ពីនេះ ពីនោះ
ព័ត៍មានសុខភាព
បើមិនចង់ឈឺក្បាលទេ គួរតែធ្វើទៅតាមវិធីស្រួលៗទាំងអស់នេះ
× បើសិនជាអ្នកជាមនុស្សម្នាក់ដែលឧស្សាហ៍ឈឺក្បាលជាញឹកញាប់ នោះអ្នកក៏មានវិធីជាច្រើនដើម្បីបង្ការ និងគ្រប់គ្រងរោគសញ្ញាវាដែរ។ ជាអកុសល្យ ការឈឺក្បាលមួយចំនួនដូចជា Cluster Headaches គឺមិនអាចបង្ការបានទេ។ ប៉ុន្តែមានមធ្យោបាយច្រើនណាស់ដែលអាចបន្ថយភាពញឹកញាប់ និងធ្ងន់ធ្ងរនៃការឈឺក្បាលផ្សេងៗទៀតបាន។
ប្រើថ្នាំទៅតាមវេជ្ជបញ្ជា
ថ្នាំបំបាត់ការឈឺចាប់ភាគច្រើនតែងតែប្រើនៅពេលមានអាការៈឈឺក្បាលកើតឡើង។ ប៉ុន្តែការកាត់បន្ថយភាពញឹកញាប់នៃការប្រើប្រាស់អាចនឹងមានសុវត្ថិភាពជាង ព្រោះបើសិនជាប្រើច្រើនពេក វាអាចបណ្តាលឲ្យមានផលរំខានច្រើនដូចជា ចង្អោ វិលមុខ ឬមានបញ្ហាក្រពះពោះវៀនបាន។ យ៉ាងណាមិញ បើសិនជាអ្នកប្រើថ្នាំដោយមិនមានវេជ្ជបញ្ជា មិនមានប្រសិទ្ធភាពទេ យកល្អគួរតែជួបគ្រូពេទ្យ និងធ្វើទៅតាមការណែនាំរបស់គាត់ឲ្យបានខ្ជាប់ខ្ជួនផង។
ចៀសវាងមូលហេតុ
ភាគច្រើនអ្នកជំងឺឈឺក្បាលបែបប្រកាំង គឺកើតឡើងដោយសារតែអាហារ និងសកម្មភាពផ្សេងៗ។ ឧទាហរណ៍ បើសិនជាអ្នកឈឺក្បាលបែបនេះ ចូរចៀសវាងការញ៉ាំអាហារធ្វើពីទឹកដោះគោ។
ហាត់ប្រាណទៀងទាត់
សកម្មភាពរាងកាយអាចធ្វើឲ្យរាងកាយបញ្ចេញសារធាតុ Endorphins ដែលជាសារធាតុប្រឆាំងការឈឺចាប់បែបធម្មជាតិ ហើយធ្វើឲ្យមានអារម្មណ៍ល្អថែមទៀត។ កាត់ហាត់ប្រាណក៏ជួយបន្ថយស្ត្រេស ដែលនាំឲ្យឈឺក្បាលដែរ។ ដើម្បីសុវត្ថិភាព អ្នកគួរតែញ៉ាំទឹកជានិច្ចក្នុងពេលហាត់ប្រាណដើម្បីចៀសវាងការខ្សោះជាតិទឹក ព្រោះវាក៏ជាដើមហេតុនាំឲ្យឈឺក្បាលដែរ។
គេងគ្រប់គ្រាន់
ការគេងមិនបានគ្រប់គ្រាន់អាចបណ្តាលឲ្យឈឺក្បាល ព្រមទាំងកើតជាស្ត្រេស អស់កម្លាំង និងប្រព័ន្ធភាពស៊ាំចុះខ្សោយទៀត។ យកល្អគួរតែគេងឲ្យបានគ្រប់គ្រាន់ផងជារៀងរាល់យប់។ ការដែលមានទម្លាប់គេងបានទៀងទាត់គឺជារឿងសំខាន់មួយក្នុងការបន្ថយការឈឺក្បាល។
ស្ត្រេស
ស្ត្រេសអាចបង្កទៅជាការឈឺក្បាលបែប Tension និងប្រកាំង។ ដូច្នេះការដែលចៀសវាងបានរាល់អ្វីៗដែលនាំឲ្យស្ត្រេសគឺជាមធ្យោបាយដ៏ល្អមួយដើម្បីបន្ថយការឈឺក្បាល។ អ្នកអាចប្រើវិធីបន្ធូរអារម្មណ៍ជាច្រើនដូចជា ការហាត់យូហ្គា និងតាំងសមាធិ ដើម្បីគ្រប់គ្រងស្ត្រេស៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com