កីឡាជាតិ
ជាតិ
ហែមថុន វិទិនី ឈរលើ១៩ប្រទេសក្នុងព្រឹត្តិការណ៍ជើងឯកពិភពលោកនៅប្រទេសហុងគ្រី
កីឡាការិនី ហែមថុន វិទិនី ផ្តល់បទសម្ភាសដល់អ្នកសារព័ត៌មានក្នុងថ្ងៃប្រកួតពានរង្វាន់ព្រឹទ្ធាចារ្យ ហែមថុន កាលពីខែមិថុនា កន្លងទៅ នៅអាងហែលទឹកក្នុងពហុកីឡដ្ឋានជាតិ។
×![]()
កីឡាការិនីហែលទឹកជម្រើសជាតិកម្ពុជា ហែមថុន វិទិនី បានប្រើថេរវេលា២៩.៦៩វិនាទីលើវិញ្ញាសាហែលសេរីចម្ងាយ៥០ម៉ែត្រនាការប្រកួតជើងឯកពិភពលោក World Aquatics Championships 2017 នៅទីក្រុងប៊ុយដាប៉ែសប្រទេសហុងគ្រី។ ថេរវលានេះបានជួយឲ្យ វិទិនី ឈរចំណាត់ថ្នាក់លើ១៩ប្រទេស ក្នុងនោះក៏មានប្រទេសឡាវផងដែរ។ តែយ៉ាងណា វាមិនអាចជួយឲ្យ វិទិនី ឡើងទៅកាន់វគ្គបន្តនោះឡើយ។
កីឡាការិនីហែលទឹកជម្រើសជាតិ ហែមថុន វិទិនី បានបញ្ចប់ក្នុងលទ្ធផលមួយយ៉ាងល្អនាការប្រកួតកីឡាហែលទឹកជ្រើសរើសឯកពិភពលោក World Aquatics Championships 2017 នៅទីក្រុងប៊ុយដាប៉ែសប្រទេសហុងគ្រីកាលពីខែកក្កដា កន្លងទៅនេះ។ វិទិនី ទទួលបានចំណាត់ថ្នាក់លេខ៦៨ក្នុងចំណោម៨៧ប្រទេសចូលរួម ពោលគឺឈរលើ១៩ប្រទេស ក្រោយប្រើថេរវេលា២៩.៦៩វិនាទីលើវិញ្ញាសាហែលសេរីចម្ងាយ៥០ម៉ែត្រ។
ថេរវេលា២៩.៦៩វិនាទីបានជួយឲ្យ វិទិនី អាចបំណត់ត្រាចាស់លើវិញ្ញាសានេះក្នុងស៊ីហ្គេមនៅប្រទេសសិង្ហបុរីឆ្នាំ២០១៥ ផងដែរ ខណៈកាលណោះនាងប្រើថេរវេលា៣០.៦០វិនាទី។ តែបើប្រៀបធៀបនឹងកំណត់ត្រានៅព្រឹត្តិការណ៍កីឡាអូឡាំពិកនៅទីក្រុងរីយ៉ូប្រទេសប្រេស៊ីលកាលពីឆ្នាំ២០១៦ គឺសមត្ថភាពមានការធ្លាក់ចុះ ដោយពេលនោះ នាង ប្រើ២៩.៣៧វិនាទីតែប៉ុណ្ណោះ។
ប្រទេសទាំង១៩ដែល វិទិនី ឈរលើរួមមាន នេប៉ាល់, អ៊ូហ្គង់ដា, ម៉ូសំប៊ិក, ម៉ាល់ឌីវ, ម៉ាឡាវី, បង់ក្លាដែស, ប៉ាឡេស្ទីន, តាហ្ស៊ីគីស្ថាន, បារ៉ែន, ឡាវ, រដ្ឋសហព័ន្ធមីក្រូណេស៊ី, តូហ្គោ, បេណាំង, ទីម័រខាងកើត, សាធារណរដ្ឋអាហ្វ្រិកកណ្តាល, ប៊ូរុនឌី, នីហ្សេរ, ជីប៊ូទី និងសៀរ៉ាឡេអូន។
សម្រាប់ការប្រកួតជើងឯកពិភពលោកនេះក្រៅពីវិញ្ញាសាហែលសេរី៥០ម៉ែត្រ វិទិនី ក៏បានលេងលើវិញ្ញាសាហែលមេអំបៅចម្ងាយ៥០ម៉ែត្រផងដែរ ដោយនាងបានបញ្ចប់ក្នុងចំណាត់ថ្នាក់លេខ៥១ក្នុងចំណោម៥៩ប្រទេសចូលរួម ក្រោយប្រើថេរវេលា៣២.៣៩វិនាទី។
