អន្តរជាតិ
បច្ចេកវិទ្យា
CPSC៖ ស្រោមទូរសព្ទដែលមានវត្ថុរាវ និងពន្លឺភ្លឺផ្លេក បង្កឲ្យរលាកស្បែក
×![]()
ដោយ: ធីតា
គណៈកម្មាធិការសុវត្ថិភាពផលិតផលអតិថិជនរបស់សហរដ្ឋអាមេរិក (CPSC) រកឃើញថា ស្រោមទូរសព្ទដៃដែលមានវត្ថុរាវ និងពន្លឺភ្លឺផ្លេករបស់ក្រុមហ៊ុន MixBin Electronics បង្កបញ្ហារលាកស្បែក។
ក្រុមហ៊ុនអេឡិចត្រូនិក MixBin Electronics បានធ្វើការប្រមូលផលិតផលស្រោមទូរសព្ទសម្រាប់ iPhone ចូលក្រុមហ៊ុនវិញ ដោយមានប្រមាណ២៦៣ ០០០នៅសហរដ្ឋអាមេរិក ១១ ៤០០នៅកាណាដា និង៤០០នៅម៉ិកស៊ិក។ ជាមួយគ្នានេះ អតិថិជិនក៏ទទួលបានការសងលុយវិញផងដែរ។
យោងតាមគណៈកម្មាធិការ CPSC អ្នកប្រើប្រាស់ស្រោមទូរសព្ទដែលមានវត្ថុរាវ និងពន្លឺផ្លេករបស់ក្រុមហ៊ុន MixBin Electronics មាន២៤ករណីលើពិភពលោក ក្នុងនោះ១៩ករណីនៅសហរដ្ឋអាមេរិក កើតជំងឺរលាកស្បែក ដោយសារតែការបញ្ចេញសារធាតុគីមីមកក្រៅ។
គេហទំព័រ Health US News បានលើកឡើងពីករណីគ្រោះថ្នាក់ធ្ងន់ធ្ងរមួយចំនួនផងដែរ ក្នុងនោះអ្នកប្រើប្រាស់ម្នាក់ ជាប់ស្លាកស្នាមជាអចិន្ត្រៃយ៍ ដោយសារតែរលាកជាតិគីមីខ្លាំង។ អ្នកប្រើប្រាស់ខ្លះទៀត ហើម និងមានស្នាមកន្ទួលនៅលើដៃ ជើង ខ្លួនប្រាណ ដើមទ្រូង និងបន្តរាលដាលលើ ក និងផ្ទៃមុខ ផងដែរ។
ស្រោមដែលមានបញ្ហាភាគច្រើន គឺប្រើសម្រាប់ iPhone 6, 6s និង7 ដែលត្រូវបានផលិតនៅក្នុងប្រទេសចិន ហើយបានដាក់លក់ចន្លោះពីខែតុលា ឆ្នាំ២០១៥ ដល់ខែមិថុនា ឆ្នាំ២០១៧ ។ ស្រោមទូរសព្ទនោះ មានសារធាតុរាវ ពន្លឺ និងពណ៌ជាច្រើនបែប។ តម្លៃដែលដាក់លក់តាមអនឡាញជាធម្មតា គឺចន្លោះពី១៥ ទៅ៦៥ដុល្លារអាមេរិក។
គណៈកម្មាធិការ CPSC របស់អាមេរិក បានអំពាវនាវដល់អ្នកប្រើប្រាស់ទារលុយសំណងវិញពីក្រុមហ៊ុន MixBin ហើយបញ្ឈប់ការប្រើប្រាស់ស្រោមដែលមានបញ្ហាទាំងនោះ៕
ក្រុមហ៊ុនអេឡិចត្រូនិក MixBin Electronics បានធ្វើការប្រមូលផលិតផលស្រោមទូរសព្ទសម្រាប់ iPhone ចូលក្រុមហ៊ុនវិញ ដោយមានប្រមាណ២៦៣ ០០០នៅសហរដ្ឋអាមេរិក ១១ ៤០០នៅកាណាដា និង៤០០នៅម៉ិកស៊ិក។ ជាមួយគ្នានេះ អតិថិជិនក៏ទទួលបានការសងលុយវិញផងដែរ។
យោងតាមគណៈកម្មាធិការ CPSC អ្នកប្រើប្រាស់ស្រោមទូរសព្ទដែលមានវត្ថុរាវ និងពន្លឺផ្លេករបស់ក្រុមហ៊ុន MixBin Electronics មាន២៤ករណីលើពិភពលោក ក្នុងនោះ១៩ករណីនៅសហរដ្ឋអាមេរិក កើតជំងឺរលាកស្បែក ដោយសារតែការបញ្ចេញសារធាតុគីមីមកក្រៅ។
គេហទំព័រ Health US News បានលើកឡើងពីករណីគ្រោះថ្នាក់ធ្ងន់ធ្ងរមួយចំនួនផងដែរ ក្នុងនោះអ្នកប្រើប្រាស់ម្នាក់ ជាប់ស្លាកស្នាមជាអចិន្ត្រៃយ៍ ដោយសារតែរលាកជាតិគីមីខ្លាំង។ អ្នកប្រើប្រាស់ខ្លះទៀត ហើម និងមានស្នាមកន្ទួលនៅលើដៃ ជើង ខ្លួនប្រាណ ដើមទ្រូង និងបន្តរាលដាលលើ ក និងផ្ទៃមុខ ផងដែរ។
ស្រោមដែលមានបញ្ហាភាគច្រើន គឺប្រើសម្រាប់ iPhone 6, 6s និង7 ដែលត្រូវបានផលិតនៅក្នុងប្រទេសចិន ហើយបានដាក់លក់ចន្លោះពីខែតុលា ឆ្នាំ២០១៥ ដល់ខែមិថុនា ឆ្នាំ២០១៧ ។ ស្រោមទូរសព្ទនោះ មានសារធាតុរាវ ពន្លឺ និងពណ៌ជាច្រើនបែប។ តម្លៃដែលដាក់លក់តាមអនឡាញជាធម្មតា គឺចន្លោះពី១៥ ទៅ៦៥ដុល្លារអាមេរិក។
គណៈកម្មាធិការ CPSC របស់អាមេរិក បានអំពាវនាវដល់អ្នកប្រើប្រាស់ទារលុយសំណងវិញពីក្រុមហ៊ុន MixBin ហើយបញ្ឈប់ការប្រើប្រាស់ស្រោមដែលមានបញ្ហាទាំងនោះ៕
Tag:
CPSC
ទូរសព្ទ
បច្ចេកវិទ្យា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
