ជាតិ
សិល្បះ
ភាពយន្តខ្មែរជំនាន់ដើមចំនួន៦រឿង នឹងបញ្ចាំងក្នុងកម្មវិធី«មួយម៉ឺនអាល័យ»
×![]()
ភ្នំពេញ៖ ភាពយន្តខ្មែរជំនាន់ដើមក្នុងសម័យសង្គមរាស្ត្រនិយម និងក្រោយសម័យខ្មែរក្រហម ចំនួន ៦រឿង នឹងចាក់បញ្ចាំងឡើងវិញក្នុងកម្មវិធី«មួយម៉ឺនអាល័យ»។ កម្មវិធី«មួយម៉ឺនអាល័យ»ដែលនឹងរៀបចំ ពីថ្ងៃទី ៤ ដល់ថ្ងៃទី៦ ខែសីហា នៅសាលសន្និសីទចុតមុខ។ ការចាក់បញ្ចាំងនេះ ដើម្បីផ្សព្វផ្សាយភាពយន្តចាស់ៗផង ប្រមូលថវិកាជូនសិល្បករចាស់ៗ និងប្រើប្រាស់សម្រាប់ស្រាវជ្រាវភាពយន្តចាស់បន្តទៀត។
ភាពយន្តខ្មែររឿងមួយម៉ឺនអាល័យ បុប្ផាអង្គរ នាងចន្ទគ្រឿហ្វា បំណុល គូកម្មទេបង និងរឿងបិសាចតណ្ហា នឹងត្រូវចាក់បញ្ចាំងរយៈពេល៣ថ្ងៃ ក្នុងកម្មវិធីមួយម៉ឺនអាល័យ ដែលនឹងរៀបចំពីថ្ងៃទី ៤ ដល់ថ្ងៃទី៦ ខែសីហា នៅសាលសន្និសីទចុតមុខ។
លោក យាង វណ្ឌី ប្រធានក្រុមព្រះសូរិយា និងជាអ្នករៀបចំកម្មវិធីបានប្រាប់សារព័ត៌មានថ្មីៗថា ការចាក់បញ្ចាំងភាពយន្តខ្មែរជំនាន់ដើមក្នុងសម័យសង្គមរាស្ត្រនិយម និងក្រោយសម័យខ្មែរក្រហម ចំនួន៦រឿងនេះ គឺក្នុងគោលបំណងផ្សព្វផ្សាយភាពយន្តចាស់ៗ និងប្រមូលថវិកាជូនសិល្បករចាស់ៗ។
ក្រៅពីនោះ នឹងយកទៅប្រើប្រាស់សម្រាប់ការស្រាវជ្រាវរកភាពយន្តចាស់ជាបន្តទៀត។ ប្រធានក្រុមព្រះសូរិយា បន្តថា ការចាក់បញ្ចាំងនេះ ក៏ជាការធ្វើឲ្យទស្សនិកជន ចងចាំអនុស្សាវរីយផ្អែមល្ហែមរបស់សាច់រឿងចាស់ៗទាំង៦នេះ មើលឃើញពីភាពខុសគ្នា រវាងភាពយន្តសម័យមុន និងសម័យបច្ចុប្បន្ន។ លោក យាង វណ្ឌី លើកឡើងថា៖«ខ្ញុំសង្ឃឹមថា នឹងមានការចូលរួមគាំទ្រច្រើនពីសំណាក់ទស្សនិកជនគ្រប់រូប ជាពិសេស គឺយុវវ័យ ព្រោះយុវវ័យ អាចសិក្សាស្វែងយល់ពីអត្ថន័យសាច់រឿងជំនាន់មុន ក្នុងការអភិវឌ្ឍស្នាដៃជំនាន់ថ្មីនេះ»។
