ពីនេះ ពីនោះ
តើ «ដំណើរកម្ដៅរួស» និង «ដំណើរកម្ដៅឡាតង់» មានន័យដូចម្ដេច?
× ភ្នំពេញ៖ ពាក្យ «ដំណើរកម្ដៅរួស» និង «ដំណើរកម្ដៅឡាតង់» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «ដំណើរកម្តៅរួស» (Sensible heat flux) ដំណើរកម្តៅភាយចេញពីផ្ទៃផែនដីទៅក្នុងបរិយាកាស ដោយមិនពាក់ព័ន្ធនឹងការប្រែប្រួលសភាពទឹក ហើយជាសមាសភាគនៃថាមពលសរុបលើផ្ទៃដី។
ចំណែកឯ «ដំណើរកម្ដៅឡាតង់» (Latent heat flux) ជាដំណើរកម្តៅភាយចេញពីផ្ទៃផែនដីទៅក្នុងបរិយាកាស ដោយពាក់ព័ន្ធនឹងរំហួតឬកំណកចំហាយទឹក នៅលើផ្ទៃដី ដែលជាសមាសភាគមួយនៃថាមពលសរុបលើផ្ទៃផែនដី។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com