ពីនេះ ពីនោះ
ព័ត៍មានសុខភាព
អាហារល្អៗ និងត្រឹមត្រូវដែលស្ត្រីមានផ្ទៃពោះត្រីមាសទីពីរគួរតែញ៉ាំ
× នៅពេលអ្នកមានផ្ទៃពោះ ការញ៉ាំអាហារផ្តល់សុខភាព របបអាហារមានតុល្យភាពគឺជាផ្នែកមួយដ៏សំខាន់ដែលអ្នកត្រូវតែធ្វើដើម្បីខ្លួនឯង និងកូនក្នុងផ្ទៃ។ អាហារដែលអ្នកញ៉ាំគឺជាប្រភពដ៏សំខាន់នៃជីវជាតិដែលរាងកាយ និងកូនត្រូវការ ដូច្នេះយកល្អគួរតែញ៉ាំអាហារណាដែលសម្បូរជីវជាតិ។ ជីវជាតិដែលល្អ និងគ្រប់គ្រាន់អាចជួយឲ្យកូនលូតលាស់ និងធំធាត់កាន់តែល្អដែរ។
របបអាហារផ្តល់សុខភាពមានដូចជា៖
• កាបូអ៊ីដ្រាត
• ខ្លាញ់
• ប្រូតេអ៊ីន
• វីតាមីន
• ជាតិរ៉ែ
• ទឹក
ក្នុងត្រីមាសទីពីរ វាគឺជារឿងសំខាន់ណាស់ដែលត្រូវញ៉ាំអាហារណាដែលសម្បូរទៅដោយជាតិកាលស្យូម ម៉ាញ៉េស្យូម និងវីតាមីន D។ ជីវជាតិទាំងនេះនឹងជួយកូនលូតលាស់ឆ្អឹង និងធ្មេញកាន់តែរឹងមាំ។ វាក៏មានប្រយោជន៍ណាស់ដែរក្នុងការញ៉ាំអាហារមានជាតិខ្លាញ់អូមេហ្គាបី ដែលជាសារធាតុដ៏សំខាន់មួយសម្រាប់ការលូតលាស់ខួរក្បាលរបស់ទារក។ អាហារដែលមានជីវជាតិទាំងអស់ខាងលើអ្នកអាចរកបានដូចជា៖
• ប្រូខូលី
• ផ្លែប័រ
• សណ្តែកខៀវ
• ស្ពៃក្តោប
• ការ៉ុត
• ផ្លែឈើគ្រាម
• គ្រាប់ផ្កាឈូករ័ត្ន
• គ្រាប់ល្ពៅ
វាកាន់តែមានប្រយោជន៍ទៀតក្នុងការរៀបចំ និងចំអិនអាហារញ៉ាំដោយខ្លួនឯងនៅផ្ទះដើម្បីរក្សាបាននូវតុល្យភាពរបបអាហារ និងផ្តល់សុខភាពផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com