កីឡាជាតិ
ជាតិ
ស៊ីហ្គេម៖ ទ្រីយ៉ាត្លុងកម្ពុជារងការខកចិត្ត ចំណែកបាល់បោះបន្តចាញ់វៀតណាម
សកម្មភាពប្រកួតរវាងក្រុមកម្ពុជាជាមួយវៀតណាមនៅកីឡដ្ឋាន MABA Stadium។ រូបភាពពី NOCC
×![]()
ក្រុមកីឡាករជម្រើសជាតិទ្រីយ៉ាត្លុងកម្ពុជា និងម្ចាស់ផ្ទះម៉ាឡេស៊ីបានត្រឹមបទពិសោធ ដើម្បីអភិវឌ្ឍន៍សមត្ថភាព បន្ទាប់ពីមិនអាចដណ្តើមមេដាយពីការការប្រកួតកីឡាស៊ីហ្គេមនៅម៉ាឡេស៊ីលើវិញ្ញាសារបស់ខ្លួនកាលព្រឹកថ្ងៃទី២១ ខែសីហា។ ហ្វីលីពីនបានបន្តគ្រងមេដាយមាស និងប្រាក់ ខណៈសិង្ហបុរីទទួលបានមេដាយសំរឹទ្ធ។ ចំណែកការប្រកួតកីឡាបាល់បោះ កម្ពុជា បានបន្តចាញ់វៀតណាម ៩៥-៩០ នាជំនួបលើកទី២ក្នុងពូល B។
កីឡាករទ្រីយ៉ាត្លុង នាង ពេជ្រពិសិដ្ឋ និង ឈុន ប៊ុនថន បានរងការខកចិត្តក្នុងការប្រកួតកីឡាស៊ីហ្គេមលើកទី២៩នៅម៉ាឡេស៊ី បន្ទាប់ពីពួកគេមិនអាចបានដណ្តើមមេដាយលើវិញ្ញាសារបស់ខ្លួនជូនជាតិមាតុភូមិកាលពីព្រឹកថ្ងៃទី២១ ខែសីហា។ ទោះបី ពេជ្រពិសិដ្ឋ និង ប៊ុនថន មិនអាចស្វែងរកជ័យជម្នះបាន ប៉ុន្តែពួកគេទទួលបានបទពិសោធថ្មីៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើននៅថ្ងៃអនាគត។
សម្រាប់ការប្រកួតលើវិញ្ញាសាហែលទឹក១,៥គីឡូម៉ែត្រ ជិះកង់៤០គីឡូម៉ែត្រ និងរត់១០គីឡូម៉ែត្រ កីឡាករហ្វីលីពីនដែលជាម្ចាស់ជើងឯកប្រចាំព្រឹត្តិការណ៍កីឡាស៊ីហ្គេមឆ្នាំ២០១៦ នៅសិង្ហបុរី បានបន្តឈ្នះមេដាយមាស និងប្រាក់ ខណៈសិង្ហបុរីបានបន្តរក្សាមេដាយសំរឹទ្ធ។ គួរបញ្ជាក់ថា ការប្រកួតនេះប្រទេសនីមួយៗអាចដាក់កីឡាករពីររូបឲ្យចូលរួមលើវិញ្ញាសានេះ។
មិនមែនមានតែកម្ពុជានោះទេដែលមិនបានមេដាយ សូម្បីតែម្ចាស់ផ្ទះម៉ាឡេស៊ីដែលជាម្ចាស់មេដាយប្រាក់កីឡាស៊ីហ្គេមនៅសិង្ហបុរីកាលពីឆ្នាំ២០១៥ ក៏មិនទទួលបានមេដាយដូចគ្នាពីការប្រកួតនេះ។
