ជាតិ
ការចុះបញ្ជីតំបន់ប្រាសាទសំបូរព្រៃគុក៖ សម្ដេច ហ៊ុន សែន អរគុណអគ្គនាយិកាយូណេស្កូ
×![]()
ដោយ: ថ្មីៗ
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានផ្ញើសារថ្លែងអំណរគុណដល់លោកស្រី Irina Bokova អគ្គនាយិកា អង្គការយូណេស្កូ និងសមាជិកគណៈកម្មការបេតិកភណ្ឌពិភពលោក។ ការថ្លែងអំណរគុណនេះ បន្ទាប់ពីតំបន់ប្រាសាទសំបូរព្រៃគុករបស់កម្ពុជា ត្រូវបានចុះក្នុងបញ្ជីបេតិកភណ្ឌពិភពលោក នៅថ្ងៃទី ៨ កក្កដា ២០១៧ នាទីក្រុង Cracovie ប្រទេសប៉ូឡូញ។
បន្ទាប់ពីតំបន់ប្រាសាទសំបូរព្រៃគុក ត្រូវបានចុះក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅថ្ងៃទី ៨ កក្កដា ២០១៧ នាទីក្រុង Cracovie ប្រទេសប៉ូឡូញ សម្ដេច ហ៊ុន សែន បានសរសេរសារថ្លែងអំណរគុណអគ្គនាយិកា និងសមាជិកគណៈកម្មាការបេតិកភណ្ឌពិភពលោក។
ក្នុងលិខិតថ្លែងអំណរគុណ សម្ដេច ហ៊ុន សែន បានមានប្រសាសន៍ថា៖ «ក្នុងនាមជារាជរដ្ឋាភិបាល និងប្រជាជនកម្ពុជា ខ្ញុំសូមឆ្លៀតយកឱកាសពោរពេញដោយក្ដីរីករាយនេះ ដើម្បីថ្លែងអំណរគុណយ៉ាងកក់ក្ដៅបំផុត ចំពោះ លោកជំទាវ និងសមាជិកគណៈកម្មការបេតិកភណ្ឌពិភពលោក ដែលបានខិតខំប្រឹងប្រែងក្នុងការទទួលស្គាល់តម្លៃសកលយ៉ាងវិសេសវិសាលនៃតំបន់ប្រាសាទសំបូរព្រៃគុក និងបានអនុម័តចុះក្នុងបញ្ជីបេតិកភណ្ឌពិភពលោក»។
បើតាមលិខិតថ្លែងអំណរគុណ នៅថ្ងៃទី ៩ កក្កដានេះ ជោគជ័យជាប្រវត្តិសាស្ត្រនេះ គឺជាមោទកភាពជាតិថ្មីមួយទៀត សម្រាប់ប្រជាជនកម្ពុជាទាំងមូលសម្រាប់វប្បធម៌ និងប្រវត្តិសាស្ត្រខ្មែរ ហើយនឹងជាសក្ខីភាពនៃការយកចិត្តទុកដាក់របស់រាជរដ្ឋាភិបាលកម្ពុជា ដល់ការអភិរក្ស និងការលើកតម្លៃនៃបេតិកភណ្ឌជាតិ។
សម្ដេច ហ៊ុន សែន លើកឡើងថា៖ «ខ្ញុំជឿជាក់ថា ការចុះតំបន់ប្រាសាទសំបូរព្រៃគុកនៅក្នុងបញ្ជីបេតិកភណ្ឌពិភពលោកនេះ គឺជាការគាំទ្របន្ថែមទៀតដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការការពារ និងលើកតម្កើងបេតិកភណ្ឌពិភពលោក»។
