អគ្គនាយិការទូរទស្សន៍អាស៊ីអាគ្នេយ៍ ចាញ់បោកជនបរទេសជាង២០លានដុល្លារ

ជាតិ

សង្គមជាតិ

អគ្គនាយិការទូរទស្សន៍អាស៊ីអាគ្នេយ៍ ចាញ់បោកជនបរទេសជាង២០លានដុល្លារ

26, Jul 2017 , 6:03 pm

រូបភាព

រូបពីហ្វេសប៊ុកលោកស្រី ឃឹម រ៉ានី

ដោយ: ថ្មីៗ

ភ្នំពេញ៖ អគ្គនាយិការទូរទស្សន៍អាស៊ីអាគ្នេយ៍នេះ លោកស្រី ឃឹម រ៉ានី បានចាញ់បោកជនបរទេសអស់ទឹកប្រាក់២៧លានដុល្លារ លើការដាក់ទុនវិនិយោគ នៅតំបន់ខេត្តកែប និងកំពត ។ ជនជាតិកូសូវ៉ូ ឈ្មោះ DENIS COKOVIC ( DENIS DENY) ដែលបានបោកប្រាស់ថវិកាលោកស្រី ឃឹម រ៉ានី ត្រូវបានសមត្ថកិច្ចចាប់ខ្លួនបញ្ជូនមកតុលាការ កាលពីថ្ងៃទី២៥ កក្កដា។

ជនបរទេសរូបនេះ បានឆបោកប្រាក់ពីលោកស្រី ឃឹម រ៉ានី តាមរូបភាពរៀបចំរីស្ស៊តពាណិជ្ជកម្មនៅខេត្តកែប និងកំពត ។ លោកស្រី ឃឹម រ៉ានី គឺភរិយាលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី។

តំណាងអយ្យការសាលាដំបូងរាជធានីភ្នំពេញលោក សៀង សុខ ចោទប្រកាន់ជនជាតិកូសូវ៉ូរូបនេះ ពីបទឆបោក និងសមគំនិត ក្នុងអំពើមិនបំពេញកាតព្វកិច្ច ដែលប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៦ ដល់ឆ្នាំ២០១៧ តាមមាត្រា៣៧៧-៣៧៨ នៃក្រមព្រហ្មទណ្ឌ និងមាត្រា២៣១ (មាត្រា២៩ នៃក្រមព្រហ្មទណ្ឌ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់) ។ នេះបើតាមកាសែតរស្មីកម្ពុជា៕