ពីនេះ ពីនោះ
ចូលរួមផ្តល់ឈាម គឺជួយសង្គ្រោះជីវិត!
×
កំណាព្យបទ ពំនោល
ក្បាលបែករហែកដាច់សាច់ ជួនដៃជើងដាច់ ប្រកាច់ដេកដួលស្លេកស្លាំង។
អ្នកខ្លះត្អូញអស់កម្លាំង ភ្នែករូងខូងខ្លាំង ខ្លះតាំងត្អូញថាវិលមុខ។
មានខ្លះជំងឺធ្វើទុក្ខ មេរោគវាយលុក ឈ្ងោកមុខកើតទុក្ខមិនឈប់។
ដឹងឈឺនឹកឃើញសព្វគ្រប់ ខ្លះអង្គុយជ្រប់ ថ្ងៃយប់ដេកអោបទុក្ខព្រួយ។
ខ្វះឈាមបាននរណាជួយ គ្រួសារពេញព្រួយ ចង់ជួយតើធ្វើយ៉ាងណា?
រឿងគ្រោះចាស់ផ្តាំទុកថា មិនទៀងឡើយណា គ្រួសារយើងអាចប៉ះដែរ។
មានក្ររស់នៅក្រុងស្រែ ច្នេះយើងត្រូវតែ គិតកែរេដោះកង្វល់។
ខ្វះឈាមយើងគួររួមផ្តល់ ឲ្យស្តុកឈាមសល់ ជួយដល់អ្នកដែលត្រូវការ។
ផ្តល់ឈាមគឺជួយសង្ខារ បានបុណ្យផងណា ចាស់ថាធ្វើបុណ្យខែភ្លឺ៕
និពន្ធដោយប៉ាកកាខ្មៅ!
© រក្សាសិទ្ធិដោយ thmeythmey.com