សូមបញ្ជាក់ថា តំបន់ប្រាសាទសំបូរព្រៃគុក ត្រូវបានសម្រេចចុះក្នុងបញ្ជីបេតិកភណ្ឌពិភពលោក ធ្វើឡើងក្នុងកិច្ចប្រជុំលើកទី៤១ នៃគណៈកម្មាការបេតិកភណ្ឌពិភពលោកនៃអង្គការយូណេស្កូ ដែលប្រារព្ធធ្វើពីថ្ងៃទី២ ដល់ថ្ងៃទី១២ ខែកក្កដា។ តំបន់ប្រាសាទសំបូរព្រៃគុក កសាងឡើងនៅក្នុងសតវត្សទី៧ ក្នុងរជ្ជកាលស្ដេច ឥសានវរ្ម័ន ក្នុងសម័យចេនឡា៕
បន្ទាប់ពីតំបន់ប្រាសាទសំបូរព្រៃគុក ត្រូវបានចុះក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅថ្ងៃទី ៨ កក្កដា ២០១៧ នាទីក្រុង Cracovie ប្រទេសប៉ូឡូញ សម្ដេច ហ៊ុន សែន បានសរសេរសារថ្លែងអំណរគុណអគ្គនាយិកា និងសមាជិកគណៈកម្មាការបេតិកភណ្ឌពិភពលោក។
ក្នុងលិខិតថ្លែងអំណរគុណ សម្ដេច ហ៊ុន សែន បានមានប្រសាសន៍ថា៖ «ក្នុងនាមជារាជរដ្ឋាភិបាល និងប្រជាជនកម្ពុជា ខ្ញុំសូមឆ្លៀតយកឱកាសពោរពេញដោយក្ដីរីករាយនេះ ដើម្បីថ្លែងអំណរគុណយ៉ាងកក់ក្ដៅបំផុត ចំពោះ លោកជំទាវ និងសមាជិកគណៈកម្មការបេតិកភណ្ឌពិភពលោក ដែលបានខិតខំប្រឹងប្រែងក្នុងការទទួលស្គាល់តម្លៃសកលយ៉ាងវិសេសវិសាលនៃតំបន់ប្រាសាទសំបូរព្រៃគុក និងបានអនុម័តចុះក្នុងបញ្ជីបេតិកភណ្ឌពិភពលោក»។
បើតាមលិខិតថ្លែងអំណរគុណ នៅថ្ងៃទី ៩ កក្កដានេះ ជោគជ័យជាប្រវត្តិសាស្ត្រនេះ គឺជាមោទកភាពជាតិថ្មីមួយទៀត សម្រាប់ប្រជាជនកម្ពុជាទាំងមូលសម្រាប់វប្បធម៌ និងប្រវត្តិសាស្ត្រខ្មែរ ហើយនឹងជាសក្ខីភាពនៃការយកចិត្តទុកដាក់របស់រាជរដ្ឋាភិបាលកម្ពុជា ដល់ការអភិរក្ស និងការលើកតម្លៃនៃបេតិកភណ្ឌជាតិ។
សម្ដេច ហ៊ុន សែន លើកឡើងថា៖ «ខ្ញុំជឿជាក់ថា ការចុះតំបន់ប្រាសាទសំបូរព្រៃគុកនៅក្នុងបញ្ជីបេតិកភណ្ឌពិភពលោកនេះ គឺជាការគាំទ្របន្ថែមទៀតដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការការពារ និងលើកតម្កើងបេតិកភណ្ឌពិភពលោក»។
សូមបញ្ជាក់ថា តំបន់ប្រាសាទសំបូរព្រៃគុក ត្រូវបានសម្រេចចុះក្នុងបញ្ជីបេតិកភណ្ឌពិភពលោក ធ្វើឡើងក្នុងកិច្ចប្រជុំលើកទី៤១ នៃគណៈកម្មាការបេតិកភណ្ឌពិភពលោកនៃអង្គការយូណេស្កូ ដែលប្រារព្ធធ្វើពីថ្ងៃទី២ ដល់ថ្ងៃទី១២ ខែកក្កដា។ តំបន់ប្រាសាទសំបូរព្រៃគុក កសាងឡើងនៅក្នុងសតវត្សទី៧ ក្នុងរជ្ជកាលស្ដេច ឥសានវរ្ម័ន ក្នុងសម័យចេនឡា៕
Tag:
ប្រាសាទសំបូរព្រៃគុក
យូណេស្កូ
អគ្គនាយិកា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