គួរបញ្ជាក់ថា សម្រាប់ព្រឹត្តិការណ៍ World Aquatics Championships 2017 ដែលរៀបចំនៅទីក្រុងប៊ុយដាប៉ែសប្រទេសហុងគ្រីចាប់ពីថ្ងៃទី១៤ ដល់ថ្ងៃទី៣០ ខែកក្កដា សហព័ន្ធខ្មែរកីឡាហែលទឹកបានបញ្ជូនកីឡាការិនី ហែមថុន វិទិនី, កីឡាករ ធុល ធឿន និង ចេង ពិរោទ ឲ្យចូលរួម។ តែយ៉ាងណាកីឡាករកីឡាការិនីទាំងនេះ មិនទទួលបានចំណាត់ថ្នាក់អ្វីនោះឡើយ ពោលគឺបានត្រឹមបំបែកកំណត់ត្រារៀងៗខ្លួនតែប៉ុណ្ណោះ៕
កីឡាការិនីហែលទឹកជម្រើសជាតិ ហែមថុន វិទិនី បានបញ្ចប់ក្នុងលទ្ធផលមួយយ៉ាងល្អនាការប្រកួតកីឡាហែលទឹកជ្រើសរើសឯកពិភពលោក World Aquatics Championships 2017 នៅទីក្រុងប៊ុយដាប៉ែសប្រទេសហុងគ្រីកាលពីខែកក្កដា កន្លងទៅនេះ។ វិទិនី ទទួលបានចំណាត់ថ្នាក់លេខ៦៨ក្នុងចំណោម៨៧ប្រទេសចូលរួម ពោលគឺឈរលើ១៩ប្រទេស ក្រោយប្រើថេរវេលា២៩.៦៩វិនាទីលើវិញ្ញាសាហែលសេរីចម្ងាយ៥០ម៉ែត្រ។
ថេរវេលា២៩.៦៩វិនាទីបានជួយឲ្យ វិទិនី អាចបំណត់ត្រាចាស់លើវិញ្ញាសានេះក្នុងស៊ីហ្គេមនៅប្រទេសសិង្ហបុរីឆ្នាំ២០១៥ ផងដែរ ខណៈកាលណោះនាងប្រើថេរវេលា៣០.៦០វិនាទី។ តែបើប្រៀបធៀបនឹងកំណត់ត្រានៅព្រឹត្តិការណ៍កីឡាអូឡាំពិកនៅទីក្រុងរីយ៉ូប្រទេសប្រេស៊ីលកាលពីឆ្នាំ២០១៦ គឺសមត្ថភាពមានការធ្លាក់ចុះ ដោយពេលនោះ នាង ប្រើ២៩.៣៧វិនាទីតែប៉ុណ្ណោះ។
ប្រទេសទាំង១៩ដែល វិទិនី ឈរលើរួមមាន នេប៉ាល់, អ៊ូហ្គង់ដា, ម៉ូសំប៊ិក, ម៉ាល់ឌីវ, ម៉ាឡាវី, បង់ក្លាដែស, ប៉ាឡេស្ទីន, តាហ្ស៊ីគីស្ថាន, បារ៉ែន, ឡាវ, រដ្ឋសហព័ន្ធមីក្រូណេស៊ី, តូហ្គោ, បេណាំង, ទីម័រខាងកើត, សាធារណរដ្ឋអាហ្វ្រិកកណ្តាល, ប៊ូរុនឌី, នីហ្សេរ, ជីប៊ូទី និងសៀរ៉ាឡេអូន។
សម្រាប់ការប្រកួតជើងឯកពិភពលោកនេះក្រៅពីវិញ្ញាសាហែលសេរី៥០ម៉ែត្រ វិទិនី ក៏បានលេងលើវិញ្ញាសាហែលមេអំបៅចម្ងាយ៥០ម៉ែត្រផងដែរ ដោយនាងបានបញ្ចប់ក្នុងចំណាត់ថ្នាក់លេខ៥១ក្នុងចំណោម៥៩ប្រទេសចូលរួម ក្រោយប្រើថេរវេលា៣២.៣៩វិនាទី។
គួរបញ្ជាក់ថា សម្រាប់ព្រឹត្តិការណ៍ World Aquatics Championships 2017 ដែលរៀបចំនៅទីក្រុងប៊ុយដាប៉ែសប្រទេសហុងគ្រីចាប់ពីថ្ងៃទី១៤ ដល់ថ្ងៃទី៣០ ខែកក្កដា សហព័ន្ធខ្មែរកីឡាហែលទឹកបានបញ្ជូនកីឡាការិនី ហែមថុន វិទិនី, កីឡាករ ធុល ធឿន និង ចេង ពិរោទ ឲ្យចូលរួម។ តែយ៉ាងណាកីឡាករកីឡាការិនីទាំងនេះ មិនទទួលបានចំណាត់ថ្នាក់អ្វីនោះឡើយ ពោលគឺបានត្រឹមបំបែកកំណត់ត្រារៀងៗខ្លួនតែប៉ុណ្ណោះ៕
Tag:
ហែលទឹក
ហែមថុន វិទិនី
World Aquatics Championships 2017
© រក្សាសិទ្ធិដោយ thmeythmey.com
