ជាតិ
ពីនេះ ពីនោះ
អ្វីទៅជា «ទីផ្សារកាបូន» និង «ទីផ្សារកាបូនស្ម័គ្រចិត្ត»?
× ភ្នំពេញ៖ ពាក្យ « ទីផ្សារកាបូន» និង «ទីផ្សារកាបូនស្ម័គ្រចិត្ត» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «ទីផ្សារកាបូន» Carbon market ជាប្រព័ន្ធពាណិជ្ជកម្មមួយ ដែលក្នុងនោះប្រទេសនានាអាចទិញ ឬ លក់បរិមាណនៃការបញ្ចេញឧស្ម័នផ្ទះកញ្ចក់នៅក្នុងកិច្ចប្រឹងប្រែងមួយ ដើម្បីឆ្លើយតបទៅនឹង ការកំណត់ថ្នាក់ជាតិ ស្ដីពីការបញ្ចេញឧស្ម័ននៅក្រោម ពិធីសារក្យូតូ ឬនៅក្រោមកិច្ចព្រមព្រៀងដទៃទៀត ដូចជាកិច្ចព្រមព្រៀងបណ្ដារដ្ឋជាសមាជិកសហភាពអឺរ៉ុប។
ពាក្យនេះត្រូវបានប្រើប្រាស់ដោយសារតែ ឧស្ម័នកាបូនិក គឺជាប្រភេទឧស្ម័នមានច្រើនជាងគេ ក្នុងចំណោម ឧស្ម័នផ្ទះកញ្ចក់ ហើយឧស្ម័នដទៃទៀត ត្រូវបានវាស់ជាឯកតា សមមូលឧស្ម័នកាបូនិក។
ចំណែកពាក្យ «ទីផ្សារកាបូនស្ម័គ្រចិត្ត» Voluntary market ជាទីផ្សារកាបូន ដែលនៅក្រៅក្របខណ្ឌទីផ្សារកាបូនជាប់កាតព្វកិច្ច ហើយមិនពាក់ព័ន្ធ នឹងកិច្ចព្រមព្រៀងអន្តរជាតិ។ ទីផ្សារទាំងនេះ ត្រូវបានជំរុញដោយការប្តេជ្ញាស្ម័គ្រចិត្តពីស្ថាប័នផ្សេងៗ (ក្រុមហ៊ុនថាមពល ក្រុមហ៊ុនអាកាសចរណ៍) និងបុគ្គលពាក់ព័ន្ធ។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)។
© រក្សាសិទ្ធិដោយ thmeythmey.com