អន្តរជាតិ
ចិននិងអឺរ៉ុប ប្តេជ្ញាបន្តគាំទ្រកិច្ចព្រមព្រៀងប្រែប្រួលអាកាសធាតុ ទោះអាមេរិកដើរចេញ
រូបភាព៖ មេដឹកនាំពិភពលោកចូលរួមកិច្ចប្រជុំ Cop 21 ដែលសម្រេចបាននូវកិច្ចព្រមព្រៀងប្រែប្រួលអាកាសធាតុនៅក្រុងប៉ារីស ឆ្នាំ ២០១៥
×![]()
ដោយ: ថ្មីៗ
ចិន និងសហភាពអឺរ៉ុបប្តេជ្ញាចិនជាថ្មីដោយបន្តសហការគ្នាជួយគាំទ្រកិច្ចព្រមព្រៀងស្តីពីការប្រែប្រួលអាកាសធាតុក្រុងប៉ារីសឆ្នាំ ២០១៥ ទោះបីជាសហរដ្ឋអាមេរិកលែងចូលរួមនៅពេលខាងមុខក៏ដោយ។ មហាយក្សចិនកំពុងបង្ហាញពីតួនាទីជាមហាអំណាចពិភពលោកមួយក្នុងការដឹកនាំនិងចូលរួមបំពេញកាតព្វចូលរួមដោះស្រាយបញ្ហាប្រែប្រួលអាកាសធាតុដែរ។
សហភាពអឺរ៉ុប និងចិន នឹងរួមសហការគ្នាដឹកនាំជំរុញការអនុវត្តកិច្ចព្រមព្រៀងស្តីពីការអាកាសអាកាសធាតុក្រុងប៉ារីសឆ្នាំ ២០១៥ ដើម្បីឆ្លើយតបគោលបំណងឈប់គាំទ្រកិច្ចព្រមព្រៀងដែលមានអនុភាពគតិយុត្តិរបស់រដ្ឋបាលលោក ដូណាល់ ត្រាំ នោះ។ មហាយក្សចិនព្យាយាមបង្កើនតួនាទីកាន់តែធំជួយដោះស្រាយបញ្ហាប្រឈមពិភពលោកក្នុងនាមជាមហាអំណាចពិភពលោកដែលមានទំនួលខុសត្រូវខ្ពស់ផងដែរ។
មកដល់ពេលបច្ចុប្បន្ននេះ លោក ដូណាល់ ត្រាំ មិនទាន់ប្រកាសជាផ្លូវការពីគោលជំហររបស់រដ្ឋបាលអាមេរិកថាតើបន្តគាំទ្រឬឈប់គាំទ្រកិច្ចព្រមព្រៀងដែលជាដំណោះស្រាយឆ្លើយតបការប្រែប្រួលអាកាសធាតុសកលនេះឬយ៉ាងណាឡើយ។ លោកបានសរសេរបង្ហោះតាមគណនីTwitter ផ្លូវការរបស់ខ្លួនថា លោកប្រកាសពីជំហរពិតប្រាកដរបស់អាមេរិកនៅថ្ងៃព្រហស្បតិ៍ ទី ១ ខែមិថុនា វេលាម៉ោង ៣រសៀល។
ប៉ុន្តែគ្រប់គ្នាបារម្ភថា ដូណាល់ ត្រាំ នឹងប្រកាសដកខ្លួនឈប់គាំទ្រកិច្ចព្រមព្រៀងអាកាសធាតុក្រុងប៉ារីសដូចរបាយការណ៍ចុះផ្សាយកន្លងមកមកនេះ។ តាំងពីយូរមកហើយ លោក ដូណាល់ ត្រាំ មិនដែរជឿថា ការប្រែប្រួលអាកាសធាតុជារឿងពិតទេ។ លោកថែមទាំងបង្ហើបថា ការប្រែប្រួលអាកាសធាតុជារឿងបោកប្រាស់ដែលបង្កើតឡើងដោយចិនតែប៉ុណ្ណោះ។
