ដែរ។
តំណែងមួយចំនួនត្រូវបានផ្តល់ទៅឲ្យបណ្តារដ្ឋមន្ត្រីដែលមានប្រភពចេញពីអ្នកបំពេញការងារក្នុងវិស័យសង្គមស៊ីវិល។ ដូចឃើញស្រាប់លោក Nicolas Hulot ដែលជាសកម្មជនបរិស្ថានបារាំង ត្រូវបានលោក ម៉ាក្រុង តែងតាំងជារដ្ឋមន្ត្រីក្រសួងបរិស្ថាន។
តំណែងរដ្ឋមន្ត្រីក្រសួងយុត្តិធម៌ ត្រូវផ្តល់ទៅឲ្យលោក François Bayrou។ លោកមានវ័យ ៦៦ឆ្នាំ ហើយលោកជាប្រធានបក្សចលនាប្រជាធិបតេយ្យ។ លោកក៏បានឈរឈ្មោះក្នុងការប្រជែងយកតំណែងប្រធានាធិបតីបារាំងដែរក្នុងឆ្នាំ ២០១៧ តែលោកសម្រេចដកខ្លួនហើយមកគាំទ្រលោក ម៉ាក្រុង វិញម្តង។
ចំណែកសមាជិកគណៈរដ្ឋមន្ត្រីផ្សេងទៀតមានឈ្មោះដូចខាងក្រោមនេះ៖
-អគ្គលេខាធិការបក្ស La République En March លោក Richard Ferrand ទទួលបានតំណែងជារដ្ឋមន្ត្រីទទួលបន្ទុកលំនៅដ្ឋាននិងសមភាពដែនដី។
- លោកស្រី Agnès Buzyn ជាសាស្ត្រាចារ្យផ្នែកឱសថសាស្ត្រ នឹងកាន់កាប់តំណែងរដ្ឋមន្ត្រីក្រសួងសុខភិបាល។
- លោកស្រី Françoise Nyssen ជាបណ្ណាធិការ នឹងត្រូវកាន់កាប់តំណែងរដ្ឋមន្ត្រីក្រសួងវប្បធម៌។
- លោក Jean-Michel Blanquer ត្រូវបានតែងតាំងជារដ្ឋមន្ត្រីក្រសួងអប់រំថ្មីរបស់បារាំង។
-លោកស្រី Murielle Penicaud នឹងត្រូវកាន់កាប់តំណែងរដ្ឋមន្ត្រីក្រសួងការងារ។
-លោក Jacques Mézard ជាអ្នកច្បាប់និងជាអ្នកនយោបាយបារាំងផងនោះត្រូវបានតែងតាំងជារដ្ឋមន្ត្រីក្រសួងកសិកម្មថ្មី។
-លោក Gérald Darmanin ត្រូវបានតែងតាំងជារដ្ឋមន្ត្រីទទួលបន្ទុកថវិកាសាធារណៈ។
-លោកស្រី Frédérique Vidal នឹងក្លាយជារដ្ឋមន្ត្រីអប់រំជាន់ខ្ពស់របស់បារាំង។
- លោកស្រី Laura Flessel ម្ចាស់មេដាយអូឡាំពិកចំនួនប្រាំ និងមេដាយកម្រិតពិភពលោកជាច្រើនផ្សេងទៀតនោះត្រូវបានតែងតាំងជារដ្ឋមន្ត្រីកីឡា។
- លោកស្រី Elisabeth Borne បានទទួលតំណែងជា រដ្ឋលេខាធិការដឹកជញ្ជូនដែលស្ថិតនៅក្រោមក្រសួងបរិស្ថាន។
- លោកស្រី Marielle de Sarnez ដែលជាសមាជិកសភាអឺរ៉ុបនឹងក្លាយជារដ្ឋមន្ត្រីទទួលបន្ទុកកិច្ចការអឺរ៉ុប។
- លោក Christophe Castaner ជាសមាជិកសភាគណបក្សសង្គមនិយម នឹងក្លាយជាអ្នកនាំពាក្យនិងរដ្ឋលេខាធិការទទួលបន្ទុកកិច្ចការងារសភា។
-លោកស្រី Marlene Schiappa នឹងក្លាយជារដ្ឋលេខាធិការទទួលបន្ទុកកិច្ចការសមភាពភេទ។
-លោកស្រី Sophie Cluzel នឹងក្លាយជារដ្ឋលេខាធិការទទួលបន្ទុកកិច្ចការងារជនពិការ។
-លោក Mounir Mahjoubi ជាសមាជិកបក្ស La République en march និងជាសហគ្រិនផងនោះនឹងក្លាយជារដ្ឋលេខាធិការទទួលបន្ទុកកិច្ចការ ឌីជីថល ( Digital Affairs) ៕
Tag:
អេម៉ានុយអែល ម៉ាក្រុង
អេឌូអាត ហ្វីលីព
បារាំង
© រក្សាសិទ្ធិដោយ thmeythmey.com
