ជាតិ
កញ្ញា សាំង លីណែត
×![]()
ភ្នំពេញ៖ យុវជនកម្ពុជាមួយចំនួននាពេលបច្ចុប្បន្ន បានចាប់អារម្មណ៍ និងចង់កសាងខ្លួនក្លាយទៅជាយុវជនឆ្នើម។ ការចង់ក្លាយជាយុវជនឆ្នើមនេះ ជាគោលដៅរបស់យុវជនមួយចំនួន ដែលពួកគេគិតថាដើម្បីក្លាយជាយុវជនឆ្នើម តើគួរធ្វើយ៉ាងណា ដោយរបៀបណា។ ក្នុងសិក្ខាសាលា ស្ដីពីគន្លឹះកសាងខ្លួនជាយុវជនឆ្នើមសតវត្សទី២១ ដែលរៀបចំដោយក្រុមយុវជន YVSD នៅព្រឹកថ្ងៃទី២៥ មិថុនា បានចែករំលែក និងបង្ហាញគន្លឺះដល់អ្នកចូលរួមដើម្បីកសាងខ្លួនជាយុវជនឆ្នើម។
យុវជនជាច្រើនរយនាក់ មកពីគ្រឺះស្ថានអប់រំ និងបុគ្គលិកក្រុមហ៊ុនផ្សេងៗ បានចំណាយពេលចូលរួម ស្ដាប់ក្នុងសិក្ខាសាលា ស្ដីពីគន្លឹះកសាងខ្លួនជាយុវជនឆ្នើមសតវត្សទី២១។ សិក្ខាសាលានេះ ជាវេទិកាមួយ រៀបចំឡើងក្នុងគោលបំណងបង្ហាញនូវយុទ្ធសាស្ត្រក្នុងការកំណត់គោលដៅជីវិត ការទំនាក់ទំនង ការចាប់ឱកាសក្នុងការសិក្សា រួមទាំងការងារ និងការទទួលព័ត៌មានប្រកបដោយប្រសិទ្ធភាព។
ក្នុងសិក្ខាសាលានេះ មានវាគ្មិនចូលរួម ជាបុគ្គលឆ្នើមក្នុងសង្គម និងមានបទពិសោធន៍ច្រើនក្នុងការសិក្សា និងការងារ។ វាគ្មិនទាំងនោះ រួមមាន កញ្ញា អ៊ុង ច័ន្ទសោភា ផលិតករ និងពិធីការិនី ព័ត៌មាន លោក ជា ធីរិទ្ធ និពន្ធនាយករងសារព័ត៌មានថ្មីៗ និងលោក ហ៊ុយ សម្បត្តិ សហស្ថាបនិក Youth Force។ វាគ្មិនទាំង៣រូបនេះ បានធ្វើបទបង្ហាញ និងពន្យល់ដល់យុវជនទាំងនោះ ពីការប្រាស្រ័យទំនាក់ទំនង និងការកំណត់គោលដៅផ្សេងៗ រួមទាំងការចាប់ឱកាសជាដើម។
កញ្ញា សាំង លីណែត ប្រធានគម្រោងក្នុងការបង្កើតសិក្ខាសាលានេះ បានលើកឡើងថា៖ «ការបង្កើតសិក្ខាសាលានេះ ដោយសារតែខ្លួនឯងជួបប្រទះផ្ទាល់ ពីកង្វះខាតនៃការកំណត់គោលដៅជីវិត ការទំនាក់ទំនង និងការទទួលបានព័ត៌មាន»។ កញ្ញា លីណែត បន្ថែមថា ការបង្កើតគម្រោងដោយខ្លួនឯងនេះ កើតចេញពីការស្ម័គ្រចិត្តក្នុងកិច្ចការសង្គម ដែលធ្វើឲ្យនាងមានឱកាសអាចបង្កើតគម្រោងនេះឡើង។
យុវជន តាត វិមលកញ្ចរិទ្ធ ជានិស្សិតឆ្នាំទី១ នៃសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានយល់ឃើញថា ការចូលរួមសិក្ខាសាលានេះ បានធ្វើឲ្យរូបគេទទួលបានចំណេះដឹងច្រើន ថ្មីៗ និងការពុះពារឧបសគ្គ រួមទាំងការអានសៀវភៅផងដែរ។ និស្សិតរូបនេះ ចង់អភិវឌ្ឍខ្លួន និងចង់ជោគជ័យដូចយុវជនដទៃទៀត ទើបរូបគេចំណាយពេលស្វែងយល់ពីគន្លឹះនៃកសាងខ្លួនក្លាយជាយុវជនឆ្នើមបែបនេះ។
