ជាតិ
សេដ្ឋកិច្ច
NBC បានស្រូបប្រាក់ដុល្លារប្រមាណ ៤៧០លានដុល្លារ នៅក្នុងឆមាសទី១ឆ្នាំនេះ
×![]()
ធនាគារជាតិនៃកម្ពុជា (NBC) បានលក់ប្រាក់រៀល ១,៩ពាន់ពាន់លានរៀលទៅទីផ្សារ ដោយស្រូបយកមកវិញនូវប្រាក់ដុល្លារប្រហែល ៤៧០លានដុល្លារ នៅក្នុងឆមាសទី១ឆ្នាំនេះ។ នេះបើតាមរបាយការណ៍ប្រចាំឆមាសរបស់ NBC ដែលចេញផ្សាយកាលពីថ្ងៃទី២២ខែកក្កដា។
ក្នុងចំណោមប្រាក់រៀលដែលធនាគារជាតិបានបញ្ចេញទៅទីផ្សារ ធនាគារពាណិជ្ជបានកាន់កាប់តម្រូវការ ៦០ភាគរយ ហើយនៅសល់ ៤០ភាគរយទៀតត្រូវបានប្រើប្រាស់ដោយអាជីវកម្មប្ដូរប្រាក់។
ការបញ្ចេញប្រាក់រៀល និងស្រូបយកប្រាក់ដុល្លារដោយធនាគារជាតិបែបនេះ គឺជាការអន្តរាគមន៍មួយដើម្បីរក្សាស្ថិរភាពអត្រាប្ដូរប្រាក់។ របាយការណ៍បង្ហាញថា អត្រាប្ដូរប្រាក់រៀលធៀបនឹងប្រាក់ដុល្លារអាមេរិក បន្តមានស្ថិរភាព ដោយក្នុងរយៈពេល៣ចុងក្រោយនេះអត្រាប្ដូរប្រាក់រក្សាបានជាមធ្យម ៤០៤០រៀលក្នុង១ដុល្លារ។
បើតាមអ្នកជំនាញ ចរាចរប្រាក់រៀលនៅតែមានចំនួនតិចតួចនៅក្នុងចរន្តសេដ្ឋកិច្ចកម្ពុជា បើធៀបនឹងប្រាក់ដុល្លារដែលមានទំហំជាង ៨០ភាគរយ៕
ក្នុងចំណោមប្រាក់រៀលដែលធនាគារជាតិបានបញ្ចេញទៅទីផ្សារ ធនាគារពាណិជ្ជបានកាន់កាប់តម្រូវការ ៦០ភាគរយ ហើយនៅសល់ ៤០ភាគរយទៀតត្រូវបានប្រើប្រាស់ដោយអាជីវកម្មប្ដូរប្រាក់។
ការបញ្ចេញប្រាក់រៀល និងស្រូបយកប្រាក់ដុល្លារដោយធនាគារជាតិបែបនេះ គឺជាការអន្តរាគមន៍មួយដើម្បីរក្សាស្ថិរភាពអត្រាប្ដូរប្រាក់។ របាយការណ៍បង្ហាញថា អត្រាប្ដូរប្រាក់រៀលធៀបនឹងប្រាក់ដុល្លារអាមេរិក បន្តមានស្ថិរភាព ដោយក្នុងរយៈពេល៣ចុងក្រោយនេះអត្រាប្ដូរប្រាក់រក្សាបានជាមធ្យម ៤០៤០រៀលក្នុង១ដុល្លារ។
បើតាមអ្នកជំនាញ ចរាចរប្រាក់រៀលនៅតែមានចំនួនតិចតួចនៅក្នុងចរន្តសេដ្ឋកិច្ចកម្ពុជា បើធៀបនឹងប្រាក់ដុល្លារដែលមានទំហំជាង ៨០ភាគរយ៕
Tag:
ប្រាក់រៀល
© រក្សាសិទ្ធិដោយ thmeythmey.com
