បទយកការណ៍ / បទសម្ភាសន៍
លោក យ៉ាន ឧត្តម ថាបាក់ឌុបជាស្ពានឆ្លងទៅរកភាពជោគជ័យក្នុងការសិក្សា
× សមាគមនិស្សិតនៃវិទ្យាស្ថានអន្តរជាតិកម្ពុជា-អាស៊ាន(CAM_ASEAN ) នឹងរៀបចំសិក្ខាសាលាស្តីពីយុទ្ធសាស្ត្រក្នុងការត្រៀមខ្លួនសម្រាប់ការប្រឡងបាក់ឌុប នៅថ្ងៃទី៩ ខែកក្កដា ឆ្នាំ២០១៧ ខាងមុខនេះ នៅសាលវិទ្យាស្ថានបច្ចេកវិទ្យាកម្ពុជា។
លោក យ៉ាន ឧត្តម ប្រធានមជ្ឈមណ្ឌលសិក្សាអាស៊ាន នៃវិទ្យាស្ថានCAM_ASEAN បញ្ជាក់នៅក្នុងបទសម្ភាសន៍ជាមួយសារព័ត៌មានថ្មីៗថា សិក្ខាសាលានេះ មានគោលដៅដាស់ស្មារតីដល់សិស្សានុសិស្សដែលត្រៀមប្រឡងបាក់ឌុបក្នុងឆ្នាំសិក្សានេះ និងឆ្នាំសិក្សាក្រោយៗទៀត។ មិនត្រឹមតែប៉ុណ្ណោះ អ្នកចូលរួមប្រមាណ២ពាន់នាក់ ដែលអ្នករៀបចំរំពឹងថាជាសិស្សដែលកំពុងសិក្សាថ្នាក់មធ្យមសិក្សាទុតិយភូមិ អាចទទួលបានគន្លឹះរៀនសូត្រ ដែលមិនត្រឹមតែដើម្បីទទួលបាននិទ្ទេសល្អក្នុងការប្រឡងបាក់ឌុបទេ ប៉ុន្តែជាឱកាសម្រាប់ពួកគេត្រៀមខ្លួនចាប់យកអាហារូបករណ៍ទាំងក្នុង និងក្រៅស្រុកផងដែរ។
ប្រធានមជ្ឈមណ្ឌលសិក្សាអាស៊ានរូបនេះ បញ្ជាក់ដូច្នេះ៖«ការប្រឡងថ្នាក់ទី១២ គឺជាការប្រឡងដ៏សំខាន់ដើម្បីឲ្យយើងមានលក្ខណៈសម្បត្តិគ្រប់គ្រាន់ ដើម្បីឲ្យយើងចូលរៀនថ្នាក់មហាវិទ្យាល័យបាន»។ លោក បន្តទៀតថា៖«ថ្នាក់ទី១២ គឺជាស្ពានឲ្យគាត់ជោគជ័យក្នុងការសិក្សា ដូច្នេះបើគាត់ត្រៀមខ្លួនល្អ គាត់អាចមានឱកាសទទួលបានអាហារូបករណ៍ទាំងក្នុងស្រុក និងក្រៅស្រុក ហើយអ្នកដទៃឲ្យតម្លៃគាត់ទៅតាមហ្នឹងដែរ»។
បើតាម លោក យ៉ាន ឧត្តម វាគ្មិនជាសិស្សនិទ្ទេស A ក្នុងឆ្នាំ២០១៥ និង២០១៦ ចំនួន៥រូប នឹងចែករំលែកបទពិសោធន៍ និងគន្លឹះសិក្សាលើមុខវិជ្ជាសំខាន់ៗចំនួន៥ គឺភាសាខ្មែរ គណិតវិទ្យា រូបវិទ្យា គីមីវិទ្យា និងជីវៈវិទ្យា។
ដើម្បីជ្រាបច្បាស់សូមអញ្ជើញស្តាប់បទសម្ភាសន៍រវាង កញ្ញា ខន ចំប៉ា អ្នកកាសែតនៃសារព៧ត៌មានថ្មីៗ និងលោក យ៉ាន ឧត្តម ប្រធានមជ្ឈមណ្ឌលសិក្សាអាស៊ាន នៃវិទ្យាស្ថានCAM_ASEAN ដូចតទៅ៖
ព័ត៌មានបន្ថែម សូមទាក់ទងតាមរយៈលេខទូរសព្ទ ០៩៦ ៤៤៨ ៥៦ ២៨ , ០៨១ ៤០០ ៦៨៧ និងលេខ ០៦៩ ២៤៦២៤៣ ឬតាមរយៈទំព័រហ្វេសប៊ុករបស់វិទ្យាស្ថាន CAM_ASEAN ដែលមានអាស័យដ្ឋាន https://www.facebook.com/camaseaninstitute ៕
Tag:
យ៉ាន ឧត្តម
បាក់ឌុប
© រក្សាសិទ្ធិដោយ thmeythmey.com