ពីនេះ ពីនោះ
ពាក្យដែលត្រឹមត្រូវគឺ «សាដៀវ» មិនមែន «ខ្សែដៀវ» ឡើយ!
× សាធារណជនភាគច្រើនតែងតែហៅ ឬសរសេរពាក្យនេះថា «ខ្សែដៀវ» ដែលជាពាក្យខុសសោះ។ នៅក្នុងវចនានុក្រមខ្មែរសម្តេច ជួន ណាត បានបញ្ជាក់ពីពាក្យដែលត្រឹមត្រូវ គឺហៅ សរសេរជា «សាដៀវ» មិនមែន «ខ្សែដៀវ» ឡើយ។ ពាក្យនេះមានន័យដូចខាងក្រោម៖
ពាក្យ «សាដៀវ» ជានាមសព្ទ មានន័យថា ជាឈ្មោះគ្រឿងតន្ដ្រីមួយប្រភេទ មានខ្សែលួសស្ពាន់តែមួយ មានសំបក ឃ្លោកមូល ( ឃ្លោកសាដៀវ ) មួយកំណាត់ទ្រភ្ជាប់ពីក្រោមដង មានប៉ោលសម្រាប់រឹតឬបន្ធូរខ្សែ, ប្រើជាគ្រឿងដេញ មានសូរសព្ទមូលរងំ គឺ ដេញសាដៀវ ។ គួរហៅថា ខ្សែមួយ ឬ ឯកតន្ដ្រី (អែកដន់ត្រី) គឺ ដេញឯកតន្ដ្រី, សូរឯកតន្ដ្រី ៕
© រក្សាសិទ្ធិដោយ thmeythmey.com