អន្តរជាតិ
×![]()
ដោយ: ធីតា
កាលពីពេលថ្មីៗកន្លងមកនេះ បុរសវ័យប្រមាណ៥០ឆ្នាំម្នាក់ បានធ្វើដំណើរតាមរថយន្តក្រុង ចេញពីក្រុង Duyun នៃខេត្ត Guizhou ប្រទេសចិន។ ប៉ុន្តែនៅពេលនោះ គាត់ត្រូវបានសមត្ថកិច្ចមូលដ្ឋានឃាត់ខ្លួន បន្ទាប់ពីរកឃើញដៃមនុស្សនៅក្នុងកាបូបខោអាវ។
បុរសដែលមានឈ្មោះថា Zheng ត្រូវបានចាប់ខ្លួន ក្រោមបទសង្ស័យមនុស្សឃាត។ យោងតាមការផ្សាយរបស់សារព័ត៌មានចិន Chongqing Morning Post កាម៉េរ៉ាសន្តិសុខនៅស្ថានីយ៍រថយន្តក្រុង Duyun នៃខេត្ត Ghizhou បានពិនិត្យឃើញថា ក្នុងកាបូបរបស់បុរសវ័យ៥០ឆ្នាំរូបនេះ មានដៃមនុស្សចំនួន២ ។
ភ្លាមៗនោះ លោក Zheng បានព្យាយាមពន្យល់ទៅសមត្ថកិច្ចថា ទាំងនោះ គឺដៃរបស់បងប្រុសខ្លួន ដែលបានធ្លាក់ខ្លួនពិការ បន្ទាប់ពីរងគ្រោះថ្នាក់ឆក់ចរន្តអគ្គិសនីមួយ។
ហេតុអ្វីបានយកដៃទាំងនោះ ដាក់តាមខ្លួន? លោក Zheng បានអះអាងថា ខ្លួនធ្វើតាមសំណូមពរបងប្រុសឲ្យយកដៃគាត់ទៅស្រុកកំណើត ពីព្រោះបើតាមប្រពៃណីចិន ប្រសិនបើមនុស្សណាម្នាក់ស្លាប់ គេត្រូវកប់ ឬបូជា សពទាំងមូល ដើម្បីឲ្យជាតិក្រោយ កើតមកមានអវៈយវៈគ្រប់គ្រាន់។
តាមពិតទៅបងប្រុសរបស់លោក Zheng មិនទាន់បាត់បង់ជីវិតនោះឡើយ ដោយគាត់កំពុងស្ថិតនៅសម្រាកព្យាបាលនៅមន្ទីរពេទ្យ ប៉ុន្តែគាត់បានសំណូមពរឲ្យប្អូនប្រុសយកដៃទាំងសងខាងរបស់ខ្លួនទៅស្រុកកំណើតមុន។
បន្ទាប់ពីបានធ្វើការស្រាវជ្រាវ និងមានការអះអាងពីខាងមន្ទីរពេទ្យ ប៉ូលិសបានសម្រេចដោះលែងលោក Zheng ឲ្យមានសេរីភាពឡើងវិញ។ មន្ត្រីប៉ូលិសម្នាក់ បានអះអាងប្រាប់ AFP ថា លោក Zheng អាចរួចផុតពីទោសទណ្ឌជាប់ពន្ធនាគារ ប៉ុន្តែគាត់ត្រូវរងពិន័យរដ្ឋបាល។
នៅចិន ការធ្វើដំណើរដោយដាក់ផ្នែកនៃអវៈយវៈមនុស្ស ឬសាកសពទៅតាមខ្លួន មិនមានការអនុញ្ញាតនោះឡើយ ប៉ុន្តែគេអាចរកសេវាកម្មដឹកជញ្ជូនផ្សេងៗពីរដ្ឋ ឬក្រុមហ៊ុនណាមួយ ដោយភ្ជាប់ជាមួយលក្ខខណ្ឌជាច្រើន។ ការហាមបែបនេះ ក្នុងគោលបំណងរក្សាអនាម័យ និងសុវត្ថិភាពសម្រាប់អ្នកដំណើរផ្សេងទៀត៕
បុរសដែលមានឈ្មោះថា Zheng ត្រូវបានចាប់ខ្លួន ក្រោមបទសង្ស័យមនុស្សឃាត។ យោងតាមការផ្សាយរបស់សារព័ត៌មានចិន Chongqing Morning Post កាម៉េរ៉ាសន្តិសុខនៅស្ថានីយ៍រថយន្តក្រុង Duyun នៃខេត្ត Ghizhou បានពិនិត្យឃើញថា ក្នុងកាបូបរបស់បុរសវ័យ៥០ឆ្នាំរូបនេះ មានដៃមនុស្សចំនួន២ ។
ភ្លាមៗនោះ លោក Zheng បានព្យាយាមពន្យល់ទៅសមត្ថកិច្ចថា ទាំងនោះ គឺដៃរបស់បងប្រុសខ្លួន ដែលបានធ្លាក់ខ្លួនពិការ បន្ទាប់ពីរងគ្រោះថ្នាក់ឆក់ចរន្តអគ្គិសនីមួយ។
ហេតុអ្វីបានយកដៃទាំងនោះ ដាក់តាមខ្លួន? លោក Zheng បានអះអាងថា ខ្លួនធ្វើតាមសំណូមពរបងប្រុសឲ្យយកដៃគាត់ទៅស្រុកកំណើត ពីព្រោះបើតាមប្រពៃណីចិន ប្រសិនបើមនុស្សណាម្នាក់ស្លាប់ គេត្រូវកប់ ឬបូជា សពទាំងមូល ដើម្បីឲ្យជាតិក្រោយ កើតមកមានអវៈយវៈគ្រប់គ្រាន់។
តាមពិតទៅបងប្រុសរបស់លោក Zheng មិនទាន់បាត់បង់ជីវិតនោះឡើយ ដោយគាត់កំពុងស្ថិតនៅសម្រាកព្យាបាលនៅមន្ទីរពេទ្យ ប៉ុន្តែគាត់បានសំណូមពរឲ្យប្អូនប្រុសយកដៃទាំងសងខាងរបស់ខ្លួនទៅស្រុកកំណើតមុន។
បន្ទាប់ពីបានធ្វើការស្រាវជ្រាវ និងមានការអះអាងពីខាងមន្ទីរពេទ្យ ប៉ូលិសបានសម្រេចដោះលែងលោក Zheng ឲ្យមានសេរីភាពឡើងវិញ។ មន្ត្រីប៉ូលិសម្នាក់ បានអះអាងប្រាប់ AFP ថា លោក Zheng អាចរួចផុតពីទោសទណ្ឌជាប់ពន្ធនាគារ ប៉ុន្តែគាត់ត្រូវរងពិន័យរដ្ឋបាល។
នៅចិន ការធ្វើដំណើរដោយដាក់ផ្នែកនៃអវៈយវៈមនុស្ស ឬសាកសពទៅតាមខ្លួន មិនមានការអនុញ្ញាតនោះឡើយ ប៉ុន្តែគេអាចរកសេវាកម្មដឹកជញ្ជូនផ្សេងៗពីរដ្ឋ ឬក្រុមហ៊ុនណាមួយ ដោយភ្ជាប់ជាមួយលក្ខខណ្ឌជាច្រើន។ ការហាមបែបនេះ ក្នុងគោលបំណងរក្សាអនាម័យ និងសុវត្ថិភាពសម្រាប់អ្នកដំណើរផ្សេងទៀត៕
Tag:
ប្លែកៗ
© រក្សាសិទ្ធិដោយ thmeythmey.com