ដោយឡែក ក្រុមកីឡាបាល់បោះកម្ពុជាបានប្រកួតចាញ់វៀតណាមក្នុងលទ្ធផល ៩៥-៩០ សម្រាប់ការប្រកួតលើកទី២ក្នុងពូល B នៃព្រឹត្តិការណ៍កីឡាស៊ីហ្គេមដែលកំពុងដំណើរការនៅម៉ាឡេស៊ីនៅព្រឹកថ្ងៃទី២១ សីហា នាកីឡដ្ឋាន MABA Stadium ខណៈកាលពីលើកទី១ក្រុមកម្ពុជាមួយនេះបានចាញ់សិង្ហបុរីក្នុងលទ្ធផល ៩៥-៦៤។ ក្រុមកីឡាបាល់បោះកម្ពុជា ត្រូវជួបប្រកួតលើកទី៣ជាមួយឡាវ នាវេលាម៉ោង៨ព្រឹកថ្ងៃទី២២ ខែសីហា នៅកីឡដ្ឋាន MABA Stadium៕
កីឡាករទ្រីយ៉ាត្លុង នាង ពេជ្រពិសិដ្ឋ និង ឈុន ប៊ុនថន បានរងការខកចិត្តក្នុងការប្រកួតកីឡាស៊ីហ្គេមលើកទី២៩នៅម៉ាឡេស៊ី បន្ទាប់ពីពួកគេមិនអាចបានដណ្តើមមេដាយលើវិញ្ញាសារបស់ខ្លួនជូនជាតិមាតុភូមិកាលពីព្រឹកថ្ងៃទី២១ ខែសីហា។ ទោះបី ពេជ្រពិសិដ្ឋ និង ប៊ុនថន មិនអាចស្វែងរកជ័យជម្នះបាន ប៉ុន្តែពួកគេទទួលបានបទពិសោធថ្មីៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើននៅថ្ងៃអនាគត។
សម្រាប់ការប្រកួតលើវិញ្ញាសាហែលទឹក១,៥គីឡូម៉ែត្រ ជិះកង់៤០គីឡូម៉ែត្រ និងរត់១០គីឡូម៉ែត្រ កីឡាករហ្វីលីពីនដែលជាម្ចាស់ជើងឯកប្រចាំព្រឹត្តិការណ៍កីឡាស៊ីហ្គេមឆ្នាំ២០១៦ នៅសិង្ហបុរី បានបន្តឈ្នះមេដាយមាស និងប្រាក់ ខណៈសិង្ហបុរីបានបន្តរក្សាមេដាយសំរឹទ្ធ។ គួរបញ្ជាក់ថា ការប្រកួតនេះប្រទេសនីមួយៗអាចដាក់កីឡាករពីររូបឲ្យចូលរួមលើវិញ្ញាសានេះ។
មិនមែនមានតែកម្ពុជានោះទេដែលមិនបានមេដាយ សូម្បីតែម្ចាស់ផ្ទះម៉ាឡេស៊ីដែលជាម្ចាស់មេដាយប្រាក់កីឡាស៊ីហ្គេមនៅសិង្ហបុរីកាលពីឆ្នាំ២០១៥ ក៏មិនទទួលបានមេដាយដូចគ្នាពីការប្រកួតនេះ។
ដោយឡែក ក្រុមកីឡាបាល់បោះកម្ពុជាបានប្រកួតចាញ់វៀតណាមក្នុងលទ្ធផល ៩៥-៩០ សម្រាប់ការប្រកួតលើកទី២ក្នុងពូល B នៃព្រឹត្តិការណ៍កីឡាស៊ីហ្គេមដែលកំពុងដំណើរការនៅម៉ាឡេស៊ីនៅព្រឹកថ្ងៃទី២១ សីហា នាកីឡដ្ឋាន MABA Stadium ខណៈកាលពីលើកទី១ក្រុមកម្ពុជាមួយនេះបានចាញ់សិង្ហបុរីក្នុងលទ្ធផល ៩៥-៦៤។ ក្រុមកីឡាបាល់បោះកម្ពុជា ត្រូវជួបប្រកួតលើកទី៣ជាមួយឡាវ នាវេលាម៉ោង៨ព្រឹកថ្ងៃទី២២ ខែសីហា នៅកីឡដ្ឋាន MABA Stadium៕
Tag:
ទ្រីយ៉ាត្លុង
បាល់បោះ
SEA Games 2017
© រក្សាសិទ្ធិដោយ thmeythmey.com