ចំណែក យុវតី ឈឿន ជារឿន ជានិស្សិតឆ្នាំទី២ នៃសាកលវិទ្យាល័យជាតិគ្រប់គ្រង បានលើកឡើងថា ការចូលរួមសិក្ខាសាលានេះ បានធ្វើឲ្យនាងមានភាពក្លាហានក្នុងការធ្វើអ្វីមួយ និងមានការចូលរួមក្នុងសង្គមផ្សេងៗ។ យុវតីរូបនេះ បន្តថា សិក្ខាសាលានេះ មានបុគ្គលល្បីៗ មកចែករំលែកបទពិសោធន៍ ដល់យុវជនជំនាន់ក្រោយ ដែលផ្ដល់ជាគន្លឺះ និងលើកទឹកចិត្តដល់យុវជន ឲ្យមានសកម្មភាពក្នុងសង្គម។ កញ្ញា ជារឿន បន្ថែមថាការចូលរួមនេះ មិនខាតពេលសម្រាប់នាង និងយុវជនដទៃទៀតនោះទេ។
ក្រោយពីបញ្ចប់សិក្ខាសាលា ប្រធានគម្រោង កញ្ញា សាំង លីណែត អះអាងថា៖ «អ្នកចូលរួម នឹងទទួលបាននៅចំណេះដឹងថ្មីបន្ថែមទៀត។ ជាពិសេស អាចអនុវត្តតាមនូវអ្វីដែលវាគ្មិនបានបង្ហាញ និងចេះរំលែកចំណេះដឹង បទពិសោធន៍ពួកគាត់»។ នេះជាការលើកឡើងរបស់ប្រធានគម្រោងវ័យក្មេងរូបនេះ។
គួរបញ្ជាក់ថា នេះជាសិក្ខាសាលា លើកទី២ហើយ ដែលក្រុមយុវជន YVSD បង្កើតឡើង ដើម្បីចែករំលែក ទាក់ទងនឹងយុវជនឆ្នើមក្នុងសតវត្សទី២១ ក្នុងគោលបំណងចង់ឃើញយុវជនខ្មែរ មានសមត្ថភាពទទួលបានការអប់រំ ការចូលរួមអភិវឌ្ឍសង្គម រួមទាំងការប្រកួតប្រជែងផ្សេងៗ ដើម្បីការងារ និងឱកាសផ្សេងៗទៀត៕
យុវជនជាច្រើនរយនាក់ មកពីគ្រឺះស្ថានអប់រំ និងបុគ្គលិកក្រុមហ៊ុនផ្សេងៗ បានចំណាយពេលចូលរួម ស្ដាប់ក្នុងសិក្ខាសាលា ស្ដីពីគន្លឹះកសាងខ្លួនជាយុវជនឆ្នើមសតវត្សទី២១។ សិក្ខាសាលានេះ ជាវេទិកាមួយ រៀបចំឡើងក្នុងគោលបំណងបង្ហាញនូវយុទ្ធសាស្ត្រក្នុងការកំណត់គោលដៅជីវិត ការទំនាក់ទំនង ការចាប់ឱកាសក្នុងការសិក្សា រួមទាំងការងារ និងការទទួលព័ត៌មានប្រកបដោយប្រសិទ្ធភាព។
ក្នុងសិក្ខាសាលានេះ មានវាគ្មិនចូលរួម ជាបុគ្គលឆ្នើមក្នុងសង្គម និងមានបទពិសោធន៍ច្រើនក្នុងការសិក្សា និងការងារ។ វាគ្មិនទាំងនោះ រួមមាន កញ្ញា អ៊ុង ច័ន្ទសោភា ផលិតករ និងពិធីការិនី ព័ត៌មាន លោក ជា ធីរិទ្ធ និពន្ធនាយករងសារព័ត៌មានថ្មីៗ និងលោក ហ៊ុយ សម្បត្តិ សហស្ថាបនិក Youth Force។ វាគ្មិនទាំង៣រូបនេះ បានធ្វើបទបង្ហាញ និងពន្យល់ដល់យុវជនទាំងនោះ ពីការប្រាស្រ័យទំនាក់ទំនង និងការកំណត់គោលដៅផ្សេងៗ រួមទាំងការចាប់ឱកាសជាដើម។
