ខេត្តបីនៅជាប់តំបន់មាត់សមុទ្រកំពុងលិចលង់ជំនន់ទឹកភ្លៀង

ជាតិ

ខេត្តបីនៅជាប់តំបន់មាត់សមុទ្រកំពុងលិចលង់ជំនន់ទឹកភ្លៀង

17, Aug 2017 , 1:49 pm

រូបភាព

ខេត្តព្រះសីហនុ រូបភាពពីហ្វេសប៊ុកក្រសួងធនធានទឹក

ដោយ:

កម្ពុជានឹងរងឥទ្ធិពលសម្ពាធទាបមួយពីសមុទ្រចិនខាងត្បូងនៅថ្ងៃទី១៧ សីហា២០១៧នេះ ដែលធ្វើឲ្យអាកាសធាតុនៅកម្ពុជាអាចមានភ្លៀងធ្លាក់ខ្លាំង លាយឡំជាមួយនិងផ្គររន្ទះ។ ខេត្តចំនួន៣ នៅតំបន់មាត់សមុទ្រដែលរងឥទ្ធិពលសម្ពាធទាបនេះ នឹងរងការជន់លិច។

ក្រសួងធនធានទឹក និងឧតុនិយម បានផ្សាយលើទំព័រហ្វេសប៊ុករបស់ខ្លួននៅថ្ងៃទី១៧ សីហា ឆ្នាំ២០១៧ថា តំបន់ទាំងបីនៃប្រទេសកម្ពុជា កំពុងមានភ្លៀងធ្លាក់យ៉ាងខ្លាំង បណ្ដាលឲ្យជន់លិចនោះមាន ខេត្តព្រះសីហនុ ភ្លៀងធ្លាក់ក្នុងកម្រិត១៨១ មីល្លីម៉ែត្រ ដែលបានបង្កឲ្យមានជំនន់ទឹកភ្លៀងលិចតំបន់មួយចំនួន នៅតាមបណ្តោយផ្លូវជាតិលេខ ៤ ក្នុងភូមិសាស្ត្រស្រុកព្រៃនប់។

ខេត្តកំពត ស្ថានភាពអាកាសធាតុនៅព្រឹកថ្ងៃទី ១៧ ខែសីហានេះ ផ្ទៃមេឃមានសភាពអួអាប់ និងមានភ្លៀងរលឹមស្រិចៗនៅតាមតំបន់មួយចំនួនដូចជា ក្រុងកំពត ស្រុកកំពង់ត្រាច ដងទង់ ឈូក និងស្រុកទឹកឈូ។ ចំណែកខេត្តកោះកុង ភ្លៀងបានចាប់ធ្លាក់តាំងពីយប់ថ្ងៃទី ១៦ សីហាមក ដេលកំពុងធ្វើឲ្យផ្លូវមួយចំនួនក្នុងក្រុងខេមរភូមិន្ទ រងការជន់លិច ។ មកដល់ថ្ងៃព្រឹកនេះបរិមាណទឹកភ្លៀង មានកំរិត១៥៥ មីល្លីម៉ែត្រ ខណៈភ្លៀងបន្តធ្លាក់រាយប៉ាយទូទាំងខេត្តនេះ។ នេះបើតាមក្រសួងធនធានទឹក ដែលអំពាវនាវឲ្យប្រជាពលរដ្ឋ មានការប្រុងប្រយ័ត្នចំពោះជំនន់ទឹកភ្លៀង៕