ជាតិ
សេដ្ឋកិច្ច
×![]()
ភ្នំពេញ៖ លោក ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិល លើកឡើងថា ការដែលក្រុមហ៊ុនអាកាសចរខ្នាតយក្ស Emirates ដែលនឹងបើកជើងហោះហើររបស់ខ្លួនមកកម្ពុជានៅខែក្រោយនេះ គឺជាមោទកភាពមួយ និងបង្ហាញពីសញ្ញាល្អសម្រាប់វិស័យដឹកជញ្ជូនតាមផ្លូវអាកាសរបស់កម្ពុជា។
ក្រុមហ៊ុន Emirates នឹងសម្ពោធជើងហោះហើររបស់ខ្លួនមកកម្ពុជា នៅថ្ងៃទី១ខែកក្កដាឆ្នាំនេះ។ ក្រុមហ៊ុនអាកាសចរមួយនេះនឹងប្រតិបត្តិការជើងហោះហើររបស់ខ្លួនពីទីក្រុងឌូបៃ មកទីក្រុងយ៉ាំងហ្គូន និងមកដល់ភ្នំពេញ និងត្រឡប់ទៅវិញ ដោយប្រើយន្តហោះ Boeing777-200LR ដែលមានថ្នាក់ពីរប្រភេទ។ ប្រតិបត្តិការហោះហើររបស់ក្រុមហ៊ុននេះក៏នឹងតភ្ជាប់ទៅទ្វីបអ៉ឺរ៉ុបផងដែរ ដោយក្រុមហ៊ុននេះមានបណ្ដាណទូទាំងពិភពលោកជាង ១៥០ ទិសដៅ។ នេះបើតាមសេចក្ដីប្រកាសព័ត៌មានរបស់ក្រុមហ៊ុននេះ នៅថ្ងៃទី១២ខែមិថុនា។
លោក ស៊ិន ចាន់សេរីវុត្ថា បានថ្លែងប្រាប់សារព័ត៌មានថ្មីៗថា ការសម្រេចចិត្តរបស់ក្រុមហ៊ុនដ៏លេចធ្លោមួយនេះមកកម្ពុជា គឺជាមោទកភាពមួយ និងជាសញ្ញាល្អសម្រាប់វិស័យអាកាសចររបស់កម្ពុជា។ លោកថ្លែងយ៉ាងដូច្នេះថា៖«អាកាសចរធំជាងគេនៅលើពិភពលោក គឺនៅមជ្ឈមបូព៌ាហើយ Emirates ធំជាងគេ ហើយនិយាយពីការគ្រប់គ្រងធនធានជាដើមគឺធំជាងគេ ដូច្នេះកាលដែលក្រុមហ៊ុនធំមួយហោះមកក្រុមហ៊ុនមួយតូច យើងមានមោទកភាព ដោយហេតុអ្វីបានជា Emirates មកប្រទេសយើង។ នេះបង្ហាញពីភាពទាក់ទាញមួយ ដោយសារស្ថិរភាពនយោបាយ សេដ្ឋកិច្ច និងវិស័យទេសចរណ៍របស់យើងល្អ»។ លោកបន្ថែមថា ការហោះហើរនេះនឹងបង្កើតឲ្យមានការចាប់អារម្មណ៍ខ្លាំងជាងជើងហោះហើររបស់ក្រុមហ៊ុនមួយចំនួនមកកម្ពុជានាពេលកន្លងមក។
លោក ស៊ិន ចាន់សេរីវុត្ថា វត្តមានជើងហោះហើររបស់ Emirates នៅកម្ពុជា នឹងជួយលើកកម្ពស់វិស័យអាកាសចររបស់កម្ពុជា។ លោកប្រាប់ថា Emirates នឹងបង្កើនការតភ្ជាប់ការហោះហើរពីប្រទេសក្នុងតំបន់មជ្ឈឹមបូព៌ា និងអឺរ៉ុប មកកម្ពុជា។ លោកបន្តថា អតិថិជននឹងមានជម្រើសកាន់តែច្រើនក្នុងទីផ្សារដឹកជញ្ជូនតាមផ្លូវអាកាស។