ស្របពេលដែលការបារម្ភកើនឡើងកាន់តែខ្លាំង មហាយក្សចិន និងសហភាពអឺរ៉ុបប្រញាប់ប្រញាប់បង្កើតសម្ព័ន្ធភាពទ្វេភាគីដើម្បីដឹកនាំការអនុវត្តកិច្ចព្រមព្រៀងប្រែប្រួលអាកាសធាតុ និងប្រកាសឲ្យពិភពលោកបានដឹងថា ពួកគេមិនបោះបង់ការប្តេជ្ញាចិត្តដោះស្រាយបាតុភូតប្រែប្រួលអាកាសធាតុឡើយ ទោះក្នុងកាលៈទេសៈណាក៏ដោយ។
យោងតាម សេចក្តីថ្លែងការណ៍រួមដែលរៀបចំឡើងមុនកិច្ចប្រជុំកំពូល ចិន សហភាពអឺរ៉ុបនៅក្រុងព្រុចសែលដែលចាប់ផ្តើមនៅថ្ងៃព្រហស្បតិ៍ ដល់ថ្ងៃសុក្រនោះ បានចាត់ទុកការប្រែប្រួលអាកាសធាតុជា «គ្រោះថ្នាក់នៃសន្តិសុខជាតិដែលបង្កផលប៉ះពាល់ដល់សង្គមនិងនយោបាយ»។
ក្រុងប៉េកាំង និងព្រុចសែល ក៏កត់សម្គាល់ថា កិច្ចព្រមព្រៀងក្រុងប៉ារីសជាដំណោះស្រាយដ៏សំខាន់មិនអាចខ្វះបាននិងជាសមិទ្ធផលប្រវត្តិសាស្ត្រពិភពលោក។
សេចក្តីថ្លែងការណ៍ដដែលនោះក៏កំណត់ថា សម្ព័ន្ធភាពថ្មីរវាងអឺរ៉ុបនិងមហាយក្សចិននេះនឹងរួមចំណែកដឹកនាំផ្លាស់ប្តូរប្រព័ន្ធថាមពលសកលឲ្យទៅសេដ្ឋកិច្ចបញ្ចេញឧស្ម័នកាបូឌីអុកស៊ីតទាបនាពេលអនាគត។ ប្តូរប្រព័ន្ធថាមពលនេះមានន័យថា ពិភពលោកនឹងផ្តោតសំខាន់លើការប្រើប្រាស់ថាមពលស្អាតឬថាមពលកកើតឡើងវិញ ជំនួសឲ្យការបញ្ចញថាមពលកាបូនឌីអុកស៊ីតលើសលប់ដែលជាមូលហេតុធំបង្កឲ្យមានការឡើងកម្តៅផែនដីនោះ។
ក្នុងសេចក្តីប្រកាសរួមគ្នានេះ ស្ថាប័នព្រុចសែល និងក្រុងប៉េកាំងក៏បង្ហាញពីឆន្ទៈនយោបាយខ្ពស់បំផុតក្នុងការអនុវត្តកិច្ចព្រមព្រៀងអាកាសធាតុក្រុងប៉ារីសនៅពេលខាងមុខ និង អំពាវនាវឲ្យបណ្តាភាគីពាក់ព័ន្ធដែលជាសមាជិកកិច្ចព្រមព្រៀងនេះបន្តចូលរួមអនុវត្តកិច្ចវាឲ្យបានខ្ជាប់ខ្ជួនដែរ។
សូមបញ្ជាក់ថា ថ្នាក់ដឹកនាំប្រទេសទាំង១៩៥ ដែលជុំគ្នានៅក្រុងប៉ារីស បានស្រុះស្រួលគ្នាចុះ កិច្ចព្រមព្រៀងស្តីពីការប្រែប្រួលអាកាសធាតុកាលពីខែធ្នូឆ្នាំ ២០១៥ ដោយកិច្ចព្រមព្រៀងនេះមានគោលដៅកាត់បន្ថយសីតុណ្ហភាពផែនដី ឲ្យបាន២អង្សារនៅដំណាច់ឆ្នាំ ២១០០ ។ កិច្ចព្រមព្រៀងនេះចូលជាធរមានកាលពីខែវិច្ឆិកាឆ្នាំ ២០១៦ ហើយដើម្បីអនុវត្តកិច្ចព្រមព្រៀងនេះ រហូតដល់ឆ្នាំ ២០២០ ក្រុមប្រទេសមានសេដ្ឋកិច្ចរីកចម្រើនត្រូវជួយថវិកាប្រចាំឆ្នាំចំនួន ១០០ពាន់លានដុល្លារ ដល់ប្រទេសកំពុងអភិវឌ្ឍ៕
