រថយន្ត
អន្តរជាតិ
ប៉ូលិសឌូបៃប្រើរថយន្តរ៉ូបូតដើម្បីរក្សាសន្តិសុខ សណ្តាប់ធ្នាប់តាមផ្លូវនានា
×
ប៉ូលិសនៅក្នុងទីក្រុងឌូបៃ ប្រទេសអារ៉ាប់រួមអេមីរ៉េត បានដាក់ដំណើរថយន្តបើកបរស្វ័យប្រវត្តិតូចមួយដែលអាចល្បាតតាមដងផ្លូវនានានៅក្នុងក្រុងឈូងសមុទ្រពែក្សមួយនេះ។ រថយន្តខ្នាតតូចនេះ ដំណើរប្រមាណជាពីរបីសប្តាហ៍បន្ទាប់ពីអាជ្ញាធរក្រុងបានប្រើប្រាស់មន្ត្រីជាមនុស្សយន្ត។
រថយន្តរ៉ូបូតល្បាតដំបូង ត្រូវប្រើប្រាស់ដើម្បីរាយការណ៍ទាក់ទងនឹងបេសកកម្មនានា ដែលវាផ្នែកមួយនៃគោលបំណងរបស់ប៉ូលិសឌូបៃ ក្នុងការដាក់កម្លាំងគ្រឿងយន្ត ឬមនុស្សយន្តឲ្យបាន១/៤នៃកម្លាំងសមត្ថកិច្ច ឲ្យបានមុនឆ្នាំ២០៣០ ។
រថយន្តរ៉ូបូតប៉ូលិសដែលបើកបរដោយស្វ័យប្រវត្តិនេះ បំពាក់ដោយបច្ចេកវិទ្យាឃ្លាំមើល៣៦០ដឺក្រេ និងអាចកំណត់កម្មវិធីចុះទៅតំបន់គោលដៅនីមួយៗ ។ វាអាចស្កែនសម្លាកនានាក្នុងការកំណត់ភិនភាគជនសង្ស័យ កំណត់វត្ថុតាង ជាដើម។
VIDEO
រថយន្តរ៉ូបូត ដែលមានឈ្មោះថា O-R3 នេះ បង្កើតឡើងដោយក្រុមហ៊ុន OTSAW Digital របស់សិង្ហបុរី។ ថ្វីត្បិតតែវាមិនអាចជំនួសមនុស្សទាំងស្រុងក៏ដោយ ប៉ុន្តែវាអាចសម្រាលកិច្ចការតូចៗមួយចំនួនរបស់សមត្ថកិច្ច ជាពិសេសនៅតំបន់ទេសចរណ៍ក្នុងក្រុងទាំងមូល។
យោងតាម The Telegraph លោក Abdullah Khalifa Al Marri អគ្គបញ្ជាការប៉ូលិសប្រចាំឌូបៃ បានលើកឡើងថា៖ «រថយន្តរ៉ូបូតប្រភេទនេះ នឹងមានតួនាទីសំខាន់ក្នុងការធានាសុវត្ថិភាព និងសន្តិភាពនៅតាមផ្លូវ ដោយមិនចាំបាច់មានការអន្តរាគមន៍ខ្លាំងក្លាពីប៉ូលិស»៕
© រក្សាសិទ្ធិដោយ thmeythmey.com