បច្ចុប្បន្នក្រុមហ៊ុនអាកាសចរអន្តរជាតិចំនួន ៤២ កំពុងប្រតិបត្តិការហោះហើររបស់ខ្លួនចេញ-ចូលប្រទេសកម្ពុជា និងក្រុមហ៊ុនក្នុងស្រុកចំនួន ៥ ។ នេះបើតាមលោក ស៊ិន ចាន់សេរីវុត្ថា ៕
ក្រុមហ៊ុន Emirates នឹងសម្ពោធជើងហោះហើររបស់ខ្លួនមកកម្ពុជា នៅថ្ងៃទី១ខែកក្កដាឆ្នាំនេះ។ ក្រុមហ៊ុនអាកាសចរមួយនេះនឹងប្រតិបត្តិការជើងហោះហើររបស់ខ្លួនពីទីក្រុងឌូបៃ មកទីក្រុងយ៉ាំងហ្គូន និងមកដល់ភ្នំពេញ និងត្រឡប់ទៅវិញ ដោយប្រើយន្តហោះ Boeing777-200LR ដែលមានថ្នាក់ពីរប្រភេទ។ ប្រតិបត្តិការហោះហើររបស់ក្រុមហ៊ុននេះក៏នឹងតភ្ជាប់ទៅទ្វីបអ៉ឺរ៉ុបផងដែរ ដោយក្រុមហ៊ុននេះមានបណ្ដាណទូទាំងពិភពលោកជាង ១៥០ ទិសដៅ។ នេះបើតាមសេចក្ដីប្រកាសព័ត៌មានរបស់ក្រុមហ៊ុននេះ នៅថ្ងៃទី១២ខែមិថុនា។
លោក ស៊ិន ចាន់សេរីវុត្ថា បានថ្លែងប្រាប់សារព័ត៌មានថ្មីៗថា ការសម្រេចចិត្តរបស់ក្រុមហ៊ុនដ៏លេចធ្លោមួយនេះមកកម្ពុជា គឺជាមោទកភាពមួយ និងជាសញ្ញាល្អសម្រាប់វិស័យអាកាសចររបស់កម្ពុជា។ លោកថ្លែងយ៉ាងដូច្នេះថា៖«អាកាសចរធំជាងគេនៅលើពិភពលោក គឺនៅមជ្ឈមបូព៌ាហើយ Emirates ធំជាងគេ ហើយនិយាយពីការគ្រប់គ្រងធនធានជាដើមគឺធំជាងគេ ដូច្នេះកាលដែលក្រុមហ៊ុនធំមួយហោះមកក្រុមហ៊ុនមួយតូច យើងមានមោទកភាព ដោយហេតុអ្វីបានជា Emirates មកប្រទេសយើង។ នេះបង្ហាញពីភាពទាក់ទាញមួយ ដោយសារស្ថិរភាពនយោបាយ សេដ្ឋកិច្ច និងវិស័យទេសចរណ៍របស់យើងល្អ»។ លោកបន្ថែមថា ការហោះហើរនេះនឹងបង្កើតឲ្យមានការចាប់អារម្មណ៍ខ្លាំងជាងជើងហោះហើររបស់ក្រុមហ៊ុនមួយចំនួនមកកម្ពុជានាពេលកន្លងមក។
លោក ស៊ិន ចាន់សេរីវុត្ថា វត្តមានជើងហោះហើររបស់ Emirates នៅកម្ពុជា នឹងជួយលើកកម្ពស់វិស័យអាកាសចររបស់កម្ពុជា។ លោកប្រាប់ថា Emirates នឹងបង្កើនការតភ្ជាប់ការហោះហើរពីប្រទេសក្នុងតំបន់មជ្ឈឹមបូព៌ា និងអឺរ៉ុប មកកម្ពុជា។ លោកបន្តថា អតិថិជននឹងមានជម្រើសកាន់តែច្រើនក្នុងទីផ្សារដឹកជញ្ជូនតាមផ្លូវអាកាស។
បច្ចុប្បន្នក្រុមហ៊ុនអាកាសចរអន្តរជាតិចំនួន ៤២ កំពុងប្រតិបត្តិការហោះហើររបស់ខ្លួនចេញ-ចូលប្រទេសកម្ពុជា និងក្រុមហ៊ុនក្នុងស្រុកចំនួន ៥ ។ នេះបើតាមលោក ស៊ិន ចាន់សេរីវុត្ថា ៕
Tag:
អាកាសចរ
ស៊ិន ចាន់សេរីវុត្ថា
© រក្សាសិទ្ធិដោយ thmeythmey.com
