ជាតិ
បាក់ឌុប៖រដ្ឋមន្ត្រីអប់រំ ស្នើនគរបាលចរាចរកុំចាប់សិស្សមកពីស្រុកឆ្ងាយ ដែលមិនពាក់មួកសុវត្ថិភាព
×
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួន ណារ៉ុន អំពាវនាវឲ្យសិស្សានុសិស្ស ដែលប្រឡងមធ្យមសិក្សាទុតិយភូមិនៅឆ្នាំនេះ ត្រូវពាក់មួកសុវត្ថិភាពឲ្យបានគ្រប់គ្នានៅពេលជិះម៉ូតូមកប្រឡងបាក់ឌុប។ ក៏ប៉ុន្តែលោករដ្ឋមន្ត្រី ក៏ស្នើនគរបាលចរាចរណ៍កុំឲ្យចាប់សិស្សដែលមកពីស្រុកឆ្ងាយៗ ដោយពេលខ្លះពួកគេធ្វេសប្រហែសមិនបានពាក់មួកសុវត្ថិភាព ក្នុងអំឡុងពេលប្រឡងមធ្យមសិក្សាទុតិយភូមិ។ សិស្សទាំងនោះ មកពីស្រុកឆ្ងាយៗ ហើយស្នាក់នៅក្នុងវត្ត ផ្ទះសំណាក់ ឬផ្ទះបងប្អូន នៅក្បែរមណ្ឌលប្រឡង។
លោក ហង់ ជួន ណារ៉ុន បញ្ជាក់ថា ប្រសិនសមត្ថកិច្ចចាប់បេក្ខជនដែលមិនបានពាក់មួកសុវត្ថិភាពក្នុងអំឡុងថ្ងៃប្រឡង ពួកគេនឹងអាចខកពេលប្រឡងជាមិនខាន។ ជាមួយគ្នានេះ នៅក្នុងធីជួបជាមួយអ្នកស្ម័គ្រចិត្តអង្កេតការណ៍របស់អង្គភាពប្រឆាំងអំពើពុករលួយ នៅសាលាតិចណូ កាលពីថ្ងៃទី ១៤ ខែសីហា លោករដ្ឋមន្ត្រី ក៏អំពាវនាវកុំឲ្យមានការយកថ្លៃផ្ញើកង់ឬមូតូពីសិស្សក្រីក្រផងដែរ។
សូមស្តាប់ប្រសាសន៍លោក ហង់ ជួន ណារ៉ុន ខាងក្រោម៖
Tag:
ក្រសួងអប់រំ
ហង់ ជួន ណារ៉ុន
បាក់ឌុប
© រក្សាសិទ្ធិដោយ thmeythmey.com