កញ្ញា សាំង លីណែត ប្រធានគម្រោងក្នុងការបង្កើតសិក្ខាសាលានេះ បានលើកឡើងថា៖ «ការបង្កើតសិក្ខាសាលានេះ ដោយសារតែខ្លួនឯងជួបប្រទះផ្ទាល់ ពីកង្វះខាតនៃការកំណត់គោលដៅជីវិត ការទំនាក់ទំនង និងការទទួលបានព័ត៌មាន»។ កញ្ញា លីណែត បន្ថែមថា ការបង្កើតគម្រោងដោយខ្លួនឯងនេះ កើតចេញពីការស្ម័គ្រចិត្តក្នុងកិច្ចការសង្គម ដែលធ្វើឲ្យនាងមានឱកាសអាចបង្កើតគម្រោងនេះឡើង។
យុវជន តាត វិមលកញ្ចរិទ្ធ ជានិស្សិតឆ្នាំទី១ នៃសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានយល់ឃើញថា ការចូលរួមសិក្ខាសាលានេះ បានធ្វើឲ្យរូបគេទទួលបានចំណេះដឹងច្រើន ថ្មីៗ និងការពុះពារឧបសគ្គ រួមទាំងការអានសៀវភៅផងដែរ។ និស្សិតរូបនេះ ចង់អភិវឌ្ឍខ្លួន និងចង់ជោគជ័យដូចយុវជនដទៃទៀត ទើបរូបគេចំណាយពេលស្វែងយល់ពីគន្លឹះនៃកសាងខ្លួនក្លាយជាយុវជនឆ្នើមបែបនេះ។
ចំណែក យុវតី ឈឿន ជារឿន ជានិស្សិតឆ្នាំទី២ នៃសាកលវិទ្យាល័យជាតិគ្រប់គ្រង បានលើកឡើងថា ការចូលរួមសិក្ខាសាលានេះ បានធ្វើឲ្យនាងមានភាពក្លាហានក្នុងការធ្វើអ្វីមួយ និងមានការចូលរួមក្នុងសង្គមផ្សេងៗ។ យុវតីរូបនេះ បន្តថា សិក្ខាសាលានេះ មានបុគ្គលល្បីៗ មកចែករំលែកបទពិសោធន៍ ដល់យុវជនជំនាន់ក្រោយ ដែលផ្ដល់ជាគន្លឺះ និងលើកទឹកចិត្តដល់យុវជន ឲ្យមានសកម្មភាពក្នុងសង្គម។ កញ្ញា ជារឿន បន្ថែមថាការចូលរួមនេះ មិនខាតពេលសម្រាប់នាង និងយុវជនដទៃទៀតនោះទេ។
ក្រោយពីបញ្ចប់សិក្ខាសាលា ប្រធានគម្រោង កញ្ញា សាំង លីណែត អះអាងថា៖ «អ្នកចូលរួម នឹងទទួលបាននៅចំណេះដឹងថ្មីបន្ថែមទៀត។ ជាពិសេស អាចអនុវត្តតាមនូវអ្វីដែលវាគ្មិនបានបង្ហាញ និងចេះរំលែកចំណេះដឹង បទពិសោធន៍ពួកគាត់»។ នេះជាការលើកឡើងរបស់ប្រធានគម្រោងវ័យក្មេងរូបនេះ។
គួរបញ្ជាក់ថា នេះជាសិក្ខាសាលា លើកទី២ហើយ ដែលក្រុមយុវជន YVSD បង្កើតឡើង ដើម្បីចែករំលែក ទាក់ទងនឹងយុវជនឆ្នើមក្នុងសតវត្សទី២១ ក្នុងគោលបំណងចង់ឃើញយុវជនខ្មែរ មានសមត្ថភាពទទួលបានការអប់រំ ការចូលរួមអភិវឌ្ឍសង្គម រួមទាំងការប្រកួតប្រជែងផ្សេងៗ ដើម្បីការងារ និងឱកាសផ្សេងៗទៀត៕
Tag:
យុវជន
គន្លឹះកសាងខ្លួន
© រក្សាសិទ្ធិដោយ thmeythmey.com
