ជាតិ
ព្រឹទ្ធាចារ្យចាប៉ីដងវែង សួន សាន ទទួលមរណភាពក្នុងស្ថានភាពដ៏កម្សត់
× ម្ចាស់ជ័យលាភីលេខ២ផ្នែកចាប៉ីដងវែងប្រចាំឆ្នាំ២០០២ ព្រឹទ្ធាចារ្យ សួន សាន ហៅស្មៀន សាន បានទទួលមរណភាពកាលពីវេលាម៉ោង១២រំលងអាធ្រាត្រឈានចូលថ្ងៃទី១៣ ខែមិថុនា នៅមន្ទីរពេទ្យរុស្ស៊ី ក្នុងអាយុ៦៩ឆ្នាំ។
លោក សួន សាន បានធ្លាក់ខ្លួនឈឺចាប់តាំងពីឆ្នាំ២០១៤មក រហូតដល់ដើរលេងរួច។ ដោយសារបញ្ហាជីវភាពខ្វះមុខខ្វះក្រោយ អ្នកដែលអភិរក្សមរតកវប្បធម៌រូបនេះ ក៏ធ្លាប់ធ្លាក់ខ្លួនរស់នៅតាមចិញ្ចើមផ្លូវផងដែរ។ សពរបស់លោកត្រូវបានបញ្ជូនទៅតម្កល់ទុកនៅវត្តស្ទឹងមានជ័យ។
យោងតាមបទសម្ភាសមួយជាមួយសារព័ត៌មាន TV FB កូនប្រុសទី៤របស់ព្រឹទ្ធចារ្យ សួន សាន បានរៀបរាប់ឪពុករបស់ខ្លួនមានការតូចចិត្តយ៉ាងខ្លាំងក្នុងជីវិត ដោយគិតថាខ្លួនអន់ជាងសត្វចាប ព្រោះគ្មានទីជម្រកសមរម្យ ខណៈគាត់ប្រើពេលវេលាមួយជីវិតរបស់ខ្លួនដើម្បីថែរក្សាមរតកចាប៉ីដងវែងរបស់ខ្មែរ៕
សូមស្តាប់ការច្រៀងរៀបរាប់ «ព្រះគុណឪពុក» របស់ស្មៀនសាន ក្នុងកម្មវិធីស្នាមញញឹមនៃវប្បធម៌ខ្មែររបស់ទូរទស្សន៍បាយ័ន៖
© រក្សាសិទ្ធិដោយ thmeythmey.com