សហភាពអឺរ៉ុប និងចិន នឹងរួមសហការគ្នាដឹកនាំជំរុញការអនុវត្តកិច្ចព្រមព្រៀងស្តីពីការអាកាសអាកាសធាតុក្រុងប៉ារីសឆ្នាំ ២០១៥ ដើម្បីឆ្លើយតបគោលបំណងឈប់គាំទ្រកិច្ចព្រមព្រៀងដែលមានអនុភាពគតិយុត្តិរបស់រដ្ឋបាលលោក ដូណាល់ ត្រាំ នោះ។ មហាយក្សចិនព្យាយាមបង្កើនតួនាទីកាន់តែធំជួយដោះស្រាយបញ្ហាប្រឈមពិភពលោកក្នុងនាមជាមហាអំណាចពិភពលោកដែលមានទំនួលខុសត្រូវខ្ពស់ផងដែរ។
មកដល់ពេលបច្ចុប្បន្ននេះ លោក ដូណាល់ ត្រាំ មិនទាន់ប្រកាសជាផ្លូវការពីគោលជំហររបស់រដ្ឋបាលអាមេរិកថាតើបន្តគាំទ្រឬឈប់គាំទ្រកិច្ចព្រមព្រៀងដែលជាដំណោះស្រាយឆ្លើយតបការប្រែប្រួលអាកាសធាតុសកលនេះឬយ៉ាងណាឡើយ។ លោកបានសរសេរបង្ហោះតាមគណនីTwitter ផ្លូវការរបស់ខ្លួនថា លោកប្រកាសពីជំហរពិតប្រាកដរបស់អាមេរិកនៅថ្ងៃព្រហស្បតិ៍ ទី ១ ខែមិថុនា វេលាម៉ោង ៣រសៀល។
ប៉ុន្តែគ្រប់គ្នាបារម្ភថា ដូណាល់ ត្រាំ នឹងប្រកាសដកខ្លួនឈប់គាំទ្រកិច្ចព្រមព្រៀងអាកាសធាតុក្រុងប៉ារីសដូចរបាយការណ៍ចុះផ្សាយកន្លងមកមកនេះ។ តាំងពីយូរមកហើយ លោក ដូណាល់ ត្រាំ មិនដែរជឿថា ការប្រែប្រួលអាកាសធាតុជារឿងពិតទេ។ លោកថែមទាំងបង្ហើបថា ការប្រែប្រួលអាកាសធាតុជារឿងបោកប្រាស់ដែលបង្កើតឡើងដោយចិនតែប៉ុណ្ណោះ។
ស្របពេលដែលការបារម្ភកើនឡើងកាន់តែខ្លាំង មហាយក្សចិន និងសហភាពអឺរ៉ុបប្រញាប់ប្រញាប់បង្កើតសម្ព័ន្ធភាពទ្វេភាគីដើម្បីដឹកនាំការអនុវត្តកិច្ចព្រមព្រៀងប្រែប្រួលអាកាសធាតុ និងប្រកាសឲ្យពិភពលោកបានដឹងថា ពួកគេមិនបោះបង់ការប្តេជ្ញាចិត្តដោះស្រាយបាតុភូតប្រែប្រួលអាកាសធាតុឡើយ ទោះក្នុងកាលៈទេសៈណាក៏ដោយ។