សូមបញ្ជាក់ថា នេះជាលើកទី២ហើយ ដែលក្រុមព្រះសូរិយា បានរៀបចំកម្មវិធីមួយម៉ឺនអាល័យ។ កម្មវិធី មួយម៉ឺនអាល័យ កើតចេញពីការស្រាវជ្រាវរកភាពយន្តចាស់ៗពីជំនាន់ដើមរបស់ក្រុមព្រះសូរិយា។ ក្នុងរយៈពេល៣ឆ្នាំ ក្រុមព្រះសូរិយា បានរកឃើញភាពយន្តចំនួន៥០០រឿង សាច់រឿងចំនួន ៤០សាច់រឿង, ដុំហ្វ៊ីលចំនួន ៤ដុំ និងផ្ទាំងផ្សព្វផ្សាយរឿងចាស់ៗប្រមាណ ៣ពាន់សន្លឹក៕
ភាពយន្តខ្មែររឿងមួយម៉ឺនអាល័យ បុប្ផាអង្គរ នាងចន្ទគ្រឿហ្វា បំណុល គូកម្មទេបង និងរឿងបិសាចតណ្ហា នឹងត្រូវចាក់បញ្ចាំងរយៈពេល៣ថ្ងៃ ក្នុងកម្មវិធីមួយម៉ឺនអាល័យ ដែលនឹងរៀបចំពីថ្ងៃទី ៤ ដល់ថ្ងៃទី៦ ខែសីហា នៅសាលសន្និសីទចុតមុខ។
លោក យាង វណ្ឌី ប្រធានក្រុមព្រះសូរិយា និងជាអ្នករៀបចំកម្មវិធីបានប្រាប់សារព័ត៌មានថ្មីៗថា ការចាក់បញ្ចាំងភាពយន្តខ្មែរជំនាន់ដើមក្នុងសម័យសង្គមរាស្ត្រនិយម និងក្រោយសម័យខ្មែរក្រហម ចំនួន៦រឿងនេះ គឺក្នុងគោលបំណងផ្សព្វផ្សាយភាពយន្តចាស់ៗ និងប្រមូលថវិកាជូនសិល្បករចាស់ៗ។
ក្រៅពីនោះ នឹងយកទៅប្រើប្រាស់សម្រាប់ការស្រាវជ្រាវរកភាពយន្តចាស់ជាបន្តទៀត។ ប្រធានក្រុមព្រះសូរិយា បន្តថា ការចាក់បញ្ចាំងនេះ ក៏ជាការធ្វើឲ្យទស្សនិកជន ចងចាំអនុស្សាវរីយផ្អែមល្ហែមរបស់សាច់រឿងចាស់ៗទាំង៦នេះ មើលឃើញពីភាពខុសគ្នា រវាងភាពយន្តសម័យមុន និងសម័យបច្ចុប្បន្ន។ លោក យាង វណ្ឌី លើកឡើងថា៖«ខ្ញុំសង្ឃឹមថា នឹងមានការចូលរួមគាំទ្រច្រើនពីសំណាក់ទស្សនិកជនគ្រប់រូប ជាពិសេស គឺយុវវ័យ ព្រោះយុវវ័យ អាចសិក្សាស្វែងយល់ពីអត្ថន័យសាច់រឿងជំនាន់មុន ក្នុងការអភិវឌ្ឍស្នាដៃជំនាន់ថ្មីនេះ»។
សូមបញ្ជាក់ថា នេះជាលើកទី២ហើយ ដែលក្រុមព្រះសូរិយា បានរៀបចំកម្មវិធីមួយម៉ឺនអាល័យ។ កម្មវិធី មួយម៉ឺនអាល័យ កើតចេញពីការស្រាវជ្រាវរកភាពយន្តចាស់ៗពីជំនាន់ដើមរបស់ក្រុមព្រះសូរិយា។ ក្នុងរយៈពេល៣ឆ្នាំ ក្រុមព្រះសូរិយា បានរកឃើញភាពយន្តចំនួន៥០០រឿង សាច់រឿងចំនួន ៤០សាច់រឿង, ដុំហ្វ៊ីលចំនួន ៤ដុំ និងផ្ទាំងផ្សព្វផ្សាយរឿងចាស់ៗប្រមាណ ៣ពាន់សន្លឹក៕
Tag:
ភាពយន្ត
មួយម៉ឺនអាល័យ
យាង វណ្ឌី
© រក្សាសិទ្ធិដោយ thmeythmey.com
