ជាតិ
សេដ្ឋកិច្ច
លោក ចម ប្រសិទ្ធ ណែនាំ អ្នករកស៊ីធំៗមួយចំនួនដែលមិនអនុវត្តតាមច្បាប់ រូបភាពពីក្រសួងឧស្សាហកម្ម និងសិប្បកម្ម
× ភ្នំពេញ៖ រដ្ឋមន្ត្រីក្រសួងឧស្សាហកម្ម និងសិប្បកម្ម លោក ចម ប្រសិទ្ធ បានលើកឡើងថា ក្រុមហ៊ុនមួយចំនួននៅកម្ពុជាមិនទាន់ស្គាល់បញ្ញត្តិច្បាប់ក្នុងប្រទេសរបស់ខ្លួន។ លោកបន្ថែមថា ក្រុមហ៊ុនភាគច្រើន បន្ទាប់ពីចុះបញ្ជីបង្កើតក្រុមហ៊ុនរួចក៏ចាប់ផ្ដើមបង្កើតរោងចក្រផលិតផលតែម្ដង ដោយមិនបានសុំច្បាប់បង្កើតរោងចក្រ។
«ឧកញ៉ាមួយចំនួនអត់ទាន់ស្គាល់ (ច្បាប់) ទេ កុំនិយាយតែឧកញ៉ាណា សូម្បីតែឧកញ៉ា ម៉ុង ឫទ្ធី … »។ នេះជាថ្លែងរបស់ លោក ចម ប្រសិទ្ធ នៅក្នុងសិក្ខាសាលាពិគ្រោះយោបល់រវាងអ្នកផលិត និងអ្នកផ្គត់ផ្គង់ផលិតផលខ្មែរ នៅថ្ងៃទី១៧ខែសីហា មុននឹងលោកបន្តដូច្នេះថា៖«មិនមែនតែអ្នកតូចដែលមិនដឹងច្បាប់ អ្នករកស៊ីធំហើយនៅតែអត់ដឹងទៀត»។
សូមស្ដាប់ប្រសាសន៍លោក ចម ប្រសិទ្ធ ខាងក្រោមនេះ៖
បើតាមរដ្ឋមន្ត្រីក្រសួងឧស្សាហកម្ម និងសិប្បកម្មរូបនេះ ការបង្កើតក្រុមហ៊ុនធំត្រូវចុះបញ្ជីនៅក្រសួងពាណិជ្ជកម្ម រីឯការបង្កើតសហគ្រាសធុនតូច និងមធ្យម (SME) ត្រូវចុះបញ្ជីនៅក្រសួងឧស្សាហកម្ម និងសិប្បកម្ម ។ បន្ទាប់ពីនោះបើបង្កើតរោងចក្រផលិត ទាំងមុនបង្កើត និងដាក់ឲ្យដំណើរការ គេត្រូវសុំច្បាប់នៅក្រសួងឧស្សាហកម្ម និងសិប្បកម្មមួយទៀត។ ក្រោយនោះទៀត គេត្រូវចុះបញ្ជីផលិតផលនៅវិទ្យាស្ថានស្ដង់ដារដើម្បីទទួលស្គាល់ស្ដង់ដារ និងបញ្ជាក់ថាផលិតនៅកម្ពុជា៕
Tag:
ចម ប្រសិទ្ធ
ចុះបញ្ជី
© រក្សាសិទ្ធិដោយ thmeythmey.com