ពីនេះ ពីនោះ
«ឯកឧត្តម» មកពីពាក្យ «ឯកឧកញ៉ា» ដែលគេប្រើតែក្នុងរជ្ជកាលសម័យបុរាណ
× នៅក្នុងរជ្ជកាលសម័យបុរាណគេប្រើពាក្យ «ឯកឧកញ្ញ៉ា» សំដៅលើការហៅមន្ត្រីដែលមានស័ក្តិខ្ពស់។ ប៉ុន្តែ សម័យបច្ចុប្បន្ននេះគេប្រើពាក្យ «ឯកឧត្តម» ជំនួសឱ្យពាក្យ «ឯកឧកញ្ញ៉ា» វិញ។ នៅក្នុងវចនានុក្រមខ្មែរសម្តេច ជួន ណាត បានពន្យល់ពីការប្រើពាក្យខាងលើនេះយ៉ាងដូច្នេះថា ៖
ឯកឧកញ៉ា ប្រើតែក្នុងរជ្ជកាលសម័យបុរាណព្រេងនាយប៉ុណ្ណោះ។ គេនិយាយកាត់ខ្លីថា លោកឯកឧក។ ប៉ុន្តែ សម័យបច្ចុប្បន្ននេះ គេប្រើពាក្យ «ឯកឧត្តម» ។ ទាំងពីរពាក្យប្រើអក្សរសង្ខេបថា ឯ. ឧ. ដូចគ្នា ( បារ. Exellence, Son–, S.E. ) ។
នាមសព្ទ «ឯកឧត្តម» ដែលគេប្រើជំនួសពាក្យ «ឯកឧកញ៉ា» គឺជាពាក្យសម្រាប់ប្រើរៀងពីខាងដើមឋានន្តរនៃមន្ត្រីមានស័ក្ដិខ្ពស់។ ឧទាហរណ៍៖ ឯកឧត្តមនាយករដ្ឋមន្ត្រី, ឯកឧត្តមឧត្តមសេនីយឯក ជាដើម៕
© រក្សាសិទ្ធិដោយ thmeythmey.com