អ្នកស្រី ឡឹក ចេនឡា ជំនះបើកតាក់ស៊ី ដើម្បីមានពេលថែកូន និងអាចរកចំណូល

ជាតិ

បទយកការណ៍ / បទសម្ភាសន៍

រថយន្ត

19, Jun 2017 , 6:59 pm

រូបភាព

ដោយ: ខន ចំប៉ា

របរបើកតាក់ស៊ី ជារបរមួយ មិនមានមនុស្សស្រីច្រើនឡើយហ៊ានធ្វើ។ បញ្ហាសុវត្ថិភាពផ្ទាល់ខ្លួនជារឿងមួយ ដែលធ្វើឲ្យស្ត្រីមិនហ៊ានប្រថុយធ្វើការងារនេះ តែបញ្ហាមួយទៀតគឺការរារាំងពីក្រុមគ្រួសារ ព្រោះខ្លាចចំណាយមាត់អ្នកជិតខាង។ ទោះជាត្រូវប្រឈមនឹងបញ្ហាទាំងនេះក៏ដោយ អ្នកស្រី ឡឹក ចេនឡា ជាស្ត្រីម្នាក់ ក្នុងចំណោមស្រី្តអ្នកបើកតាក់ស៊ីផ្សេងទៀត ដែលហ៊ានប្រឈមនឹងគំនាបសង្គមនេះ។ មានវ័យ៣៧ឆ្នាំ អ្នកស្រីចេនឡា បានចាប់ផ្តើមរបរនេះ នៅដើមខែមិថុនា បន្ទាប់ពីពិគ្រោះយោបល់ជាមួយស្វាមីជាច្រើនលើក។

នៅក្នុងបទសម្ភាសន៍ជាមួយសារព័ត៌មានថ្មីៗ អ្នកស្រីចេនឡា បានបញ្ជាក់ថា មូលហេតុដែលអ្នកស្រីសម្រេចចិត្តប្រកបរបរដែលសង្គមយល់ថាជាការងាររបស់បុរសនេះ ព្រោះអ្នកស្រីគិតថា ការបើកតាក់ស៊ីមិនត្រឹមតែអាចផ្តល់ចំណូលផ្គត់ផ្គង់គ្រួសារប៉ុណ្ណោះទេ ប៉ុន្តែគាត់ក៏អាចមានពេលវេលាច្រើននៅក្បែរកូនតូចទាំង២នាក់ និងអាចជូនពួកគេ ទៅ-មកសាលារៀន ដោយផ្ទាល់បានទៀត។

អ្នកស្រី ចេនឡា ក៏ឆ្លៀតរំលឹកពាក្យសម្តីរារាំងរបស់ស្វាមីអ្នកស្រី មុនគាត់យល់ព្រមឲ្យអ្នកស្រីប្រកបរបរនេះដែរ។ អ្នកស្រី ចេនឡា រៀបរាប់ដូច្នេះថា៖«ដំបូងគាត់តូចចិត្ត អត់ចង់ឲ្យប្រពន្ធ ធ្វើការងារហ្នឹងទេ វាអត់សម។ ប៉ុន្តែខ្ញុំជំនះថាត្រូវតែធ្វើ ត្រូវតែជួយ វាបានចំណូលដែរ ហើយក៏បានជួយមើលកូន តាមចិត្តដែលយើងចង់។ បើយើងធ្វើការក្រុមហ៊ុន គឺយើងត្រូវសុំការអនុញ្ញាតពីគេ។ អ៊ីចឹងទៅ ក៏គាត់ព្រមទៅ ដូចថាកាត់កេរ្តិ៍ កាត់ខ្មាស»។

ដើម្បីជ្រាបច្បាស់សូមអញ្ជើញស្តាប់បទសម្ភាសន៍រវាង កញ្ញា ខន ចំប៉ា និងអ្នកស្រី ឡឹក ចេនឡា អ្នកបើកបរតាក់ស៊ីដូចតទៅ៖