យោងតាម សេចក្តីថ្លែងការណ៍រួមដែលរៀបចំឡើងមុនកិច្ចប្រជុំកំពូល ចិន សហភាពអឺរ៉ុបនៅក្រុងព្រុចសែលដែលចាប់ផ្តើមនៅថ្ងៃព្រហស្បតិ៍ ដល់ថ្ងៃសុក្រនោះ បានចាត់ទុកការប្រែប្រួលអាកាសធាតុជា «គ្រោះថ្នាក់នៃសន្តិសុខជាតិដែលបង្កផលប៉ះពាល់ដល់សង្គមនិងនយោបាយ»។
ក្រុងប៉េកាំង និងព្រុចសែល ក៏កត់សម្គាល់ថា កិច្ចព្រមព្រៀងក្រុងប៉ារីសជាដំណោះស្រាយដ៏សំខាន់មិនអាចខ្វះបាននិងជាសមិទ្ធផលប្រវត្តិសាស្ត្រពិភពលោក។
សេចក្តីថ្លែងការណ៍ដដែលនោះក៏កំណត់ថា សម្ព័ន្ធភាពថ្មីរវាងអឺរ៉ុបនិងមហាយក្សចិននេះនឹងរួមចំណែកដឹកនាំផ្លាស់ប្តូរប្រព័ន្ធថាមពលសកលឲ្យទៅសេដ្ឋកិច្ចបញ្ចេញឧស្ម័នកាបូឌីអុកស៊ីតទាបនាពេលអនាគត។ ប្តូរប្រព័ន្ធថាមពលនេះមានន័យថា ពិភពលោកនឹងផ្តោតសំខាន់លើការប្រើប្រាស់ថាមពលស្អាតឬថាមពលកកើតឡើងវិញ ជំនួសឲ្យការបញ្ចញថាមពលកាបូនឌីអុកស៊ីតលើសលប់ដែលជាមូលហេតុធំបង្កឲ្យមានការឡើងកម្តៅផែនដីនោះ។
ក្នុងសេចក្តីប្រកាសរួមគ្នានេះ ស្ថាប័នព្រុចសែល និងក្រុងប៉េកាំងក៏បង្ហាញពីឆន្ទៈនយោបាយខ្ពស់បំផុតក្នុងការអនុវត្តកិច្ចព្រមព្រៀងអាកាសធាតុក្រុងប៉ារីសនៅពេលខាងមុខ និង អំពាវនាវឲ្យបណ្តាភាគីពាក់ព័ន្ធដែលជាសមាជិកកិច្ចព្រមព្រៀងនេះបន្តចូលរួមអនុវត្តកិច្ចវាឲ្យបានខ្ជាប់ខ្ជួនដែរ។
សូមបញ្ជាក់ថា ថ្នាក់ដឹកនាំប្រទេសទាំង១៩៥ ដែលជុំគ្នានៅក្រុងប៉ារីស បានស្រុះស្រួលគ្នាចុះ កិច្ចព្រមព្រៀងស្តីពីការប្រែប្រួលអាកាសធាតុកាលពីខែធ្នូឆ្នាំ ២០១៥ ដោយកិច្ចព្រមព្រៀងនេះមានគោលដៅកាត់បន្ថយសីតុណ្ហភាពផែនដី ឲ្យបាន២អង្សារនៅដំណាច់ឆ្នាំ ២១០០ ។ កិច្ចព្រមព្រៀងនេះចូលជាធរមានកាលពីខែវិច្ឆិកាឆ្នាំ ២០១៦ ហើយដើម្បីអនុវត្តកិច្ចព្រមព្រៀងនេះ រហូតដល់ឆ្នាំ ២០២០ ក្រុមប្រទេសមានសេដ្ឋកិច្ចរីកចម្រើនត្រូវជួយថវិកាប្រចាំឆ្នាំចំនួន ១០០ពាន់លានដុល្លារ ដល់ប្រទេសកំពុងអភិវឌ្ឍ៕
Tag:
ចិន
អឺរ៉ុប
កិច្ចព្រមព្រៀងអាកាសធាតុ
ដូណាល់ ត្រាំ
© រក្សាសិទ្ធិដោយ thmeythmey.com
