ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
កូនឈើប្រណិត និងឈើហូបផ្លែ ៧ម៉ឺនដើម ត្រូវបានដាំស្ដារឡើងវិញក្នុងព្រៃសហគមន៍នៅខេត្តកំពង់ធំ និងព្រះវិហារ
04, Jul 2017 ,
11:04 am
រូបភាព
ដាំកូនឈើ រូបភាពពីក្រសួងបរិស្ថាន
×
ដោយ:
ញឹក ស្រីល័ក្ខ (Nhek Sreyleak)
កូនឈើចំនួន ៧ម៉ឺនដើម ប្រភេទឈើប្រណិត និងប្រភេទឈើហូបផ្លែ ត្រូវបានដាក់ដាំស្ដារឡើងវិញក្នុងព្រៃសហគមន៍ និងចែកជូនប្រជាសហគមន៍ដែលរស់នៅក្នុងតំបន់ ចំនួន ៣ ស្ថិតក្នុងខេត្តកំពង់ធំ និងព្រះវិហារ។ ព្រៃសហគមន៍តំបន់ការពារធម្មជាតិ ដែលបានដាក់ដាំកូនឈើទាំង ៧ម៉ឺនដើមនោះ រួមមាន សហគមន៍តំបន់ការពារធម្មជាតិជីឱកបឹងប្រិយ សហគមន៍តំបន់ការពារធម្មជាតិស្ករក្រូច និង សហគមន៍តំបន់ការពារធម្មជាតិជាំធ្លក។ នេះបើតាមការផ្សាយរបស់ក្រសួងបរិស្ថានលើទំព័រហ្វេសប៊ុក។
ព្រៃសហគមន៍តំបន់ការពារធម្មជាតិ ចំនួន ៣ គឺសហគមន៍តំបន់ការពារធម្មជាតិជីឱកបឹងប្រិយ សហគមន៍តំបន់ការពារធម្មជាតិស្ករក្រូច និង សហគមន៍តំបន់ការពារធម្មជាតិជាំធ្លក ក្នុងខេត្តកំពង់ធំ និងព្រះវិហារ ត្រូវបានជ្រើសរើសជាទីតាំង ដើម្បីដាំស្ដារព្រៃឡើងវិញ។ ការដាក់ដាំកូនឈើក្នុងព្រៃសហគមន៍ទាំងនោះ មានចំនួន ៧ម៉ឺនដើម ដែលជាប្រភេទឈើប្រណិត និងឈើហូបផ្លែ។ ការដាក់ដាំកូនឈើក្នុងព្រៃសហគមន៍នេះ បានប្រព្រឹត្តិទៅកាលពីថ្ងៃទី២៦, ២៨-៣០ ខែមិថុនា។
បើតាមទំព័រហ្វេសប៊ុករបស់ក្រសួងបរិស្ថាន ពិធីដាំកូនឈើប្រណិតនៅក្នុងព្រៃសហគមន៍ និងការចែកកូនឈើហូបផ្លែ ដល់ប្រជាសហគមន៍នេះ ត្រូវបានរៀបចំដោយគម្រោងជំរុញភាពធន់របស់សហគមន៍ ជនបទរស់នៅក្នុងតំបន់ការពារធម្មជាតិ។ គម្រោងនេះ រៀបចំដើម្បីបន្ស៉ាំទៅនឹងការប្រែប្រួលអាកាសធាតុ ដែលអនុវត្ត ដោយអគ្គនាយកដ្ឋានសហគមន៍មូលដ្ឋាន នៃក្រសួងបរិស្ថាន។ ជាមួយគ្នានេះ សកម្មភាពនេះធ្វើឡើង ក្នុងគោលបំណងស្ដារព្រៃឡើងវិញ និងរួមចំណែកដល់ការអភិរក្សព្រៃសហគមន៍ លើកកម្ពស់កម្រិត ជីវភាពរបស់ប្រជាសហគមន៍។
គួរបញ្ជាក់ផងដែរ គិតត្រឹមខែឧសភា និងខែមិថុនា ឆ្នាំ២០១៧នេះ ក្រសួងបរិស្ថាន បានដាក់ដាំកូនឈើប្រមាណជាង ១៦ម៉ឺនដើម ក្នុងសហគមន៍តំបន់ការពារ ធម្មជាតិជាច្រើន នៅខេត្តមណ្ឌលគិរី ព្រៃវែង កែប សៀមរាប ត្បូងឃ្មុំ ព្រះវិហារ កំពង់ធំ ពោធិ៍សាត់ និងខេត្តកំពង់ឆ្នាំង។ ទន្ទឹមនឹងនេះ នៅរហូតដល់ដំណាច់ឆ្នាំ២០១៧ ក្រសួងបរិស្ថាន មានគម្រោងនឹងដាំកូនឈើប្រណិត និងឈើហូបផ្លែចំនួន ៣៤ម៉ឺនដើម បន្ថែមទៀត ដែផសរុប ចំនួនកូនឈើបានដាំស្ដារឡើងវិញក្នុងឆ្នាំ២០១៧នេះ មានចំនួនប្រមាណ ៥០ម៉ឺនកូនឈើ។ នេះបើតាមប្រភពដដែល៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កូនឈើ
កំពង់ធំ
ព្រះវិហារ
ក្រសួងបរិស្ថាន
© រក្សាសិទ្ធិដោយ thmeythmey.com
អត្ថបទពេញនិយម
«មជ្ឈការ»មានន័យខុសពី«វិមជ្ឈការ»ដូចម្តេច?
7 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
1 ថ្ងៃ
«ប្រេសិត»មានន័យដូចម្តេច?
1 សប្តាហ៍
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
អត្ថបទពេញនិយមបន្ថែម