អន្តរជាតិ
មន្ត្រីជាន់ខ្ពស់វៀតណាមម្នាក់អស់តំណែង ព្រោះអសមត្ថភាពទប់ស្កាត់ការបំពុលបរិស្ថាន
រូបភាព៖ Reuters
×![]()
វៀតណាមសម្រេចដកហូតតំណែងមន្ត្រីជាន់ខ្ពស់ម្នាក់ និងដាក់ទណ្ឌកម្មមន្ត្រីដប់នាក់ផ្សេងទៀតដែលធ្វេសប្រហែសការងារដោយធ្វើឲ្យគ្រោះមហន្តរាយបរិស្ថានធ្ងន់ធ្ងរកាលពីឆ្នាំមុន។ ការបណ្តេញមន្ត្រីជាន់ខ្ពស់ឋានៈជាប្រធាននាយកដ្ឋានេះ ក៏ដោយសារជននេះគ្មានលទ្ធភាពឃ្លាំមើលគម្រោងក្រុមហ៊ុនដែកថែមតៃវ៉ាន់ដែលធ្វើឲ្យលេចធ្លាយជាតិពុលបណ្តាលឲ្យងាប់ត្រីរាប់តោនកាលពីឆ្នាំមុន។
មន្ត្រីជាន់ខ្ពស់ផ្នែកបរិស្ថានម្នាក់របស់វៀតណាមឈ្មោះលោក Luong Duy Hanh ត្រូវបានគេបណ្តេញចេញពីការងារដោយសារខ្ជះខ្ជាយក្នុងការបំពេញការងារដែលនាំឲ្យមានការបំពុលទឹកធ្ងន់ធ្ងរកាលពីឆ្នាំមុន។
សារព័ត៌មានវៀតណាម Thahn Nien ផ្សាយថា លោក Luong Duy Hanh មានតំណែងជាប្រធាននាយកដ្ឋានគ្រប់គ្រងនិងការពារបរិស្ថានវៀតណាម។ ពាក់ព័ន្ធការបណ្តេញមន្ត្រីចេញនេះ ក្រសួងបរិស្ថានវៀតណាមបានបញ្ជាក់ដូច្នេះថា៖« ក្រសួងធនធានធម្មជាតិនិងបរិស្ថានសម្រេចអនុវត្តវិន័យដោយដកហូតតំណែងលោក Luong Duy Hanh»។
ក្រសួងបញ្ជាក់បន្ថែមថា កំហុសរបស់ Duy Hanh គឺ អសមត្ថភាពក្នុងការប្រឹក្សាយោបល់និងផ្តល់អនុសាសន៍ពាក់ព័ន្ធការអនុវត្តគោលនយោបាយការពារបរិស្ថាន នៅពេលដែលមានការសាងសង់រោងចក្រដែកថែបតៃវ៉ាន់ Formosa ។
តាមពិតទៅ Duy Hanh ស្ថិតក្នុងចំណោមមន្ត្រីដប់មួយនាក់ ដែលត្រូវទទួលទណ្ឌកម្ម ពាក់ព័ន្ធការធ្វេសប្រហែសនិងបណ្តែតបណ្តោយឲ្យមានការលេចធ្លាយសារធាតុពុលពីរោងចក្រFormosa ចូលទឹកធ្វើឲ្យត្រីពុលងាប់រាប់តោនកាលឆ្នាំមុននោះ។ អគ្គនាយករងទីភ្នាក់ងារបរិស្ថានវៀតណាមម្នាក់ត្រវបានគេដកហូតតំណែងរួចរាល់ ហើយមន្ត្រីបួននាក់ផ្សេងទៀតនោះត្រូវដកហូតតំណែងសមាជិកបក្សកុម្មុយនីស្តផងដែរ។
ចំណែកក្រុមហ៊ុនដែកថែប Formosa ក៏ត្រូវរងពិន័យជាទឹកប្រាក់ ៥០០លានដុល្លារផងដែរចំពោះការធ្វើឲ្យលេចធ្លាយសារធាតុពុលចូលទឹក និងធ្វើឲ្យត្រីងាប់រាប់តោន មិនធ្លាប់មុនពីមុនមកនោះ៕
មន្ត្រីជាន់ខ្ពស់ផ្នែកបរិស្ថានម្នាក់របស់វៀតណាមឈ្មោះលោក Luong Duy Hanh ត្រូវបានគេបណ្តេញចេញពីការងារដោយសារខ្ជះខ្ជាយក្នុងការបំពេញការងារដែលនាំឲ្យមានការបំពុលទឹកធ្ងន់ធ្ងរកាលពីឆ្នាំមុន។
សារព័ត៌មានវៀតណាម Thahn Nien ផ្សាយថា លោក Luong Duy Hanh មានតំណែងជាប្រធាននាយកដ្ឋានគ្រប់គ្រងនិងការពារបរិស្ថានវៀតណាម។ ពាក់ព័ន្ធការបណ្តេញមន្ត្រីចេញនេះ ក្រសួងបរិស្ថានវៀតណាមបានបញ្ជាក់ដូច្នេះថា៖« ក្រសួងធនធានធម្មជាតិនិងបរិស្ថានសម្រេចអនុវត្តវិន័យដោយដកហូតតំណែងលោក Luong Duy Hanh»។
ក្រសួងបញ្ជាក់បន្ថែមថា កំហុសរបស់ Duy Hanh គឺ អសមត្ថភាពក្នុងការប្រឹក្សាយោបល់និងផ្តល់អនុសាសន៍ពាក់ព័ន្ធការអនុវត្តគោលនយោបាយការពារបរិស្ថាន នៅពេលដែលមានការសាងសង់រោងចក្រដែកថែបតៃវ៉ាន់ Formosa ។
តាមពិតទៅ Duy Hanh ស្ថិតក្នុងចំណោមមន្ត្រីដប់មួយនាក់ ដែលត្រូវទទួលទណ្ឌកម្ម ពាក់ព័ន្ធការធ្វេសប្រហែសនិងបណ្តែតបណ្តោយឲ្យមានការលេចធ្លាយសារធាតុពុលពីរោងចក្រFormosa ចូលទឹកធ្វើឲ្យត្រីពុលងាប់រាប់តោនកាលឆ្នាំមុននោះ។ អគ្គនាយករងទីភ្នាក់ងារបរិស្ថានវៀតណាមម្នាក់ត្រវបានគេដកហូតតំណែងរួចរាល់ ហើយមន្ត្រីបួននាក់ផ្សេងទៀតនោះត្រូវដកហូតតំណែងសមាជិកបក្សកុម្មុយនីស្តផងដែរ។
ចំណែកក្រុមហ៊ុនដែកថែប Formosa ក៏ត្រូវរងពិន័យជាទឹកប្រាក់ ៥០០លានដុល្លារផងដែរចំពោះការធ្វើឲ្យលេចធ្លាយសារធាតុពុលចូលទឹក និងធ្វើឲ្យត្រីងាប់រាប់តោន មិនធ្លាប់មុនពីមុនមកនោះ៕
Tag:
វៀតណាម
Luong Duy Hanh
Formosa
© រក្សាសិទ្ធិដោយ thmeythmey.com
